Jɛrimaya 14:15 - Krio Fɔs Oli Baybul

¹⁵ Fɔseka dat, PAPA GƆD se, kɔnsanin di prɔfɛt dɛm we de tek mi nem gi lay lay prɔfisi, ɔl we a nɔ sɛn dɛm, ɛn de se, ‘Wa ɛn bad bad aŋri nɔ go kam na dis land’: Na wa ɛn bad bad aŋri go kil dɛn prɔfɛt dɛn de.

Jɛrimaya 14:15 Referans Kwoze

Izikɛl 14:10

Ɛn dɛn go bia dɛn pɔnishmɛnt – di prɔfɛt in pɔnishmɛnt ɛn di wan we go fɛnɔt in pɔnishmɛnt go bi di sem –

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Emɔs 7:17

I se PAPA GƆD de tɛl in di Amazaya se, in wɛf go tɔn rare gyal na di siti ɛn dɛn go kil ɔl in pikin dɛn na wa. I se dɛn go sheb in kɔntri ɛn gi am to ɔda pipul ɛn na kɔntri we nɔ no bɔt PAPA GƆD, i go day. I se dɛn go kech di Izrɛlayt dɛn ɛn kɛr dɛn go na ɔda kɔntri.

Jɛrimaya 20:6

Ɛn yu, Pashɔ, ɛn ɔl udat tap na yu os, go go bi slev; na Babilɔn yu go go, ɛn na de yu go day, ɛn na de dɛn go bɛr, yu ɛn ɔl yu padi dɛm we yu bin gi lay lay prɔfisi.”

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

1 Kiŋ 22:25

Maykaya ansa am se na di de we i go si insɛf de go fɛn rum fɔ ayd fɔ in layf nain i go no.

Jɛrimaya 23:30

PAPA GƆD se, Fɔseka dat, a de agens di prɔfɛt dɛm we de tif mi wɔd na dɛn kɔmpin mɔt.’

Jɛrimaya 27:15

PAPA GƆD se, ‘A nɔ sɛn dɛm, bɔt dɛn de tek mi nem gi una lay lay prɔfisi, so dat a go drɛb una ɛn una go sɔfa bad bad wan, una ɛn di prɔfɛt dɛm we de prɔfisi to una.”

Lamɛnteshɔn 1:19

“A sɛn to di wan dɛn we mi ɛn dɛn gɛ dat bɔt dɛn mek lɛk dɛn nɔ no mi; mi man dɛn we de mek sakrifays fɔ pipul sin ɛn di bigman dɛn, day na di siti we dɛn de fɛn it fɔ it lɛ dɛn nɔ go day.

Lamɛnteshɔn 2:20

Luk PAPA GƆD, luk nɔmɔ lɛ yusɛf si! Na udat yu dɔn dil wit so? Uman dɛn fɔ it dɛn pikin dɛn, pikin dɛn we dɛn mɛn frɔm we dɛn smɔl? Pipul dɛn fɔ kil man ɔf PAPA GƆD dɛn usay dɛn de wɔship PAPA GƆD?

Izikɛl 13:14

A go brok di wɔl we una dɔn dab wit waytwɔsh, ɛn briŋ am kam dɔŋ na grɔn, so dat in fawndeshɔn go lɛf ɛmti; wɛn i de fɔdɔm, una go day de; ɛn una go no se na mi na PAPA GƆD.

Izikɛl 14:9

Ɛn if dɛn lay gi di prɔfɛt ɛn i tɔk ɛnitin, na mi PAPA GƆD nɔ go dɔn tɔk tru, ɛn a go dil wit am, ɛn a go kil am kɔmɔt midul mi pipul dɛn, we na Izrɛl.

Mayka 3:5

Na dis PAPA GƆD se bɔt di fɔls prɔfɛt dɛn: I se dɛn de ful di pipul. We dɛn gi dɛn tin fɔ it, dɛn de se ɔltin ɔrayt bɔt we dɛn nɔ gɛt fɔ gi dɛn, na da tɛm de dɛn de tɛl dɛn se dɛn go gɛt trɔbul.

Ditarɔnɔmi 18:20

bɔt ɛni prɔfɛt we tɛl di pipul dɛn wetin PAPA GƆD nɔ bin tɛl am fɔ tɔk, ɔ de tɔk fɔ ɔda gɔd dɛn, di pipul dɛn fɔ kil da prɔfɛt de.

Jɛrimaya 8:13

PAPA GƆD se, “Wɛn a go gɛda dɛm, nɔn greps nɔ de na di greps tik, ɛn nɔn fignɔt na de na di fig tik; ivin di lif dɛm dɔn wida, ɛn wetin a bin gi dɛm nɔ de pan dɛn igen”

Izikɛl 13:9

A go rɛdi fɔ dil wit dɛn prɔfɛt we de si laylay vishɔn ɛn we de gi laylay prɔfisi; dɛn nɔ go de na mi pipul dɛn kansul, ɛn dɛn nem nɔ go de na di rɛjista na Izrɛl, ɛn dɛn nɔ go go insay Izrɛl; ɛn una go no se na mi na Papa Gɔd we na Gɔd.

Izikɛl 13:15

Na so a go put mi vɛksteshɔn pan di wɔl ɛn pan dɛn wan dɛn we bin dab am wit waytwɔsh; ɛn a go tɛl una se, Di wɔl nɔ de igen, ɛn di wan dɛn we bin dab am, sɛf nɔ de igen

Izikɛl 33:6

Bɔt if di wachman si di sɔd de kam, ɛn i nɔ blo di trɔmpɛt, so dat i wɔn di pipul, ɛn di sɔd kam, ɛn tek ɛni wan pan an dɛm; i go tek da man de pan in bad bad wikɛdnɛs, bɔt a go aks fɔ in blɔd na di wachman in an.