Jɛrimaya 15:8 - Krio Fɔs Oli Baybul

⁸ A dɔn mek di uman dɛn we dɛn man dɔn day dɔn plɛnti pas di sansan na si; a dɔn briŋ kilman kam sansantɛm kam kil kombra dɛn bɔypikin dɛn; A dɔn mek pen ɛn fred kam pan dɛm wantɛm wantɛm.

Jɛrimaya 15:8 Referans Kwoze

Ayzaya 3:25

Na sɔd go kil una man dɛn ɛn una pawaful fɛtman dɛn go day na wa.

Lyuk 21:35

Lɛkɛ aw trap kin kech bif, na so da de de go kam pan ɔlman ɔlɔbɔt na wɔl.

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Jɛrimaya 4:16

Wɔn di neshɔn dɛn se i de kam; anawns to Jerusɛlɛm se, “Pipul dɛn we go ambush dɛm de kɔmɔt na fawe land kam, dɛn de ala pan di siti dɛn we de na Juda.

Ayzaya 3:26

Ɛn in get dɛn go kray de munin; in go sidɔm na grɔn lɛk udat dɔn lɔs ɔltin na layf.

Ayzaya 4:1

Tɛm go kam we sɛvin uman go grip wan man de tɛl am se, “Wi go fid wisɛf ɛn wi go bay klos fɔ wisɛf; jɛs gri nɔmɔ se yu na wi man lɛ yu pul shem pan wi.”

Jɛrimaya 16:3

Bikɔs na dis PAPA GƆD se bɔt di bɔypikin ɛn gyal pikin dɛm we bɔn na ya, ɛn bɔt dɛn mami dɛn we bɔn dɛm, ɛn dɛn dadi dɛm we bɔn dɛm na dis land;

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

Jɛrimaya 22:7

A go mek pipul dɛn we de nyakanyaka fɔdɔm pam una, ɔlman wit in wɛpɔn dɛm; ɛn dɛn go kɔt una bɛst sida tik dɛm, ɛn trowe dɛm na faya.

Lamɛnteshɔn 5:3

Wi dɔn bi pikin dɛn we nɔ gɛt mami ɛn dadi, wi nɔ gɛt papa; wi mama dɛn dɔn tɔn uman dɛn we dɛn man dɛn dɔn day.

Izikɛl 22:25

Di bigman na di kɔntri, tan lɛk we layɔn de ala we i de chɛr chɛr wetin i kech fɔ it; dɛn pwɛl mɔtalman dɛn layf; dɛn dɔn tek dɛn jɛntri ɛn dia dia tin dɛm; dɛn dɔn mek bɔku uman tɔn, dɛn we dɛn man dɛn dɔn day, insay de.

Ozie 4:5

I se de tɛm, dɛn go bɔk dɛn fut. Na nɛt, dɛn ɛn di prɔfɛt dɛn go bɔk dɛn fut ɛn in go dɔnawe wit Izrɛl we na dɛn mama.

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.