Jɛrimaya 14:9 - Krio Fɔs Oli Baybul

⁹ Wetin mek yu fɔ tan lɛkɛ pɔsin we kɔnfyus, lɛkɛ pawaful man we nɔ ebul sev pɔsin? Bɔt stil, yu PAPA GƆD, de wit wi, ɛn na yu gɛt wi; duya, nɔ lɛf wi.”

Jɛrimaya 14:9 Referans Kwoze

Ayzaya 63:19

Wi dɔn tɔn lɛk dɛn wan we yu nɔ ɛva rul bifo, lɛk dɛn wan we nɔ gɛt yu nem.

Ayzaya 59:1

Luk, PAPA GƆD in an nɔ shɔt fɔ mek I nɔ ebul sev; ɔ in yes nɔ kɔk we I nɔ go ebul yɛri;

Jɛrimaya 15:16

A yɛri ɔl wetin yu se, ɛn a ɔndastand, ɛn wetin yu se mek a gladi ɛn dat mek mi at swit; bikɔs na yu gɛt mi, O PAPA GƆD Ɔlmayti.

Di Sam Dɛm 46:5

Wans PAPA GƆD de de, in sikyɔriti shɔ, i rɛdi fɔ ɛp am ɔltɛm.

Di Nɔmba Dɛm 11:23

PAPA GƆD ansa am se, “Ɛnitin de we a nɔ ebul du? Yu go si wetin a go du. If wetin a se nɔ bi, pa!

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Zɛkaraya 2:5

PAPA GƆD se in PAPA GƆD de ɔlsay ɛn i go de de fɔ sikyɔ am.

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Ayzaya 51:9

Grap o, grap, pik trɛnk, E PAPA GƆD in pawa; grap, lɛk aw yu bin de du fɔstɛm, fɔ di jɛnareshɔn dɛn lɔntɛm. Nɔto yu bin kɔt Reab pis pis, we bin chuk di dragɔn?

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Di Sam Dɛm 27:9

Nɔ kɔmɔt biɛn mi. Nɔ lɛf mi to misɛf bikɔs yu vɛks; yu dɔn de wit mi ɔl dis tɛm, nɔ fɔsek mi naw. Nɔ lɛf mi to misɛf. Na yu na PAPA GƆD we fit fɔ sev mi.

1 Samiɛl 12:22

Bikɔs ɔf in nem, PAPA GƆD nɔ go ib una oba as nain dɔn se una nain yon.

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Apɔsul Dɛn Wok 15:17

Ɔl dɛn ɔda pipul ɛn dɛn pipul we nɔto Ju we dɔn bi mi yon, go fɛn di Masta.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Abakɔk 1:2

“PAPA GƆD, Aw lɔŋ a go de kɔmplen ɛn bifo yu go yɛri ɛn tap bad fɔ mit wi?

Ditarɔnɔmi 28:10

Datɛnde, di wanol wɔl go si se dɛn na PAPA GƆD in pipul dɛn ɛn dɛn go gɛt gud rɛspɛkt fɔ dɛn.

2 Kronikuls 7:14

if mi pipul dɛm we gɛt mi nem, put dɛnsɛf dɔŋ ɛn pre ɛn ripɛnt, ɛn lɛf dɛn wikɛd we, datɛnde, a go yɛri na ɛvin, ɛn a go fɔgiv dɛn sin, ɛn il dɛn land.

Di Sam Dɛm 10:1

PAPA GƆD, wetin mek yu de fa frɔm wi, PAPA GƆD? I tan lɛkɛ yu jɛs lɛf wi to wisɛf we trɔbul kam.

Ayzaya 43:7

ɔl dɛn wan we gɛt mi nem, we a bin dɔn mek fɔ mi glori, we a bin dɔn mol ɛn mek.”

Jɛrimaya 51:5

Bikɔs Izrɛl ɛn Juda dɛn Gɔd we na PAPA GƆD Ɔlmayti, nɔ fɔsek dɛm; bɔt di Babilonian dɛm gilti bad bad wan to di Oli wan na Izrɛl.

Lamɛnteshɔn 5:20

Wetindu yu dɔn fɔgɛt bɔt wi ɔltogɛda, wetindu yu dɔn fɔsek wi so?

Zɛkaraya 8:3

PAPA GƆD se, fɔ tɛl dɛn se, in go go tap bak na Jerusɛlɛm ɛn ɔlman go no se na de PAPA GƆD Ɔlmayti de, nain oli mawnten, dɔn dɛn go no se na siti we fethful.