Jɛrimaya 14:21 - Krio Fɔs Oli Baybul

²¹ Nɔ luk usay yu nem de bad yay, nɔ disɔna yu tron we ɔlman de prez; duya, mɛmba o ɛn nɔ brok di Kɔvinant we yu mek wit wi.

Jɛrimaya 14:21 Referans Kwoze

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Di Sam Dɛm 106:45

bikɔs i wan ɛp dɛn, i mɛmba wetin i bin se nain Kɔvinant, ɛn bikɔs in lɔv nɔ de chenj, i chenj in maynd.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Jɛrimaya 17:12

Wan gloriɔs tron we de pantap mawnten frɔm di biginin, na di ples we wi fɔ pre to PAPA GƆD.

Rɛvɛleshɔn 11:2

Bɔt nɔ mɛnshɔ di sɛkɛn opin ples we de rawnd Gɔd in Os bikɔs da ples de na fɔ dɛn pipul we nɔto Gɔd yon pipul, ɛn dɛn pipul de go mas Gɔd in tɔŋ ɔnda dɛn fut fɔ fɔti-tu mɔnt.

Lɛta Fɔ Ɛfisɔs 2:7

Gɔd du ɔl dis fɔ sho wi frɔm naw sote go aw i lɛk wi bikɔs wi gɛt wanwɔd wit Jizɔs Krays.

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Lyuk 1:72

So Gɔd stil de sɔri fɔ wi lɛkɛ aw i tɛl wi granpapa-papa dɛn se in go du ɛn i stil mɛmba di agrimɛnt we insɛf sɛf mek wit dɛn,

Emɔs 6:8

PAPA GƆD we na GƆD dɔn swɛ to insɛf ɛn gi dis siriɔs wɔnin: “A et di kak we di Izrɛlayt dɛn de kak fɔ dɛn fayn fayn simɛnt os; a go mek dɛn ɛnimi dɛn kapchɔ di siti ɛn tek ɔl wetin de de.”

Daniɛl 9:7

PAPA GƆD, fɔ waka tret de na yu an, bɔt wi de disgres wisɛf ɔltɛm to di man dɛn na Juda, to di wan dɛn we tap na Jesuselɛm, ɛn to ɔl Izrɛl; dɛn wan dɛn we de nia ɛn di wan dɛn we de fa we, bikɔs ɔf di wikɛd tin dɛn we wi dɔn du to yu.

Izikɛl 43:7

ɛn i tɛl mi se, “Mɔtalman, na ya mi tron de, ɛn na di ples we mi ɔndafut dɛn de, usay a go tap midul di Izrɛl pipul so te go. Ɛn di Izrɛl pipul nɔ go dɔti mi oli nem igen igen; dɛm o, dɛn kiŋ dɛm o, dɛn rare layf o, ɛn dɛn kiŋ dɛn dedebɔdi dɛm o, nɔ go dɔti mi nem igen

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Lamɛnteshɔn 1:10

Di ɛnimi dɔn tif ɔl in dia dia tin dɛn; fɔ tru, i dɔn si ɔda neshɔn dɛn go insay di tɛmpul, pipul dɛn we yu PAPA GƆD dɔn se nɔ fɔ go insay usay yu pipul dɛn de wɔship yu.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Di Sam Dɛm 106:40

Dis mek PAPA GƆD vɛks pan in pipul ɛn nɔ want fɔ gɛt natin fɔ du wit dɛn.

Di Sam Dɛm 51:11

Nɔ lɛf mi to misɛf bikɔs a sin ɛn nɔ tek di Oli Spirit kɔmɔt pan mi.

Ditarɔnɔmi 32:19

We PAPA GƆD si se dɛn dɔn kɔmɔt biɛn am, i vɛks ɛn i pul at pan dɛn.

Lɛvitikɔs 26:11

PAPA GƆD se in go tap wit di Izrɛlayt dɛn ɛn nainsɛf go de wit dɛn ɔltɛm.

Ɛksodɔs 32:13

I tɛl PAPA GƆD se lɛ i nɔ fɔgɛt da prɔmis we i bin prɔmis in savant dɛn, dat na Ebraam, Ayzak ɛn Jekɔb, we i bin swɛ to insɛf se in go mek dɛn jɛnareshɔn dɛn bɔku lɛkɛ di sta dɛn na di skay ɛn gi dɛn bɔku, bɔku land we go bi dɛn yon sote go.

1 Samiɛl 12:22

Bikɔs ɔf in nem, PAPA GƆD nɔ go ib una oba as nain dɔn se una nain yon.

Di Sam Dɛm 25:11

PAPA GƆD mi sin dɛn bɔku, bɔt bikɔs yu gud, ɛn want ɔlman fɔ no aw yu gud, fɔgiv mi.

Di Sam Dɛm 145:11

Dɛn go tɔk bɔt aw yu de rul as Kiŋ ɛn di pawa we yu gɛt,

Ayzaya 62:6

E Jerusɛlɛm, na pantap yu wɔl dɛn, A dɔn put wachman dɛm; ol de, ol nɛt dɛn nɔ go ɛva kwayɛt.. Yu we de mek PAPA GƆD de mɛmba. Nɔ blo atɔl,

Izikɛl 20:22

Bɔt a bin ol mi at, ɛn a bin du so fɔseka mi nem, so dat dɛn nɔ go pwɛl mi nem to di neshɔn dɛm, we na bifo dɛn a bin sev dɛn.