Jɛrimaya 15:11 - Krio Fɔs Oli Baybul

¹¹ Lɛ i bi so, E PAPA GƆD if a nɔ dɔn tɔk to yu fɔ dɛn yon gud, ɛn if a nɔ dɔn beg yu fɔ mi ɛnimi dɛm we dɛn gɛt trɔbul we waala mit dɛm!

Jɛrimaya 15:11 Referans Kwoze

Prɔvabs 16:7

Wɛn PAPA GƆD pliz wit pɔsin, i de mek in ɛnimi dɛnsɛf bi in padi.

Di Sam Dɛm 106:46

I mek ɔl udat bin dɔn kapchɔ dɛn sɔri fɔ dɛn.

Jɛrimaya 37:3

Kiŋ Zɛdikaya sɛn Jɛukal we na Shelɛmaya in bɔypikin, ɛn Zɛfinaya we na di man we de mek sakrifays fɔ pipul sin ɛn na Maasɛia in bɔypikin, to Jɛrimaya we na prɔfɛt se, “Pre fɔ wi to PAPA GƆD we na wi Gɔd.”

Ɛkliziastis 8:12

Ɔl we sina dɛn de du bad tin ɔndrɛd tɛm ɛn dɛn layf kin stil lɔŋ, mi no se ɔltin go go fayn fɔ di wan dɛn we de fred PAPA GƆD, bikɔs dɛn rɛspɛkt am,

Jɛrimaya 42:2

ɛn tɛl Jɛrimaya we na prɔfɛt se, “Lisin wi prɔblɛm dɛm ɛn pre to PAPA GƆD we na yu Gɔd fɔ wi, fɔseka ɔl di wan dɛm we lɛf (bikɔs wi we lɛf na jɛs tu tri pan di wanol nɔmba as yusɛf kin si)

Jɛrimaya 21:2

“Fɛnɔt to PAPA GƆD fɔ wi, bikɔs Nɛbyukadnɛza we na kiŋ na Babilɔn de mek wa pan wi; sɔntɛnde, PAPA GƆD go yuz ɔl in wɔndaful tin dɛn we i kin du, fɔ ɛp wi, ɛn i go mek i fred fɔ fɛt wi.”

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Di Sam Dɛm 138:3

Wɛn a de pre, yu de ansa; yu dɔn mek a gɛt mɔ zil.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Jɛrimaya 37:17

nain kiŋ Zɛdikaya sɛn se mek dɛn kɛr am go to am, ɛn i tɛl am kabɔ. Nain di kiŋ aks am sikrit wan nain os se, “Yu nɔ gɛt nɔn wɔd frɔm PAPA GƆD?” Jɛrimaya se, “A gɛt.” Nain i se, “Di kiŋ na Babilɔn go kapchɔ yu.”

Jɛrimaya 38:14

Kiŋ Zɛdikaya sɛn fɔ Jɛrimaya we na prɔfɛt ɛn tɛl am kabɔ na di tɔd domɔt na PAPA GƆD in os. Di kiŋ tɛl Jɛrimaya se, “A go aks yu wan kwɛshɔn; nɔ ayd natin pan mi.”