Jɛrimaya 15:3 - Krio Fɔs Oli Baybul

³ “PAPA GƆD se, a go pik fo kayn tin dɛn we go nyakanyaka dɛm; sɔd fɔ kil dɛm, dɔg dɛn fɔ chɛr chɛr dɛm, ɛn di bɔd dɛm na di skay, ɛn di wayl animal dɛn na wɔl fɔ it dɛm ɛn nyakanyaka dɛm.

Jɛrimaya 15:3 Referans Kwoze

Ditarɔnɔmi 28:26

Na bɔd ɛn animal go it dɛn de dedebɔdi dɛn, ɛn nɔbɔdi nɔ go de fɔ drɛb dɛn.

Lɛvitikɔs 26:22

I go mek dɛn bad bad animal kil dɛn pikin dɛn, dɛn animal dɛn we dɛn de mɛn na os ɛn dɛn nɔ go bɛtɛ igen we go mek dɛn trit dɛn dray bikɔs pipul nɔ go de fɔ de waka ɔp ɛn dɔŋ.

Lɛvitikɔs 26:16

na dɛn tin ya i go du: i go mek siriɔs waala mit dɛn we go mek dɛn sik bad wit ay ay fiva we go mek dɛn yay de rɔn wata ɔltɛm ɛn dɛn bɔdi de wes. Ɛn dɛn go plant fɔ natin bikɔs na dɛn ɛnimi dɛn go gɛt fɔ it wetin dɛn plant.

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Lɛvitikɔs 26:25

I go mek dɛn ɛnimi dɛn atak dɛn bikɔs dɛn dɔn brok in Kɔvinant; ɛn if dɛn ɔl go ayd na dɛn siti dɛn, i go ib sik pan dɛn we go prɛd ɛn kil bɔku pipul, ɛn dat go mek dɛn ɛnimi dɛn ebul dɛn.

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

Ayzaya 18:6

Dɛn ɔl go lɛf to dɛn bɔd we de na dɛn mawnten de ɔntin ɛn kil ɔda animal dɛn fɔ it, ɛn to dɛn animal dɛn we de na di wɔl. Di bɔd dɛn we de ɔntin ɛn kil ɔda animal dɛn fɔ it, go it dɛn durin dray sizin, ɛn di animal dɛn na wɔl go it dɛn ren sizin.

Di Sam Dɛm 68:23

so dat una go yuz dɛn blɔd fɔ was una fut, ɛn una dɔg dɛn go ɛnjɔy dɛn yon.”

Jɛrimaya 12:9

Mi pipul dɛn we a klɛk dɔn tɔn to mi lɛk da spɔt spɔt bɔd we dɛn kin ɔntin fɔ it? Ɔl dɛn bɔd dɛn we dɛn de ɔntin fɔ it, de atak ɔlɔbɔt? Go, go gɛda ɔl dɛn wayl animal dɛn; briŋ dɛm lɛ dɛn kam it.

Jɛrimaya 14:16

Ɛn dɛn go trowe di pipul dɛm we dɛn de prɔfisay to, midul trit na Jerusɛlɛm. Na aŋri ɛn wa go kil dɛm ɛn nɔbɔdi nɔ go bɛr dɛm– nɔbɔdi nɔ go de fɔ bɛr dɛm – dɛm, dɛn wɛf dɛm, dɛn bɔypikin dɛm ɛn dɛn gyal pikin dɛm. Bikɔs a go gi dɛn di pe fɔ dɛn wikɛdnɛs.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Lamɛnteshɔn 3:11

i drɛg mi kɔmɔt na di rod ɛn chɛr pis pis; i dɔn lɛf mi wan to misɛf;

Izikɛl 33:27

Tɛl dɛm dis ɛn se, na dis PAPA GƆD se: as a de livin, fɔ tru tru, dɛn wan we de na di ɛmti yuslɛs ples dɛm go fɔdɔm bay di sɔd; ɛn di wan we de na di opin fil, a go gi to dɛn bist fɔ it awaŋɔt wan; ɛn dɛn wan we de na say dɛn we sef gud gud wan, ɛn we de insay kev dɛm, ɔl go day wit bad bad sik we de kil.

Emɔs 5:19

Da de de go tan lɛk we man de rɔnawe pan layɔn dɔn i go bɔs pan tayga; ɔ as i rɔn go nain os fɔ go ayd, snek go bɛt am we i liŋ na wɔl de blo.

Ditarɔnɔmi 32:24

Na aŋri ɛn fiva ɛn ɔda bad bad sik dɛn go kil dɛn. A go sɛn bad bad animal dɛn pan dɛn ɛn dɛn bad bad snek dɛn go bɛt ɛn kil dɛn.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.