Jɛrimaya 15:10 - Krio Fɔs Oli Baybul

¹⁰ Trɔbul dɔn mit mi o, mi mami, we yu bɔn mi fɔ de gɛt kɔntɔfili ɛn waala wit ɔlman na di land! A nɔ trɔs to nɔbɔdi wande ɛn a nɔ lɛnt nɔbɔdi, pan ɔl dat, dɛn ɔl de kɔs mi.

Jɛrimaya 15:10 Referans Kwoze

Lyuk 6:22

“Una gɛt blɛsin wɛn mɔtalman nɔ lɛk una ɛn dɛn nɔ want gɛt ɛnitin fɔ du wit una, ɛn wɛn dɛn de kɔs una ɛn tɔk bad bɔt una, bikɔs una biliv Mɔtalman Pikin ɛn una de fala am!

Ɛksodɔs 22:25

“If wan pan una kɔmpin dɛn we po go lɛnt mɔni to una, una nɔ biev lɛkɛ se una na biznɛsman ɛn put intrɛst pan di kɔpɔ.

Lyuk 2:34

Simiɔn blɛs dɛn tri, dɔn i tɔk to Meri, i se, “Gɔd dɔn pik dis pikin ya ɛn sɛn am kam, ɛn di kam we i kam go mek plɛnti Izrɛl pipul lɛf fɔ biliv Gɔd ɛn mek plɛnti biliv am. Gɔd sɛn Jizɔs fɔ sho wi wetin Gɔd want, bɔt plɛnti pipul go tɔk se dɛn nɔ de fɔ am,

Matyu 24:9

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi.

Matyu 5:44

Bɔt mi de tɛl una se: una fɔ lɛk dɛn pipul we nɔ lɛk una, ɛn una fɔ pre fɔ dɛn pipul we de mek una sɔfa,

Jɛrimaya 15:20

Ɛn a go mek yu tan lɛk traŋa traŋa brɔnz wɔl to dɛn pipul dɛn ya; dɛn go fɛt yu, bɔt dɛn nɔ go ebul yu, bikɔs a de wit yu fɔ sev yu ɛn pul yu kɔmɔt na dɛn an. Na so PAPA GƆD se.

Prɔvabs 26:2

Swɛ nɔ de ol pɔsin fɔ wɔwɔ, i kin tan nɔmɔ lɛkɛ we kres bɔd de flay, flay ɛn nɔ gɛt say fɔ sidɔm.

Di Sam Dɛm 109:28

Dɛn go de swɛ gbay, bɔt yu go jɛs de blɛs mi; ɛnitɛm we dɛn atak mi, put dɛn pan shem ɛn disgres, bɔt mi, we na yu savant, go de gladi.

Di Sam Dɛm 15:5

I de lɛnt pipul mɔni ɛn nɔ de aks fɔ intrɛst. Na pɔsin we nɔ de tek brayb fɔ lay pan pipul. Dis kayn pɔsin na pɔsin we at fɔ kɔrɔpt.

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Lɛvitikɔs 25:36

If na mɔni dɛn lɛnt am, nɔ fɔ mek i pe bak wetin pas wetin i bin lɛnt, fɔ sho se dɛn de fred PAPA GƆD wans i tap wit dɛn.

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Lɛvitikɔs 25:37

Nɔ fɔ lɛnt am mɔni ɛn se i fɔ pe intrɛst ɔ sɛl it gi am pas wetin i fɔ pe.

Di Sam Dɛm 69:4

Dɛn wan dɛn we stil et mi pan ɔl we dɛn nɔ gɛt rizin fɔ et mi, bɔku pas di ia na mi ed; di pipul we jɛs luk mi, ɛn dɛn tek mi mek ɛnimi dɛn so bɔku ɛn dɛn de afta mi blɔd. Dɛn de lay pan mi ɛn fos mi fɔ sɔfa fɔ tin we a nɔ tif ɛn se a fɔ pe.

Abakɔk 1:3

Ɔ na wes a de westɛm se trɔbul de we yu de mek se yu nɔ no? Ɔltin dɔn tɔnoba na di ples. Na soso fɛt ɛn plaba de ɔlsay.