Jɛrimaya 15:15 - Krio Fɔs Oli Baybul

¹⁵ E PAPA GƆD, yu no; mɛmba mi ɛn ɛn ɛp mi, ɛn rivɛnj fɔ mi pan di wan dɛm we de du mi bad. Nɔ peshɛnt wit dɛn te dɛn kil mi; no se fɔseka yu a de bia shem.

Jɛrimaya 15:15 Referans Kwoze

Jɛrimaya 12:3

E PAPA GƆD, yu no mi; yu de si mi, ɛn yu kin tɛst fɔ no di kayn maynd we a gɛt fɔ yu. Pul dɛm kɔmɔt na do lɛk ship we dɛn de go kil, ɛn put dɛm wansay fɔ di de we dɛn kin kil dɛm.

Lyuk 21:17

Pipul nɔ go lɛk una bikɔs una biliv pan mi.

Jɛrimaya 20:12

E PAPA GƆD Ɔlmayti, we de tray dɛn wan dɛm we de waka tret na yu yay, yu we de si pipul dɛn at ɛn dɛn maynd, rivɛnj pan dɛm, bikɔs na to yu a lɛf mi kes.

Jɛrimaya 17:16

A fos yu fɔ sɛn ivil ɛn a nɔ want di de fɔ dizasta fɔ kam, yu no; wetin kɔmɔt na mi mɔt na bifo yu a tɔk am.

Nɛimaya 13:22

Afta ɔltin a tɛl di Livayt dɛn fɔ mek dɛnsɛf klin bifo PAPA GƆD, go ɛn tan gyad oba di get dɛn fɔ kip di fɔ pre ɛn blo oli. PAPA GƆD, duya nɔ fɔgɛt mi bak fɔ dis. Sho mi yu masi we bɔku lɛkɛ aw di lɛk we yu lɛk wi bɔku.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Jɛrimaya 20:8

Bikɔs ɛnitɛm we a tɔk, a de tɔk lawd, a de ala, se “Fɛt fɛt ɛn nyakanyaka!” Bikɔs PAPA GƆD in wɔd dɔn mek dɛn de trit mi lɛk kresman.

Di Sam Dɛm 119:84

Aw lɔŋ mi, yu savant, gɛt fɔ liv? Ustɛm yu go pɔnish dɛn wan dɛn we de biɛn mi?

Di Sam Dɛm 106:4

PAPA GƆD, mɛmba mi we rɛdi fɔ du gud to yu pipul, nɔ fɔgɛt mi we yu de sev dɛn,

Nɛimaya 5:19

Nɛimaya pre. I se, “PAPA GƆD duya mek bɛtɛ fala mi fɔ ɔl wetin a dɔn du fɔ dɛn pipul ya.”

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Sɛkɛn Lɛta To Timoti 4:14

Alɛgzanda we na blaksmit du mi bad bad tin. Gɔd go pe am fɔ wetin i du.

2 Kɔrint 5:11

Wi no wetin i min fɔ fred Gɔd, so wi de tray fɔ tɔk to ɔda pipul mek dɛnsɛf go fred Gɔd. Gɔd no wi gud wan, ɛn a op se unasɛf ɔndastand wi gud.

Lɛta Fɔ Rom 12:19

Mi padi dɛn, una nɔ fɔ tɔn bad gi ɛnibɔdi we du una bad, bɔt una fɔ lɛ Gɔd kɔndɛm di pɔsin. Dɛn rayt na Gɔd in Buk se, “Di Masta se, a go mek dɛn pipul we de du ɔda pipul bad, sɔfa fɔ di bad we dɛn de du.”

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Jɛrimaya 15:10

Trɔbul dɔn mit mi o, mi mami, we yu bɔn mi fɔ de gɛt kɔntɔfili ɛn waala wit ɔlman na di land! A nɔ trɔs to nɔbɔdi wande ɛn a nɔ lɛnt nɔbɔdi, pan ɔl dat, dɛn ɔl de kɔs mi.

Ayzaya 38:3

“E PAPA GƆD, duya mɛmba ɔl wetin a dɔn du ɛn aw a dɔn waka tret wit yu wit ɔl mi at ɛn na wetin rayt bifo yu yay a bin de du.” Ɛzikaya kray bita bita wan.

Di Sam Dɛm 102:24

Na dat mek a se “PAPA GƆD, duya nɔ mek a day kwik. “Yu na PAPA GƆD we go de sote go.

Di Sam Dɛm 39:13

Nɔ sɛt yu yay pan mi, so dat a go gladi wantɛm mɔ bifo a day ɛn go ɔdɔun.

Di Sam Dɛm 17:3

Pan ɔl we yu dɔn mek a pas na faya lɛk gold; yu dɔn du ɔlkayn tin fɔ tɛst mi; yu no se a nɔ gilti bikɔs a dɔn mekɔp mi maynd se a nɔ go tɔk natin bad ɛn sin.

Job 10:7

ivin we yu no se a nɔ du natin rɔŋ, ɛn pɔsin nɔ de we go pul mi na yu an?

Nɛimaya 13:31

A igen mek shɔ bak se di wan dɛn we fɔ kɔntribyut wud dɛn du am di tɛm we dɛn fɔ du am ɛn di wan dɛn we fɔ gi di fɔs frut dɛn we dɛn avɛst de du am. PAPA GƆD, duya, gi mi fevɔ.

Nɛimaya 6:14

Nɛimaya pre. I se, “Mek PAPA GƆD pe Tobaya ɛn Sanbalat fɔ wetin dɛn du. Mek PAPA GƆD pe Noadaya di uman we de tɔk to PAPA GƆD fɔ di pipul dɛn, fɔ we i de tray fɔ skyad mi.”

Lɛta Fɔ Rom 8:35

Udat ɔ wetin go mek di lɛk we Krays lɛk wi tap fɔ rich wi? Natin: trɔbul, traŋa layf, di sɔfa we pipul de mek wi sɔfa, aŋri, po, denja, ɔ day sɛf nɔ go ebul mek di lɛk we Krays lɛk wi tap fɔ rich wi.

Di Jɔj Dɛm 16:28

So Samsin pre to PAPA GƆD se, E PAPA GƆD we na mi Gɔd, a de na ya. A de beg yu, gi mi mi trɛnk bak, a de beg yu, gi mi wan tɛm mɔ nɔmɔ, so dat a go tɔn am gi di Filistin dɛn fɔ we dɛn bɔs mi yay.

Di Sam Dɛm 44:22

Bikɔs wi nɔ kɔmɔt biɛn yu, na dat mek dɛn de kil wi so; wi fiba ship dɛn we dɛn dɔn kɛr go fɔ kil.

Jɛrimaya 15:20

Ɛn a go mek yu tan lɛk traŋa traŋa brɔnz wɔl to dɛn pipul dɛn ya; dɛn go fɛt yu, bɔt dɛn nɔ go ebul yu, bikɔs a de wit yu fɔ sev yu ɛn pul yu kɔmɔt na dɛn an. Na so PAPA GƆD se.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 18:23

PAPA GƆD, yu no ɔl dɛn plan dɛm fɔ kil mi. Nɔ fɔgiv dɛn sin dɛm, ɛn nɔ wep dɛn sin kɔmɔt bifo yu. Lɛ dɛn bit dɛm bifo yu; dil wit dɛm di tɛm we yu vɛks.

Lamɛnteshɔn 3:64

“Duya PAPA GƆD, pɔnish dɛn bay di kayn bad tin we dɛn dɔn du.

Lamɛnteshɔn 3:66

PAPA GƆD, rɔnata dɛn wit wamat ɛn nyakanyaka dɛn na dis wɔl.