Jɛrimaya 16:17 - Krio Fɔs Oli Baybul

¹⁷ Bikɔs mi yay de pan ɔl wetin dɛn de du; natin we dɛn de du nɔ ayd pan mi, ɛn dɛn sin dɛm nɔ ayd pan mi.

Jɛrimaya 16:17 Referans Kwoze

Prɔvabs 15:3

PAPA GƆD de si ɔlsay, i de wach udat de du bad, ɛn udat de du gud.

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Prɔvabs 5:21

PAPA GƆD de si ɔl wetin pɔsin de du, ɛn ɛnisay we i de go, i de wach am.

Di Sam Dɛm 90:8

Wi sin dɛn de bifo yu. Yu de si dɛn ɛn ivin di wan dɛn we wi de tray fɔ ayd pan yu, yu de si dɛn ɔl.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Jɛrimaya 32:19

we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

2 Kronikuls 16:9

Bikɔs PAPA GƆD in yay de de ɔlsay na di wanol wɔl, fɔ sho in pawa fɔseka di wan dɛn we dɛn dɛn at klin fɔ am. Na fulish we yu biev so; bikɔs as frɔm tide, na so so wa yu go de fɛt.

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’

Ayzaya 29:15

Swɛ go fɔdɔm pan dɛm, dɛn wan dɛm we de ayd ayd dɛn plan pan PAPA GƆD, di wan dɛn we de du tin na dak, ɛn de se “udat de si wi? Udat no wi?”

Di Sam Dɛm 139:3

Na yu no wetin a de du, wɛn a de kɔmɔt ɛn wɛn a de slip; yu no mi pas aw a no misɛf.

Izikɛl 8:12

Dɛn i tɛl mi se, “mɔtalman, yu si wetin di pipul dɛn na Izrɛl dɛn big wande du wɛn ples dak, ɔlman de nain yon smɔl rum wit in pikchɔ dɛm? Ɛn dɛn de se, PAPA GƆD nɔ de si wi, PAPA GƆD dɔn tɔn in bak pan di kɔntri?

Di Sam Dɛm 51:9

Pul mi sin kɔmɔt pan mi ɛn fɔgiv mi.

Di Sam Dɛm 109:15

Lɛ PAPA GƆD nɔ ɛva fɔgɛt bɔt dɛn sin, ɛn mek dɛn ɔl gɛt shɔt layf na wɔl.

Jɛrimaya 2:22

PAPA GƆD Ɔlmayti se, ɔl we una was unasɛf wit sop, ɛn una yuz bɔku bɔku sop, di gilt stil de sho na una fes.

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Zɛfinaya 1:12

I se da tɛm de i go tek lamp fɔ luk insay Jerusɛlɛm so dat i go pɔnish dɛn man we bikɔs dɛn satisfay wit di lili ɛn natin we dɛn gɛt, nɔ bisin bɔt PAPA GƆD. Dɛn de tɔk na dɛn at se PAPA GƆD nɔ gɛt dɛn tɛm sɛf.

Zɛkaraya 4:10

Nain di enjɛl se di sɛvin lamp dɛn na di sɛvin yay we PAPA GƆD de yuz fɔ luk ɔl wetin de bi na wɔl.

Job 10:14

Yu bin de wach mi mek a nɔ sin, so dat if a sin, yu go se a gilti.

Job 31:4

PAPA GƆD nɔ de si ɔl wetin a de du, ɛn no ɔlsay we a de go?

Di Sam Dɛm 33:15

Nain gi mɔtalman sɛns fɔ ebul tink fɔ dɛnsɛf ɛn disayd wetin dɛn want, so i no ɔl wetin dɛn de du.

Ayzaya 66:18

Bikɔs a no wetin dɛn de du ɛn aw dɛn kin tink, ɛn a de kam gɛda ɔl di neshɔn ɛn difrɛn laŋwej dɛm; ɛn dɛn go kam, ɛn dɛn go si mi glori;

Jɛrimaya 7:11

PAPA GƆD se, Mi os dɔn tɔn to tifman os na una yay? Biliv mi, misɛf dɔn si dat.