Jɛrimaya 16:6 - Krio Fɔs Oli Baybul

⁶ Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.

Jɛrimaya 16:6 Referans Kwoze

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Jɛrimaya 47:5

Shayned dɔn mit Gaza, Ashkɛlɔn in dɔn kwayɛt. Una di balans pipul dɛn na Filistia, aw lɔŋ una go de kɔt kɔt unasɛf?

Jɛrimaya 41:5

eti man we kɔmɔt Shɛkɛm, Shilo ɛn Sameria, we dɛn bia bia shev, dɛn klos chɛr chɛr ɛn dɛn bɔdi kɔt kɔt, kam de briŋ sid ɔfrin ɛn insɛns fɔ kam gi na PAPA GƆD in os.

Lɛvitikɔs 19:28

Pɔsin nɔ fɔ kɔt kɔt in bɔdi se i de munin, ɔ mek tatu ɔ ɛni ɔda mak nain bɔdi fɔ seka dayman.

Jɛrimaya 48:37

“Bikɔs dɛn dɔn krep ɔl dɛn ed ɛn shev ɔl dɛn bia bia; wund wund de na ɔl dɛn ed ɛn saklɔth de na dɛn wes.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Rɛvɛleshɔn 6:15

Dɔn, dɛn kiŋ na di wɔl wit ɔl dɛn ɔda rula, dɛn soja man dɛn bɔs, dɛn wan we jɛntri we gɛt pawa, ɛn ɔl dɛn ɔda pipul, slev ɛn fribɔn, dɛn ɔl rɔn go ayd midul dɛn big big ston na dɛn ay il.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 13:13

Dɔn yu go tɛl dɛn se, ‘Na dis PAPA GƆD se: Biliv mi, a go mek ɔlman we tap na land drɔŋɔ: Di kiŋ dɛm we sidɔm na Devid in tron, di man dɛm we de mek sakrifays fɔ pipul sin, di prɔfɛt dɛm, ɛn ɔlman we tap na di Jerusɛlɛm go drɔŋɔ.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Ayzaya 24:2

Na jɛs lɛk aw i bi to di pipul dɛn, na so i go bi wit di man we de mek sakrifays fɔ pipul sin; aw i bi to di slev, na so i go bi to in masta; aw i bi to di yɔŋ titi we de wok, na so i go bi to in misis; aw i bi to udat de bay, na so i go bi to udat de sɛl; aw i bi to udat de lɛnt, na so i go bi to udat de go lɛnt; aw i bi to udat de trɔs pipul, na so i go bi to udat de go trɔs.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Emɔs 6:11

Wɛn PAPA GƆD gi ɔda, big ɛn smɔl os go brok pispis.

Matyu 9:23

Wɛn Jizɔs go na di Ju bigman in os, i si ɔl di pipul dɛn we go fɔ ple flut na di bɛrin ɛn ɔlman bin de kray, so nɔys bin de ɔlɔbɔt.

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

Lɛvitikɔs 19:27

Nɔbɔdi nɔ fɔ shev pan di ia we de nain fes in sayd, ɔ shep in biabia lɛk got biabia fɔ seka dayman..

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.