Jɛrimaya 14:17 - Krio Fɔs Oli Baybul

¹⁷ “Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 14:17 Referans Kwoze

Jɛrimaya 8:21

Bikɔs mi pipul dɛn gyal pikin dɛn wund de na mi at, Mi at pwɛl, ɛn pwɛlat dɔn kech mi.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Jɛrimaya 13:17

Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Mayka 6:13

So misɛf dɔn bigin mek dɛn sɔfa fɔ dɛn sin. Na sik go kil dɛn.

Lamɛnteshɔn 2:18

Ala lawd lawd wan to PAPA GƆD yu Jerusɛlɛm in gyal pikin! Lɛ wata kɔmɔt na yu yay lɛk we big ren de kam ol de ɛn ol nɛt! Nɔ blo atɔl, nɔ gi yu yay nɔn blo blo!

Jɛrimaya 10:19

E mi, swɛ dɔn kech mi, fɔseka di kayn pen we a de fil! A wund bad bad wan. Bɔt a se “Fɔ tru tru dis na siknɛs, ɛn a mɔs bia wit am.”

Ayzaya 37:22

na dis PAPA GƆD bin se bɔt am: “ ‘I nɔ rɛspɛkt yu, i de laf yu- di vajin gyal na Zayɔn; i de de shumu pan yu- we na Jerusɛlɛm in gyal pikin.

Di Sam Dɛm 39:10

Sɔri fɔ mi, a nɔ ebul misɛf igen Di pɔnish we yu de pɔnish mi dɔn du fɔ kil mi.

Emɔs 5:2

Izrɛl we bin inosɛnt dɔn fɔdɔm. I nɔ de grap igen I lidɔm na grɔn lɛk bif, nɔbɔdi nɔ de fɔ es am ɔp.

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Jɛrimaya 8:18

Mi sɔro nɔ de dɔn, mi at sik.

2 Kiŋ 19:21

so na dis i gɛt fɔ se bɔt am; Sɛnakarib, di yɔŋgyal dɛn na Zayɔn de laf yu ɛn provok yu, di uman dɛn na Jerusɛlɛm de laf yu we yu de rɔn.

Jɛrimaya 9:18

lɛ dɛn mekes kam ɛn kam bigin kray fɔ wi, so dat wata go rɔn wi yay, ɛn wi yay in kɔba go bɔs wata.

Jɛrimaya 18:13

“Fɔseka dat, na dis PAPA GƆD se: Aks na di difrɛn neshɔn dɛm se, udat dɔn yɛri dis kayn tin? Da vajin we na Izrɛl, dɔn du bad bad tin.

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.