Jɛrimaya 14:19 - Krio Fɔs Oli Baybul

¹⁹ Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Jɛrimaya 14:19 Referans Kwoze

Lamɛnteshɔn 5:22

Adinɔ yu dɔn push wi kɔmɔt nia yu ɔltogɛda wan. Yu dɔn vɛks pan wi bad bad wan?

Jɛrimaya 8:15

Wi luk fɔ kol at, bɔt nɔn gud nɔ kɔmɔt bien, wi luk fɔ tɛm fɔ mɛn wisɛf, bɔt na tin dɛn we mek wi fred apin.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Jɛrimaya 6:30

Dɛn kɔl dɛm, “Silva we nɔbɔdi nɔ want,” bikɔs PAPA GƆD dɔn se I nɔ wan dɛm atɔl.”

Jɛrimaya 30:13

Nɔbɔdi nɔ de fɔ fɛt una kes, mɛrɛsin nɔ de fɔ mɛn una wund, una nɔ go tek mɛn.

Jɛrimaya 15:18

Wetin mek mi pen nɔ de tap, mi wund nɔ de wɛl, i nɔ de gri wɛl? Yuwan tan lɛk watasay we de disiv pipul, lɛkɛ watasay we kin tap fɔ rɔn ɛnitɛm?

Jɛrimaya 12:8

Di pipul dɛn we a dɔn pik dɔn tɔn to mi lɛkɛ layɔn na fɔrɛst, I dɔn ala pan mi; fɔseka dat, a dɔn et am.

Di Sam Dɛm 78:59

Wɛn PAPA GƆD si ɔl dis, i vɛks pasmak; i nɔ gri fɔ gɛt natin fɔ du wit dɛn.

Job 30:26

Bɔt we mi luk fɔ gud tin fɔ kam mi we, na bad tin mit mi; we a de wet fɔ swit, na bita kam.

Lamɛnteshɔn 4:17

Wi taya fɔ de luk ɔltɛm fɔ natin se pipul dɛn go kam ɛp wi; we wi bin de wet de abop pan kɔntri we nɔ ebul ɛp wi.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!

Jɛrimaya 8:22

Mɛrɛsin nɔ de na Giliad? Dɔkta nɔ de de? So wetindu mi pipul dɛn gyal pikin nɔ wɛl te tide?

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Di Sam Dɛm 89:38

PAPA GƆD yu vɛks naw pan di pɔsin we yu bin dɔn pik fɔ bi Kiŋ, yu dɔn tɔn yu bak pan am ɛn nɔ want si am.

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Jɛrimaya 12:7

“A dɔn fɔsek mi os, A dɔn abandɔn Izrɛl; A dɔn giwe di wande lɛk insay mi sol to in ɛnimi dɛm.

Mayka 1:12

Di pipul na Marɔth de wet fɔ si wetin de apin bikɔs PAPA GƆD dɔn pwɛl di siti dɛn nia dɛn ɛn i dɔn rich Jerusɛlɛm.

Prɔvabs 29:1

Ɛnibɔdi we de mek traŋayes we dɛn kɔrɛkt am go gɛt trɔbul, ɛn we i nɔ mekɔp, na de i go fɛn in yon day.

Jɛrimaya 30:12

“Bikɔs na dis PAPA GƆD se: Di pen we una gɛt na una at, nɔ de mɛn, ɛn una wund dɛn dip.

Jɛrimaya 51:5

Bikɔs Izrɛl ɛn Juda dɛn Gɔd we na PAPA GƆD Ɔlmayti, nɔ fɔsek dɛm; bɔt di Babilonian dɛm gilti bad bad wan to di Oli wan na Izrɛl.

Lamɛnteshɔn 2:22

Yu mek we, mek mi ɛnimi dɛn sɔrawnd mi lɛk we dɛn invayt pipul dɛn fɔ kam pati; ɛn di de we na di de we PAPA GƆD vɛks nɔbɔdi nɔ bin ebul balans ɔ sɔvayv; mi ɛnimi dɛn nyakanyaka di wan dɛn we a ple wit ɛn mɛn.