Jɛrimaya 15:4 - Krio Fɔs Oli Baybul

⁴ Ɛn a go mek di difrɛn kɔntri dɛn na di wanol wɔl fred dɛn bad bad wan fɔseka wetin Ɛzikaya we na kiŋ na Juda, in bɔypikin Manasɛ bin du na Jerusɛlɛm.

Jɛrimaya 15:4 Referans Kwoze

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Izikɛl 23:46

Bikɔs na dis Papa Gɔd we na Gɔd se: briŋ wan big big krawd kan mit dɛm, ɛn a go mek dɛm pipul we fɔ de du bad ɛn tin fɔ kapu kapu.

Ditarɔnɔmi 28:25

PAPA GƆD go mek dɛn ɛnimi dɛn bit dɛn bad bad wan ɛnitɛm we dɛn atak dɛn. We dɛn go na batul fil, na rɔnawe dɛn go de rɔnawe ɛn skata ɔlɔbɔt. Di wanol wɔl go fred we dɛn go si wetin de apin to dɛn.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

2 Kiŋ 21:2

Na bad tin dɛn in du bifo PAPA GƆD in yay; i bin de falamakata dɛn ɔda neshɔn dɛn we PAPA GƆD bin drɛb kɔmɔt bifo di Izrɛlayt dɛn pan di bad we dɛn bin de du.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

2 Kiŋ 21:1

Manasɛ bin ol twɛlv ia we i bi kiŋ na Juda ɛn i rul na Jerusɛlɛm fɔ fifti-fayv ia. In mama nem Ɛpziba.

2 Kronikuls 33:1

Manasɛ ol twɛlv ia wɛn i tɔn kiŋ ɛn in rul fifti fayv ia na Jerusɛlɛm.

2 Kronikuls 33:2

I du wetin bad na PAPA GƆD in yay, akɔdin to ɔl di nasti tin dɛm we di neshɔn dɛm we PAPA GƆD drɛb kɔmɔt bifo Izrɛl bin de du.

Izikɛl 18:19

“Bɔt una de aks se, ‘wetin fɔ mek di bɔypikin nɔ sɔfa fɔ in papa in sin dɛm?’ Wɛn di bɔypikin dɔn du wetin tret ɛn rayt na di lɔ, ɛn i bin kiaful fɔ du ɔl wetin mi lɔ dɛn se, fɔ tru tru i go liv.

2 Kiŋ 21:15

bikɔs dɛn dɔn du bad bad tin; ɛn dɛn dɔn de fɛn in plaba frɔm di de we dɛn fɔstɛm-papa dɛn lɛf Ijipt.