Jɛrimaya 16:11 - Krio Fɔs Oli Baybul

¹¹ PAPA GƆD se, dɔn yu go tɛl dɛm se, ‘Na bikɔs una fɔstɛmpapa dɛm dɔn fɔsek mi, ɛn dɔn go de biɛn ɔda gɔd dɛm, ɛn de sav dɛm ɛn wɔship dɛm, ɛn fɔsek mi ɛn nɔ de kip mi lɔ,

Jɛrimaya 16:11 Referans Kwoze

Pita In Fɔs Lɛta 4:3

Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

Izikɛl 11:21

Bɔt as fɔ di wan we dɛn at de pan di tin dɛn we a et bad bad wan ɛn di bad bad tin dɛn we a nɔ lɛk, a go mek dɛn pe bak fɔ ɔl di bad tin dɛn we dɛn dɔn du. Na so PAPA GƆD se.

Jɛrimaya 22:9

Ɛn dɛn go ansa se, “Na bikɔs dɛn fɔsek PAPA GƆD we na dɛn Gɔd in Kɔvinant ɛn go wɔship ɛn sav ɔda gɔd dɛm.” ’”

Jɛrimaya 8:2

ɛn dɛn go prɛd dɛm bifo di san ɛn di mun, ɛn ɔl wetin de ɔp di klawd, we dɛn bin lɛk ɛn bin de sav, di tin dɛn we dɛn bin de rɔn afta, tin dɛn we dɛn bin de fɛn ɛn wɔship; dɛn nɔ go gɛda dɛm bɛr dɛm; dɛn go tan lɛk kaw tɔylɛt na grɔn.

1 Kiŋ 9:9

Pipul dɛn go de tɔk se na we una tɔn pan PAPA GƆD we na una PAPA GƆD we pul una papa dɛn kɔmɔt na Ijipt, dɔn una bigin wɔship ɔda gɔd dɛn, na ɔl dat mek i put disgres ɛn trɔbul pan una.”

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

2 Kronikuls 7:22

Datɛnde, pipul dɛn go tɛl dɛn se, na bikɔs dɛn kɔmɔt biɛn PAPA GƆD we na dɛn papa dɛn Gɔd we pul dɛn kɔmɔt na Ijipt, ɛn put an pan ɔda gɔd dɛm, ɛn wɔship ɛn sav dɛm; na dat mek i dɔn mek ɔl dɛn bad bad tin dɛn ya apin to dɛn.’”

Emɔs 2:4

PAPA GƆD tɔk se: “Di pipul na Juda dɔn sin bɔku bɔku, ɛn a mɔs pɔnish dɛn fɔ dat. Dɛn nɔ gri kip di lɔ we mi PAPA GƆD gi dɛn, ɛn dɛn nɔ du wetin a se, bifo dat na lay lay gɔd dɛn sidɔm fɔ de wɔship, dɛn gɔd dɛn we dɛn fɔstɛm-papa dɛn bin de wɔship.

Malakay 3:7

I se frɔm we dɛn fɔstɛm-papa dɛn de nain dɛn nɔ de du wetin i want. So, if dɛn tɔn bak fɔ du wetin i want, insɛf we na PAPA GƆD Ɔlmayti go du wetin i fɔ du fɔ dɛn. Bɔt dɛn de aks wetin dɛn fɔ du fɔ tɔn bak to PAPA GƆD.

Di Jɔj Dɛm 2:11

Dat bin mek di Izrɛlayt dɛn du bad bad tin dɛn na PAPA GƆD in yay; dɛn wɔship di Kenanayt dɛn gɔd dɛn ɔl.

Jɛrimaya 13:22

Ɛn if una tɔk na una at se, ‘Wetindu dɛn tin dɛn ya dɔn apin to wi?’ Na bikɔs una sin dɛm dɔn bɔku nain mek dɛn dɔn es una skat dɛn ɔp, ɛn rep una.

Jɛrimaya 44:3

fɔseka di wikɛd tin dɛm we dɛn du, tin dɛn we mek a vɛks, dat na we dɛn bin de bɔn insɛns ɛn sav ɔda gɔd dɛm we dɛn, una ɛn ivin una fɔstɛmpapa dɛm nɔ no.

Lamɛnteshɔn 5:7

Wi papa dɛn we kɔmit di sin dɔn day; na wi de gɛt di pɔnishmɛnt.