Jɛrimaya 15:17 - Krio Fɔs Oli Baybul

¹⁷ A nɔ bin sidɔm wit pipul dɛn we lɛk ɛnjɔymɛnt; ɛn a nɔ bin gladi; A bin sidɔm mi wangren bikɔs na so yu se a fɔ du, bikɔs yu bin dɔn mek a vɛks.

Jɛrimaya 15:17 Referans Kwoze

Lamɛnteshɔn 3:28

Mek i sidɔm saful de luk we PAPA GƆD mek dɛn tin dɛn de mit am;

Di Sam Dɛm 1:1

I fayn fɔ di pɔsin we nɔ de fala wetin bad pipul se, we nɔ de kip bad kɔmpin ɛn du wetin dɛn de du, dɔn i nɔ de jɔyn bad gɛŋ fɔ mɔk PAPA GƆD.

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

Di Sam Dɛm 102:7

A nɔ de slip na nɛt a kin de mi wande kray; lɛkɛ bɔd, na so a de pantap os.

Daniɛl 7:28

‘Na so di wɔd go. As fɔ mi Daniɛl, di tin dɛn we a bin de tink, bin mek a de fred bad bad wan, ɛn mi fes in kɔla bin chenj; bɔt a bin kip ɔl dɛn tin ya na mi at.”

Jɛrimaya 16:8

Yu nɔ fɔ go insay ɛni os we dɛn de mek gladi gladi, fɔ sidɔm wit dɛm, fɔ it ɛn drink.

Jɛrimaya 1:10

Tide, a dɔn put yu oba neshɔn ɛn kindɔm dɛm, fɔ pik kɔmɔt ɛn fɔ brokdɔŋ, fɔ pwɛl ɛn fɔ kapsay fɔ bil ɛn fɔ plant.”

Zɛkaraya 1:12

Dɛn di enjɛl aks PAPA GƆD if i nɔ go sɔri naw fɔ Jerusɛlɛm ɛn Juda. I se i dɔn vɛks pan dɛn fɔ sɛvinti ia naw.