Jɛrimaya 15:20 - Krio Fɔs Oli Baybul

²⁰ Ɛn a go mek yu tan lɛk traŋa traŋa brɔnz wɔl to dɛn pipul dɛn ya; dɛn go fɛt yu, bɔt dɛn nɔ go ebul yu, bikɔs a de wit yu fɔ sev yu ɛn pul yu kɔmɔt na dɛn an. Na so PAPA GƆD se.

Jɛrimaya 15:20 Referans Kwoze

Izikɛl 3:9

A dɔn mek yu at traŋa lɛk ayɛn ston; nɔ fred dɛn ɛn nɔ pwɛl at we yu si dɛn bikɔs dɛn na pipul dɛn we de ribɛl.”

Jɛrimaya 1:8

Nɔ fred dɛm, bikɔs a de wit yu fɔ sev yu,” na so PAPA GƆD se.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Di Sam Dɛm 46:11

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Di Sam Dɛm 46:7

PAPA GƆD, we na wi ami kɔmanda de wit wi di PAPA GƆD we wi papa Jekɔb bin de wɔship nain na wi sikyɔriti.

Sɛkɛn Lɛta To Timoti 4:22

Mek di Masta de wit yu spirit ɔltɛm. Mek Gɔd sho una ɔl aw i gud.

Jɛrimaya 6:27

“A dɔn mek yu di pɔsin we de tɛst mi pipul dɛm ɛn mek dɛn biev bɛtɛ pas fɔs, so dat yu go no ɛn tɛst dɛn aw dɛn liv ɛn wetin dɛn de du.

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Jɛrimaya 15:10

Trɔbul dɔn mit mi o, mi mami, we yu bɔn mi fɔ de gɛt kɔntɔfili ɛn waala wit ɔlman na di land! A nɔ trɔs to nɔbɔdi wande ɛn a nɔ lɛnt nɔbɔdi, pan ɔl dat, dɛn ɔl de kɔs mi.

Jɛrimaya 15:15

E PAPA GƆD, yu no; mɛmba mi ɛn ɛn ɛp mi, ɛn rivɛnj fɔ mi pan di wan dɛm we de du mi bad. Nɔ peshɛnt wit dɛn te dɛn kil mi; no se fɔseka yu a de bia shem.

Jɛrimaya 38:28

Ɛn Jɛrimaya kɔntinyu fɔ tap na di pales yad te di tɛm we dɛn kapchɔ Jerusɛlɛm.

Jɛrimaya 39:11

Nɛbyukadnɛza we na kiŋ na Babilɔn pas kɔmand bɔt Jɛrimaya to Nɛbyuzaradan, we na di kapten fɔ di gyadman dɛn se,

Jɛrimaya 42:11

Una nɔ frɛd di kiŋ na Babilɔn we una bin de fred igen; una no frɛd am, na so PAPA GƆD se, bikɔs a de wit una fɔ pul una kɔmɔt nain an.

Daniɛl 3:17

I na so i fɔ bi, we PAPA GƆD we wi de wok fɔ go ebul sev wi kɔmɔt na di faya we de insay da big big ovin we faya de kech bad bad wan; ɛn i go pul wi kɔmɔt na yu an.

Di Sam Dɛm 37:39

Na PAPA GƆD de sev udat de waka tret, nain nɔmɔ de ɛp am we trɔbul mit am.

Izikɛl 3:8

A dɔn mek yu at traŋa lɛk dɛn yon, ɛn mek yu stɔbɔn lɛk dɛn.