Jɛrimaya 16:12 - Krio Fɔs Oli Baybul

¹² ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

Jɛrimaya 16:12 Referans Kwoze

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Ɛkliziastis 9:3

Wan bad bad tin de bi na di wɔl; dat na we na di sem kayn tin de apin to ɔlman. Wetin bad mɔ, na dat na so so bad bad tin de na dɛn at; na kres kres tin kin de na dɛn at we dɛn de na wɔl. Afta ɔl dat, dɛn kin day go.

Mak 7:21

Na di at de mek pɔsin mekɔp fɔ du bad, fɔ liv fri layf, fɔ tif, fɔ kil,

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

1 Samiɛl 15:23

Bikɔs fɔ mek lɛk rebɛl pan PAPA GƆD jɛs tan lɛk yu de lukgrɔn ɛn fɔ mek tɔf pan am jɛs tan lɛk we man de wɔship ɔda gɔd dɛn. So sins yu lɛf fɔ du wetin PAPA GƆD want, insɛf nɔ want yu fɔ bi kiŋ igen”

Di Jɔj Dɛm 2:19

Ɛnitɛm we ɛni jɔj day, dɛn kin go bak to di bad tin dɛn we dɛn bin de du; dɛn kin du wɔs pas wetin di wan dɛn we bin de bifo dɛn, bin de du; de sav ɛn butu to ɔda gɔd dɛn. Dɛn nɔ chenj atɔl.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Jɛrimaya 17:9

Mɔtalman at disitful pas ɔltin, ɛn i kɔrɔpt in kayn nɔ de; udat go ebul ɔndastand am?

Ɛkliziastis 8:12

Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Ditarɔnɔmi 29:19

ɔ lɛk pɔsin we, pan ɔl we i no ɔl wetin di Kɔvinant se i fɔ de du, i stil de tɔk nain at se, natin bad nɔ go apin to am, i lɛk we i de traŋayes ɛn de du wetin in want. Mozis tɛl di Izrɛlayt dɛn se, dat go mek di pɔsin we de obe ɛn di wan we traŋayes, sɔfa togɛda.

Ditarɔnɔmi 9:27

I se if PAPA GƆD vɛks te, du ya lɛ i mɛmba Ebraam, Ayzak ɛn Jekɔb we bin dɔn waka tret wit am, ɛn lɛ i nɔ luk dɛn pipul de dɛn traŋayes, dɛn bad we dɛn de du ɛn di sin dɛn we dɛn dɔn kɔmit.

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Jɛnɛsis 6:5

We PAPA GƆD si se mɔtalman in wikɛdnɛs dɔn pasmak, ɛn na bad nɔmɔ i de mɛmba ɔltɛm,

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Lamɛnteshɔn 5:7

Wi papa dɛn we kɔmit di sin dɔn day; na wi de gɛt di pɔnishmɛnt.

Izikɛl 20:30

So, tɛl di Izrɛlayt dɛn se, na dis Papa Gɔd we na Gɔd se: una go dɔti unasɛf na mi yay lɛk aw una fɔstɛmpapa dɛn bin du, ɛn go biɛn dɛn tin dɛn we a et bad bad wan?

Emɔs 2:4

PAPA GƆD tɔk se: “Di pipul na Juda dɔn sin bɔku bɔku, ɛn a mɔs pɔnish dɛn fɔ dat. Dɛn nɔ gri kip di lɔ we mi PAPA GƆD gi dɛn, ɛn dɛn nɔ du wetin a se, bifo dat na lay lay gɔd dɛn sidɔm fɔ de wɔship, dɛn gɔd dɛn we dɛn fɔstɛm-papa dɛn bin de wɔship.

Malakay 3:7

I se frɔm we dɛn fɔstɛm-papa dɛn de nain dɛn nɔ de du wetin i want. So, if dɛn tɔn bak fɔ du wetin i want, insɛf we na PAPA GƆD Ɔlmayti go du wetin i fɔ du fɔ dɛn. Bɔt dɛn de aks wetin dɛn fɔ du fɔ tɔn bak to PAPA GƆD.

Jɛrimaya 22:28

Nain a se, dis man, Jɛoiachin, dɔn tɔn broko pɔt, tin we nɔbɔdi nɔ bisin bɔt? Wetindu yu de tot in ɛn in pikin dɛm, trowe dɛm na land we dɛn nɔ no?