Jɛrimaya 14:18 - Krio Fɔs Oli Baybul

¹⁸ If a go na fam, a go si dɛn wan dɛn we day na wa! If a go insay di siti a go mit bad bad aŋri de! Bikɔs di prɔfɛt ɛn di man dɛn we de mek sakrifays fɔ pipul sin, de wirɔn ɔp ɛn dɔŋ de mek pipul dɛn pe dɛn fɔ dɛn wok, we dɛn nɔ no natin.’”

Jɛrimaya 14:18 Referans Kwoze

Izikɛl 7:15

Wa go kil pipul na do, siknɛs ɛn aŋri de kil pipul dɛn insay. Na sɔd go kil di wan we de na fil; as fɔ di wan dɛn we de na di siti, na aŋri ɛn siknɛs go kil dɛn.

Lamɛnteshɔn 1:20

“Luk mi PAPA GƆD, a de sɔfa bad bad wan, mi bɛlɛ de bwɛl, mi at nɔ rɛst bikɔs a dɔn tɔn mi bak pan PAPA GƆD. Na trit, dɛn de kil pipul wit sɔd; na os, aŋri de kil pipul.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ditarɔnɔmi 28:36

Mozis tɛl di Izrɛlayt dɛn se PAPA GƆD go mek dɛn kɛr dɛn ɛn dɛn kiŋ we dɛn go pik go na kɔntri we dɛn ɛn dɛn fɔstɛm-papa dɛn nɔ bin no wande, usay dɛn go go wɔship gɔd dɛn we dɛn mek wit tik ɛn ston.

Pita In Sɛkɛn Lɛta 2:3

Dɛn ticha ya go de lay gi una bikɔs dɛn want una mɔni; bɔt frɔm tɛm nain Gɔd dɔn kɔndɛm dɛn ɛn i go mɔs tek dɛn layf.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Lamɛnteshɔn 4:9

Di wan dɛn we dɛn bin kil na di wa bɛtɛ pas di wan dɛn we aŋri kil, we aŋri mɔna te dɛn day bikɔs dɛn nɔ gɛt it fɔ it.

Jɛrimaya 23:21

“A nɔ sɛn di prɔfɛt dɛm, bɔt dɛn rɔn go; a nɔ tɔk to dɛm bɔt dɛn prɔfisay.

Jɛrimaya 2:8

Di man dɛm we de mek sakrifays fɔ pipul sin nɔ bin aks se, ‘We PAPA GƆD?’ Dɛn wan dɛn we de andul di lɔ nɔ bin no mi; di rula dɛn sin agens mi; di prɔfɛt dɛn bin de prɔfisay se na Beal tɛl dɛn so, ɛn dɛn bin put at pan tin dɛn we nɔ go mek dɛn bɛtɛ.

Ayzaya 28:7

Dɛnwanya sɛf de rol na grɔn we dɛn drink wayn ɛn de staga we dɛn drink traŋa rɔm; di man we de mek sakrifays fɔ pipul sin ɛn di prɔfɛt bin de rol na grɔn we dɛn drink traŋa rɔm, wayn kɔnfyus dɛm, traŋa rɔm mek dɛn staga; dɛn nɔ de si gud, dɛn de mistek we dɛn de gi jɔjmɛnt.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Ayzaya 22:2

una we ɔltɛm na so so ala ala una de pan, siti we pak wit nɔys, siti we lɛk gladi gladi? Una we nɔto sɔd ɔ wa kin kil di wan dɛn we de day pan una.

Jɛrimaya 6:25

Una nɔ go na fam, ɛn una nɔ waka na forod; bikɔs di ɛnimi gɛt sɔd, fred fred de ɔlɔbɔt.

Emɔs 4:6

“A mek aŋri de na ɔl dɛn siti. A nɔ mek wan sid rɛs sɛf de fɔ it, pan ɔl dat, una nɔ klɔk mi.

Lamɛnteshɔn 2:19

Grap, ala we nɛt kam, dɛn twɛlv, tu ɛn fo oklɔk mɔnin so! Ɛmti yu at lɛk wata bifo PAPA GƆD! Es yu an ɔp to am fɔ dɛn pikin dɛn layf we aŋri de kil, na ɛni trit we yu tɔn.