Jɛrimaya 16:7 - Krio Fɔs Oli Baybul

⁷ Nɔbɔdi nɔ go it ɔ drink wit ɛnibɔdi we de munin, fɔ kos am fɔ di wan dɛn we day; ɛn nɔbɔdi nɔ go simpatayz wit am fɔ in papa ɔ mami.

Jɛrimaya 16:7 Referans Kwoze

Ozie 9:4

Dɛn nɔ fɔ tamisilɛ wit rɔm to PAPA GƆD ɛn nɔ go gladi wit dɛn sakrifays. Dɛn it go tan lɛk it we dɛn pul fɔ dayman; ɛnibɔdi we it am nɔ go klin na PAPA GƆD in yay; bikɔs na dɛnsɛf nɔmɔ go it dɛn it; dɛn nɔ fɔ kɛr am go na PAPA GƆD in os.

Izikɛl 24:17

Pini, bɔt nɔto lawd wan; nɔ munin atɔl fɔ dayman. Tay yu tɔban rawnd yu ed ɛn wɛr yu sus na yu fut; nɔ kɔba yu mɔt ɛn nɔ it bɛrin it.

Ditarɔnɔmi 26:14

Dɛn nɔ bin tek natin pan dɛn we dɛn bin gɛt bɛrin ɛn dɛn nɔ bin tɔch dɛn we dɛn nɔ bin klin na PAPA GƆD in yay, ɛn dɛn nɔ sakrifays natin pan am to dayman. Dɛn dɔn du ɔl wetin PAPA GƆD bin se dɛn fɔ du we gɛt fɔ du wit di tayth, we dɛn fɔ giwe pan ɔltin we dɛn kɔt na dɛn fam.

Job 42:11

Nain in brɔda ɛn sista dɛn, ɛn ɔl di wan dɛn we bin no am fɔstɛm, go it ɛn drink nain os; dɛn sho am se dɛn sɔri fɔ am fɔ ɔl di bad tin dɛn we PAPA GƆD bin mek mit am. Ɔlman gi am wan wan kɔpɔ ɛn wan wan gold riŋ.

Ɛkliziastis 4:1

A bin si ɔl di bad bad tin dɛn we pipul dɛn de du to dɛn kɔmpin dɛn na wɔl. A si dɛn we dɛn de kray ɛn nɔ gɛt pɔsin fɔ tɛl dɛn ɔsh. Nɔbɔdi nɔ gɛt maynd fɔ ɛp dɛn bikɔs di wan dɛn we de du dɛn bad gɛt pawa.

Jɛrimaya 22:10

Nɔ kray fɔ pɔsin we dɔn day, nɔ sɔri fɔ am; bɔt kray bita bita wan fɔ udat go, bikɔs i nɔ go kam bak igen fɔ kam si in kɔntri we i bɔn.

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”