Jɛrimaya 15:16 - Krio Fɔs Oli Baybul

¹⁶ A yɛri ɔl wetin yu se, ɛn a ɔndastand, ɛn wetin yu se mek a gladi ɛn dat mek mi at swit; bikɔs na yu gɛt mi, O PAPA GƆD Ɔlmayti.

Jɛrimaya 15:16 Referans Kwoze

Job 23:12

A de du ɔl wetin i se fɔ du, ɛn in wɔd de insay mi at.

Di Sam Dɛm 19:10

If PAPA GƆD kɔt kes i kin klia so pas we yu klin gold infakt sɛf i kin tan lɛk we gold nɔ gɛt sansan; yu de ɛnjɔy am lɛk we yu de lik ɔni, di kayn ɔni we dɛn nɔ miks.

Di Sam Dɛm 119:111

Wetin yu lɔ se na lɛk prɔpati to mi, a de ɛnjɔy dɛn bad.

Di Sam Dɛm 119:97

A lɛk yu lɔ dɛn bad bad wan! Na de ɛn nɛt a de stɔdi dɛn.

Di Sam Dɛm 119:72

Ɛnitin yu se impɔtant to mi pas if dɛn gi mi ɔl di mɔni na di wɔl.

Jɛrimaya 14:9

Wetin mek yu fɔ tan lɛkɛ pɔsin we kɔnfyus, lɛkɛ pawaful man we nɔ ebul sev pɔsin? Bɔt stil, yu PAPA GƆD, de wit wi, ɛn na yu gɛt wi; duya, nɔ lɛf wi.”

Izikɛl 2:8

“Bɔt yu mɔtalman, lisin wetin a de tɛl yu; nɔ traŋayes lɛk dɛn rebɛl dɛn; opin yu mɔt ɛn it wetin a de gi yu.”

Mayka 2:7

Dɛn aks Mayka se if i want tɛl dɛn se PAPA GƆD nɔ de peshɛnt wit Jekɔb in jɛnareshɔn. Dɛn se PAPA GƆD nɔ tan so, i nɔ de vɛks kwik pan pipul dɛn, so i nɔ go du ɔl wetin Mayka se i go du. PAPA GƆD de trit udat de waka tret wit am, fayn.

Nɛimaya 8:12

So di pipul dɛn skata go fɛn gud it fɔ it ɛn drink ɛn ivin sɛn sɔm go gi udat nɔ gɛt. Dɛn ɔl gladi ɛn sɛlibret bikɔs bay da tɛm de dɛn bin dɔn ebul fɔ ɔndastand ɔl wetin dɛn bin de tɛl dɛn.

Di Sam Dɛm 119:16

Yu lɔ dɛn de mek a gladi; a nɔ go mek lɛk a nɔ bisin bɔt yu wɔd