Jɛrimaya 15:19 - Krio Fɔs Oli Baybul

¹⁹ Fɔseka dat, na dis PAPA GƆD se; “If yu kam bak, a go tek yu bak, ɛn una go sav mi stil. If yu de tɔk soba tɔk ɛn nɔ de tɔk rɔbish, na yu go de tɛl pipul wetin a se. Dɛn go tɔn to yu, bɔt yu nɔ gɔ tɔn to dɛm.

Jɛrimaya 15:19 Referans Kwoze

Zɛkaraya 3:7

PAPA GƆD se if i fala am ɛn du wetin i want, i go de inchaj ɔf in os ɛn ɔl in biznɛs, dɔn i go mek shɔ se di enjɛl dɛn de fɔ ɛp am.

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Lɛvitikɔs 10:10

I se dɛn fɔ ebul no wetin na PAPA GƆD yon ɛn wetin na ɔlman yon, wetin klin na PAPA GƆD yay ɛn wetin nɔ klin nain yay;

Izikɛl 44:23

Dɛn go tich mi pipul wetin difrɛn bitwin wetin oli ɛn wetin kɔmɔn, ɛn sho dɛm aw dɛn fɔ no wetin klin ɛn wetin nɔ klin.

Izikɛl 22:26

Di man dɛn we de mek sakrifays fɔ pipul sin dɔn trit mi lɔ dɛn wit fityay, ɛn nɔ gɛt rɛspɛkt fɔ mi oli tin dɛm. Dɛn nɔ gɛt nɔn difrɛn bitwin wetin oli ɛn wetin na ɔl man yon, ɛn na so dɛn nɔ tich pipul wetin difrɛn pan wetin klin ɛn wetin nɔ klin, dɔn, dɛn nɔ de tek mi de fɔ blo ɛn rɛst mek natin, we min se dɛn nɔ rɛspɛkt mi.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Lɛta Fɔ Galeshya 1:10

A nɔ de tɔk fɔ mek mɔtalman prez mi, na Gɔd in prez a want. Una min se a want fɔ mek mɔtalman lɛk mi, if na dat a bin want, afta ɔl dɛn ia ya, a nɔ go bi Krays in savant.

Di Ibru Pipul Dɛn 5:14

Bɔt pɔsin we de it tin we fɔ cham, na big pɔsin; i dɔn no wetin gud ɛn wetin bad, bikɔs i dɔn lan aw fɔ no wetin gud ɛn bad bay dɛn tin we i de du we rayt na Gɔd in yay.

Apɔsul Dɛn Wok 20:27

Una no se a nɔ kin ayd natin wɛn a de tɛl una ɔl wetin Gɔd go du.

Lyuk 10:16

Jizɔs tɔk to in lanin bɔy dɛn. I se, “Ɛnibɔdi we lisin una, na mi da pɔsin de lisin. Ɛnibɔdi we nɔ gri fɔ du wetin una tɛl am fɔ du, na wetin a tɛl am fɔ du, nain i nɔ gri fɔ du; ɛn ɛnibɔdi we nɔ gri fɔ du wetin a tɛl am fɔ du, na wetin di pɔsin we sɛn mi tɛl am fɔ du, i nɔ gri fɔ du.”

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

Ɛksodɔs 4:12

Go wantɛm go du wetin a tɛl yu. A go ɛp yu fɔ tɔk ɛn a go tɛl yu wetin fɔ se.”

Izikɛl 2:7

“Yu go tɛl dɛm wetin a se, wɛda dɛn gri fɔ lisin ɔ nɔt; bikɔs dɛn na traŋayes pipul dɛn.

Lyuk 12:12

Wɛn da tɛm de rich, Gɔd in Spirit go tɛl una wetin una fɔ tɔk.”

Lyuk 1:19

Di enjɛl ansa se, “A nem Gebrɛl. Na mi tinap bifo Gɔd de sav am ɛn i sɛn mi fɔ kam tɛl yu dis gud nyuz.

Jɛrimaya 20:9

If a mekɔp se, “A nɔ go tɔk bɔt am, ɔ nɔ tɔk bɔt in nem igen,” sɔntin de insay mi at, we tan lɛk faya insay mi bon dɛm, ɛn a taya fɔ ol am insay, ɛn a nɔ ebul kip am igen

Lɛta Fɔ Galeshya 2:5

bɔt wi nɔ gri fɔ mek dɛn chenj di Gud Nyuz we na tru, bikɔs, we na tru, wi want mek i de wit una ɔltɛm.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Prɔvabs 22:29

Yu si pɔsin we sabi du in wok fayn, na wit big pipul i go de de ɔltɛm, yu nɔ go ɛva si am wit rifraf mɔtalman.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

2 Kɔrint 5:16

So wi nɔ fɔ luk ɛnibɔdi igen lɛkɛ aw mɔtalman de luk dɛn. If wi bin de luk Krays fɔstɛm lɛkɛ aw mɔtalman de luk pɔsin, wi nɔ fɔ du so igen.

Jona 3:2

I se mek i grap go na Ninivɛ, da sem big siti we i bin sɛn am ɛn go tɛl di pipul dɛn wetin in se.

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Jɛrimaya 6:29

Di kaw kanda de blo di fawa ebi ebi wan, di faya de mɛlt di lɛd; na fɔ natin dɛn de tray fɔ chenj di we, we dɛn de biev, bikɔs wikɛd pɔsin nɔ de chenj.

Jɛrimaya 35:19

na dis PAPA GƆD Ɔlmayti we na Izrɛl dɛn Gɔd se: Jonadab we na Rekab in bɔypikin nɔ go ɛva de i nɔ gɛt pɔsin fɔ tinap bifo mi.”

Lamɛnteshɔn 1:11

Ɔl in pipul dɛn de kray na dɛn at we dɛn de fɛn tin fɔ it; dɛn sɛl dɛn gud gud tin dɛn we dɛn bin kip, fɔ tin fɔ it so dat dɛn go gɛt trɛnk bak. “Luk mi PAPA GƆD, luk mi nɔmɔ, nɔbɔdi nɔ de luk mi lɛk bɛtɛ pɔsin igen”

Lɛvitikɔs 14:57

Na di lɔ dɛn dis we go mek pɔsin no if i klin ɔ i nɔ klin na PAPA GƆD yay.

Jɛrimaya 1:9

Nain PAPA GƆD es in an ɛn tɔch mi mɔt; dɔn PAPA GƆD tɛl mi se, “a de tɛl yu, a dɔn put mi wɔd na yu mɔt.