Jɛrimaya 14:22 - Krio Fɔs Oli Baybul

²² Ɛni pan dɛn neshɔn dɛn lay lay gɔd dɛn we de mek ren kam, de wit una? Ɔ di klawd insɛf ebul mek ren kam? Nɔto yu na di wan we de mek ɔl dat bi, PAPA GƆD we na wi Gɔd? Na yu wi abop pan, bikɔs na yu de du ɔl dɛn tin ya.

Jɛrimaya 14:22 Referans Kwoze

Joɛl 2:23

I se di pipul na Zayɔn fɔ gladi dɛn fɔ fil gud fɔseka PAPA GƆD, we na dɛn GƆD bikɔs i dɔn sɛn ren kwik fɔ mek dɛn no se i min wetin i se. I sɛn di ren bɔku bɔku wan kam dɔŋ di wan we kam kwik o ɛn di wan we kam leta lɛk aw dɛn fɔ kam.

Jɛrimaya 5:24

Dɛn nɔ de tɔk na dɛn at se, ‘Lɛ wi fred PAPA GƆD we na wi Gɔd, we de gi wi ren, ren sizin, di amatan ren, ɛn di draysizin ren, ɛn de kip, di wik dɛm fɔ di avɛst, fɔ wi.’

Di Sam Dɛm 135:7

I de mek klawd gɛda frɔm fa; ren de kam ɛn laytin de flash dɔn briz kin jɛs bɔsawt frɔm usay i bin kip am.

Ayzaya 30:23

Ɛn PAPA GƆD go sɛn ren fɔ di sid we una plant, ɛn rɛs we go gro na di grɔn, go bɔku ɛn i go fayn. Da de de, una kaw dɛn go it na big ples we plɛnti gras de;

Ditarɔnɔmi 32:21

Dɛn mek PAPA GƆD vɛks bikɔs dɛn de wɔship lay lay gɔd, dɛn mek i jɛlɔs bikɔs dɛn gɔd dɛn nɔto gɔd dɛn. So i go drɔ ɔda pipul dɛn we nɔ bɛtɛ kam nia am so dat Izrɛl go vɛks, dɛn go jɛlɔs.

Jɛrimaya 51:16

Wɛn I tɔk, bɔku bɔku wata de gɛda ɔp di klawd, ɛn I de mek smɔl smɔl kol wata de kɔmɔt ɔnda di grɔn. I de mek laytin flash we ren de kam, ɛn I mek briz de blo kɔmɔt na In sto.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 10:15

Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Ayzaya 41:29

A de tɛl yu, dɛn ɔl na laylay; dɛn nɔ ebul du natin; dɛn laylay gɔd dɛm na lɛk ɛmti briz.

Di Sam Dɛm 130:5

A abop pan PAPA GƆD, bikɔs a no se i go du wetin i se.

Di Sam Dɛm 25:21

Mek di gudnɛs ɛn di waka we a de waka tret ɛp mi, bikɔs na yu a abop pan.

1 Kiŋ 17:14

I se PAPA GƆD we na PAPA GƆD fɔ Izrɛl se, di flawa ɛn di ɔyl nɔ go ɛva dɔn te in di PAPA GƆD mekɔp fɔ sɛn ren kam bak na wɔl.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Ditarɔnɔmi 28:12

PAPA GƆD go opin in sto we i de kip di ren ɔp di klawd, ɛn mek dɛn gɛt ren di rayt tɛm, so dɛn plant dɛn go gro fayn fayn wan. Ren ɛn san de na PAPA GƆD in an. I go so blɛs dɛn, dat na ɔda neshɔn dɛn go de go lɛnt to dɛn.

Mayka 7:7

I se fɔ in yon say, in go luk to PAPA GƆD nɔmɔ as nain na di GƆD we de sev am ɛn i go yɛri am.

Emɔs 4:7

A ol di ren mek wan drɔp nɔ fɔdɔm di tɛm we una plant dɛn fɔ gro. A mek ren kam na wan siti, ɛn mek ren nɔ kam na di ɔda wan. Wan fam gɛt wata ɛn di ɔda wan nɔ gɛt natin ɛn dray.

Jɛrimaya 10:13

Wɛn i pas kɔmand, di wata dɛn we de ɔp di klawd kin slap slap dɛnsɛf; ɛn i kin mek smok grap kɔmɔt na di las las pat dɛn na di wɔl. I mek laytin fɔseka ren, ɛn i briŋ briz kɔmɔt nain sto.

Ayzaya 30:18

Fɔseka dat, PAPA GƆD de wet fɔ sho una gres, fɔseka dat, i es insɛf ɔp fɔ sho una masi. Bikɔs PAPA GƆD na Gɔd we de jɔj rayt; ɛnibɔdi we wet fɔ am, go gɛt blɛsin.

Di Sam Dɛm 147:8

I kɔba di skay wit klawd; i mek ren fɔdɔm na wɔl ɛn gras gro pantap dɛn il.

Di Sam Dɛm 27:14

Put yu trɔs pan PAPA GƆD. Nɔ giv ɔp put yu at dɔŋ. Put yu trɔs pan PAPA GƆD.

Di Sam Dɛm 25:3

Nɔbɔdi nɔ de we abop pan yu, we yu de mek shem, bɔt dɛn wan we gɛt tu mɔt biznɛs, yu go mek dɛn shem.

Job 5:10

nain de mek ren fɔdɔm na wɔl ɛn de wata dɛn bush;

1 Kiŋ 18:1

Afta sɔm tɛm dɔn pas, dat na tri ia frɔm we ren lɛf fɔ kam, PAPA GƆD tɔk to Ilayja. I se, “Go sho yusɛf to Eab, a go mek ren bigin kam bak.”

1 Kiŋ 8:36

yɛri dɛn prea na ɛvin. Fɔgiv di kiŋ ɛn di Izrɛlayt dɛn sin ɛn sho dɛn fɔ du wetin rayt. Dɔn PAPA GƆD, mek ren kam na dis land we yu gi yu pipul dɛn se na dɛn yon prɔpati.

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.

Jɛrimaya 5:12

Dɛn dɔn tɔk lay lay tin dɛm bɔt PAPA GƆD ɛn dɔn se, ‘I nɔ go du yu ɛnitin; natin bad nɔ go apin to wi ɛn i nɔ go kil wi ɔ mek aŋri kam na tɔŋ.

Jɛrimaya 10:3

bikɔs na fɔls kɔstɔm di neshɔn dɛn gɛt. Dɛn kɔt wan tik na di fɔrɛst, ɛn man we de wok wit in an tek aks kav am.

Ozie 2:7

I go rɔnata in man dɛn bɔt i nɔ go kech dɛn ɛn i go de luk fɔ dɛn bɔt i nɔ go fɛn dɛn. Na da tɛm de i go se mek i go bak to in maredman bikɔs i bin bɛtɛ fɔ am wɛn dɛn tu de, pas wɛn i de paspas.

Job 28:26

we i tɔk se ren fɔ fɔdɔm ɛn mek rod fɔ tɛnda ɛn laytin,

Jɛrimaya 10:12

Naim mek di wɔl wit in pawa, in we yuz in sɛns mek di wɔl, ɛn tek in sabi prɛd di klawd.

Mayka 5:6

Dɛn go win di Asirian dɛn ɛn tek dɛn land ɛn di land usay Nimrɔd, da wɔndaful sojaman de. Dɔn i go pul dɛn na di Asirian dɛn an we di Asirian dɛn go go insay di Izrɛlayt dɛn yon siti go aras dɛn.