Jɛrimaya 15:7 - Krio Fɔs Oli Baybul

⁷ A dɔn shifta dɛm wit shifta fɔk na di get na di land dɛm; A dɔn mek dɛn gɛt bɛrin, ɛn a dɔn nyakanyaka mi pipul dɛn; nɔ dɛn nɔ chenj.

Jɛrimaya 15:7 Referans Kwoze

Matyu 3:12

I ol tin lɛkɛ lɔŋ fɔk fɔ tek pul di chaf chaf kɔmɔt pan di wit. I go gɛda in wit put am na sto ɛn i go bɔn di chaf chaf na faya we nɔ de tap fɔ bɔn.”

Jɛrimaya 51:2

A go sɛn pipul dɛn we de fana na Babilɔn, ɛn dɛn go fana am, ɛn dɛn go ɛmpti in land, wɛn dɛn go atak am ɔlɔbɔt di de we in trɔbul go mit am.

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Ayzaya 9:13

Di pipul dɛn nɔ gri tɔn to di wan we de pɔnish dɛn ɛn dɛn nɔ luk fɔ PAPA GƆD Ɔlmayti.

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

Di Sam Dɛm 1:4

Noto so i go bi fɔ di bad man o! Di bad man in tan lɛkɛ chaf chaf we briz kin blo ɔlɔbɔt.

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Izikɛl 24:25

“Ɛn yu mɔtalman; di de we a go tek wetin na dɛn protɛkshɔn kɔmɔt na dɛn an, we a go tek wetin kin mek dɛn gladi ɛn wetin mek dɛn femɔs, di tin dɛm we dɛn lɛk bad bad wan, ɛn sɛf dɛn bɔy ɛn gyal pikin dɛm kɔmɔt na dɛn an,

Ditarɔnɔmi 28:41

Dɛn go bɔn pikin lɛkɛ dɛn nɔ bɔn, bikɔs dɛn go fɛt dɛn ɛn tek dɛn ɔl na dɛn an as slev.

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Jɛrimaya 9:21

Bikɔs, day dɔn pas na wi winda dɛm, kam insay wi kiŋ os dɛm, i dɔn mek wi pikin nɔ de go na trit ɛn mek di yɔŋbɔy dɛm nɔ de go midul tɔŋ igen

Ditarɔnɔmi 28:32

Dɛn go sɛl dɛn pikin dɛn as slev ɛn dɛn nɔ go si dɛn igen; dɛn nɔ go ebul du natin fɔ mek dat nɔ bi.

Ditarɔnɔmi 28:18

PAPA GƆD nɔ go mek dɛn gɛt bɔku pikin dɛn. Dɛn fam dɛn nɔ go bɛtɛ ɛn dɛn animal dɛn bɔn wan sɛf go traŋa.

Izikɛl 36:12

Yɛs, a go mek mɔtalman dɛn waka na una ples, ivin Izrɛl, in pipul; ɛn dɛn go tek una, ɛn una go bi dɛn prɔpati, ɛn una nɔ go kil dɛn pikin dɛn igen, igen

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.