Jɛrimaya 14:3 - Krio Fɔs Oli Baybul

³ Di bigman dɛm we de de, sɛn dɛn wokman dɛm fɔ go gɛt wata; dɛn kam na di wɛl dɛm, dɛn nɔ si wata, dɛn go bak wit ɛmti kitul dɛm; dɛn shem ɛn kɔnfyus, ɛn dɛn kɔba dɛn ed.

Jɛrimaya 14:3 Referans Kwoze

2 Samiɛl 15:30

So Devid klem go ɔp Mawnt Ɔliv de kray as i de go; i kɔba in ed ɛn nak in tɛn to. Ɔl di pipul we bin de wit am kɔba dɛnsɛf yon fes ɛn bin de kray as dɛnsɛf de go fɔ sho aw dɛn fil am.

Di Sam Dɛm 40:14

Lɛ ɔl udat nɔ want fɔ si mi, kɔnfyus ɛn lɛ dɛn shem pan dɛnsɛf; lɛ dɛn wan we nɔ want fɔ si mi bɛtɛ wan disgres.

2 Kiŋ 18:31

Una nɔ lisin to Ɛzikaya o! Mi di kiŋ na Asiria de tɛl una naw se mek una mek pis wit mi ɛn jɔyn mi. If una du dat ɔlman go it di frut we in vayn tik ɛn fig tik de bia ɛn drink wata nain yon wɛl,

Emɔs 4:8

Ɔlman bin de wirɔn ɔp ɛn dɔŋ frɔm siti to siti fɔ wata, bɔt nɔbɔdi nɔ gɛt bɛtɛ wata fɔ drink. Pan ɔl dat, una nɔ klɔk mi.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Joɛl 1:20

Dɛn wayl animal ɔl de kray to yu bikɔs di watasay dɛn ɔl dɔn dray, ɛn faya dɔn pwɛl ɔl usay di animal dɛn fɔ go it we de na di ɛmti land we pɔsin nɔ go ebul tap.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 14:4

Bikɔs di grɔn nɔ bia natin, bikɔs ren nɔ kam, di fama dɛn de shem, dɛn kɔba dɛn ed.

Di Sam Dɛm 109:29

Mi ɛnimi dɛn go wɛr shem ɛn disgres lɛkɛ klos.

Job 6:20

Dɛn pwɛl at bikɔs dɛn bin shɔ se dɛn go gɛt; we dɛn rich de, dɛn kɔnfyus.

Ɛsta 6:12

Afta dat, Mɔdikay go bak go sidɔm na di kiŋ in get bɔt Eman in put in an nain ed de kray ɛn go nain yon os.

1 Kiŋ 17:7

Bikɔs ren nɔ bin de kam, di wata na di watasay dray.

2 Samiɛl 19:4

Na so di kiŋ de kray bita bita wan. I kɔba in fes ɛn de se “E mi pikin Absalɔm! Na day yu day so mayn!”

Jɛrimaya 2:37

Una go kɔmɔt pan da shem de wit una an na una ed, bikɔs PAPA GƆD nɔ gri fɔ di wan dɛn we una biliv, ɛn dɔn nɔ go bɛtɛ una.

Jɛrimaya 3:3

Fɔseka dat, wan ren nɔ de kam, ren nɔ de kam ren sizin; pan ɔl dat yu stil yu gɛt rare gyal fɔrɛd, yu nɔ gri shem.

Jɛrimaya 15:18

Wetin mek mi pen nɔ de tap, mi wund nɔ de wɛl, i nɔ de gri wɛl? Yuwan tan lɛk watasay we de disiv pipul, lɛkɛ watasay we kin tap fɔ rɔn ɛnitɛm?

Lamɛnteshɔn 4:4

Dɛn yɔŋ bebi dɛn tɔŋ kin fasin ɔp di pikin dɛn mɔt bikɔs dɛn tɔsti; di pikin dɛn de beg it fɔ it, bɔt nɔbɔdi nɔ de gi dɛm.

Ozie 2:3

Ɔ nɔ so a go trip am nekɛd lɛ ɔlman si am aw in mami bɔn am, so dat nɔn man nɔ go want am we i si am, ɛn a go mek i tan lɛk land we wata nɔ de, ɛn day wit tɔsti.

Zɛkaraya 14:17

Bɔt if ɛniwan pan dɛn neshɔn de nɔ go Jerusɛlɛm fɔ wɔship PAPA GƆD Ɔlmayti we na Kiŋ, ren nɔ go kam na di say we dɛn de.

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.