Jɛrimaya 16:18 - Krio Fɔs Oli Baybul

¹⁸ Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Jɛrimaya 16:18 Referans Kwoze

Ayzaya 40:2

Tɔk saful saful to Jerusɛlɛm, ɛn tɛl am se in wa dɔn dɔn, dɛn dɔn padin in sin, se i dɔn gɛt dɔbul pɔnishmɛnt na PAPA GƆD in an fɔ ɔl in sin dɛm.

Rɛvɛleshɔn 18:6

Lɛ di bad we i dɔn du tɔn pan am. Mek i sɔfa tu tɛm pas di sɔfa we i mek ɔda pipul sɔfa; da kɔp we i kin tek gi pipul in wayn fɔ drink, ful am wit wayn we trɔŋ pas in yon wayn, ɛn gi am mek i drink.

Izikɛl 11:21

Bɔt as fɔ di wan we dɛn at de pan di tin dɛn we a et bad bad wan ɛn di bad bad tin dɛn we a nɔ lɛk, a go mek dɛn pe bak fɔ ɔl di bad tin dɛn we dɛn dɔn du. Na so PAPA GƆD se.

Jɛrimaya 17:18

Le dɛn wan dɛm we du mi bad, shem, bɔt nɔ mek a shem; le dɛn kɔnfyus; bɔt nɔ mek a kɔnfyus; lɛ di de fɔ ivul kam pan dɛm; ɛn nyakanyaka dɛn dɔbul!

Jɛrimaya 2:7

Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Izikɛl 11:18

Ɛn wɛn dɛn go dɔn kam de, dɛn go pul ɔl di tin dɛm we PAPA GƆD et bad bad wan, ɛn ɔl di bad bad tin dɛn we PAPA GƆD nɔ lɛk.

Jɛrimaya 3:9

Bikɔs i nɔ de shem fɔ rare, i dɔti di land na PAPA GƆD in yay we i de kɔmit adɔltri de wɔship tik ɛn ston.

Ayzaya 61:7

Bifo una shem, na dɔbul blɛsin una go gɛt, Bifo una disgres, na gladi una go jɛs de gladi; gladi pan wetin na dɛn yon; fɔseka dat, na dɔbul blɛsin una go gɛt na una land ɛn una gladi go de sote go.

Mayka 2:10

I se, dɛn fɔ grap go ɔdasay bikɔs ples nɔ de fɔ dɛn de igen; dɛn dɔn dɔti wata wit dɛn sin ɛn so na pwɛl nɔmɔ PAPA GƆD gɛt fɔ pwɛl di ples.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Di Sam Dɛm 106:38

Dɛn shɛd dɛn bɔypikin ɛn gyal pikin dɛn blɔd fɔ natin, we dɛn tek dɛn pul sara to dɛn tin we dɛn mek fɔ pre to na Kenan; dɛn mek di ples nɔ fit fɔ mek pɔsin wɔship PAPA GƆD de bikɔs ɔf di blɔd dɛn we wes.

Lɛvitikɔs 26:30

PAPA GƆD go pwɛl pwɛl ɔl di ples dɛn we dɛn bil fɔ wɔship dɛn ɔda gɔd dɛn wit di insɛns ɔlta dɛn we dɛn go dɔn bil fɔ dɛn ɛn na pan dɛn brok brok bɔdi i go ib di wan dɛn we de wɔship dɛn, dɛn dedebɔdi. I nɔ go de wit dɛn igen

Ayzaya 65:6

A de tɛl yu, i rayt bifo mi: “I nɔ go sɛt mɔt, bɔt a go tɔn am gi dɛn, yɛs, a go tɔn am gi dɛm na dɛn buzɔm,

Jɛrimaya 7:30

PAPA GƆD se, “na bikɔs di bɔypikin dɛn na Juda dɔn du ivul tin dɛn bifo mi fes; dɛn dɔn du di bad bad tin dɛn we a nɔ lɛk na mi os we mi nem de, fɔ dɔti am na mi yay.

Jɛrimaya 44:4

Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Izikɛl 5:11

Papa Gɔd we na Gɔd se, wans mi na Gɔd, mi de tɛl una se, fɔ tru tru, bikɔs una dɔn mek di ples we pipul dɛn de pre to mi, dɔti na mi yay, wit ɔl una swɛ swɛ tin dɛn ɛn di bad bad tin dɛn we PAPA GƆD nɔ lɛk, na so a go kil una, a nɔ go luk biɛn sɛf, ɛn a nɔ go sɔri sɛf fɔ una.

Ozie 9:7

Izrɛl go no fɔ tru tru se di tɛm dɔn rich we dɛn fɔ pe fɔ ɔl wetin dɛn dɔn du. Dɛn mek PAPA GƆD in prɔfɛt dɛn ful ɛn dɛn ɔda man dɛn we de nia PAPA GƆD, dɛn mek dɛn fiba fulman bikɔs di pipul pasmak pan dɛn sin.

Ayzaya 65:7

dɛn sin ɛn dɛn papa dɛn sin togɛda, bikɔs dɛn bɔn insɛns na dɛn mawnten ɛn fityay mi na dɛn il, A go mɛnshɔ di pe fɔ di tin dɛn we dɛn bin dɔn du put na dɛn buzɔm. Na so PAPA GƆD se.

Izikɛl 36:18

So a bin tɔn mi bad bad vɛks pan dɛm lɛk wata, fɔseka di blɔd we dɛn dɔn mek flo na di kɔntri, ɛn fɔseka di lay lay gɔd dɛm we dɛn tek dɔti mi.