Jɛrimaya 14:8 - Krio Fɔs Oli Baybul

⁸ E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Jɛrimaya 14:8 Referans Kwoze

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 50:7

Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’

Ayzaya 43:3

Bikɔs mi na PAPA GƆD we na yu Gɔd, di Oli Wan na Izrɛl we na yu seviɔ. A giwe Ijipt fɔ fri yu, ɛn ɛkschenj Itiopia ɛn Sɛba fɔ yu.

Di Sam Dɛm 50:15

dɔn da tɛm de we una aks mi fɔ pul una pan trɔbul, a nɔ go fɔgɛt una ɛn una go prez mi.”

Joɛl 3:16

PAPA GƆD mek nɔys lɛkɛ layɔn na Mawnt Zayɔn. In vɔys lɛk tɛnda na Jerusɛlɛm; ɛn ɛvin ɛn ath go trimbul. Bɔt PAPA GƆD go bi di sikyɔriti fɔ in pipul, di kɔtintri fɔ di Izrɛlayt dɛn.

Ayzaya 45:21

Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.

Ayzaya 43:11

Mi, na Mi na PAPA GƆD, ɛn apat frɔm mi, nɔn ɔda seviɔ nɔ de.

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

Apɔsul Dɛn Wok 28:20

A kɔl una fɔ si una ɛn tɛl una se dɛn chen mi fɔseka di pɔsin we di Izrɛl pipul dɛn abop pan.”

Ayzaya 45:15

Fɔ tru tru, yu na Gɔd we de ayd yusɛf, Yu Izrɛl dɛn Gɔd we na di Seviɔ.

Di Sam Dɛm 138:7

Pan ɔl we a go de pan big big waala yu de pul mi ed de saful; yu yuz yu pawa fɔ fɛt mi ɛnimi dɛn fɔ mi, na yu pawa yu tek sev mi.

Di Sam Dɛm 91:15

I go kɔl am fɔ sev am ɛn i go ansa; I se, i go pul am pan trɔbul, i go blɛs am ɛn mek in ed big.

Di Sam Dɛm 46:1

PAPA GƆD na wi sikyɔriti, i rɛdi fɔ pul wi pan trɔbul ɔltɛm.

Di Sam Dɛm 9:9

Na PAPA GƆD pɔsin go go to wɛn dɛn tek advantej pan am; in na lɛkɛ fɔl we de kɔba in pikin dɛn we i si trɔbul.

Di Sam Dɛm 10:1

PAPA GƆD, wetin mek yu de fa frɔm wi, PAPA GƆD? I tan lɛkɛ yu jɛs lɛf wi to wisɛf we trɔbul kam.

Di Jɔj Dɛm 19:17

We i go es in ed ɔp, i si di Livayt dɛn sidɔm na di opin ples na di siti. Nain di olpa aks dɛn se, usay dɛn kɔmɔt ɛn usay dɛn de go.

Di Sam Dɛm 71:5

Mi Masta, yu we na PAPA GƆD Ɔlmayti, na yu dɔn de gi mi op, na yu PAPA GƆD a dɔn put mi at traŋa wan pan frɔm we a smɔl.

Ayzaya 63:8

Bɔkɔs I se, Fɔ tru tru, dɛn na mi pipul dɛn, bɔy pik dɛn we nɔ go ple yuki yuki; ɛn I kam bi dɛn seviɔ.

Jɛrimaya 30:7

Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Zɛkaraya 9:12

I se, dɛn fɔ gɛt op ɛn go bak to di ples we dɛn go sef. I se, da de de, in wan mek dɛn no se i go gi dɔbul wan fɔ ɔl wetin dɛn dɔn lɔs.

Di Sam Dɛm 46:2

So wi nɔ gɛt natin fɔ fred, ivin if di wɔl skata ɔ athkwek bi we mek di mawnten dɛn fɛn dɛnsɛf midul di si,

Ayzaya 33:2

Duya PAPA GƆD, sɔri fɔ wi. Wi de wet fɔ yu. Bi wi sɔpɔt ɛvri mɔnin, bi wi salveshɔn we trɔbul mit wi.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.