Jɛrimaya 14:14 - Krio Fɔs Oli Baybul

¹⁴ Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Jɛrimaya 14:14 Referans Kwoze

Izikɛl 12:24

Bikɔs nɔn laylay vishɔn ɔ ipokrit prɔfisi nɔ go de igen na Izrɛl.

Jɛrimaya 29:31

“sɛn to ɔl di wan dɛn we de ɛgzayl se, ‘Na dis PAPA GƆD se bɔt Shemaya we kɔmɔt Nɛɛlam: Bikɔs Shemaya dɔn prɔfisay to una we a nɔ bin sɛn am, ɛn i dɔn mek una biliv in lay lay,

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Izikɛl 21:29

Wɛn dɛn de si laylay vishɔn fɔ una, ɛn wɛn dɛn de lay gi una bɔt una tumara - fɔ le am na di wan dɛn we wikɛd ɛn nɔ oli, dɛn nɛk dɛn, we na di tɛm fɔ dɛn las las pɔnishmɛnt, ɛn dɛn kɔp dɔn ful.

Fɔs Lɛta To Timoti 4:2

Na dɛn pipul we de lay, de lan pipul dɛn tin ya i tan lɛkɛ dɛn dɔn bɔn dɛn at na faya ɛn dat mek dɛn nɔ gɛt kɔnshɛns igen.

Zɛkaraya 13:3

If ɛniwan stil de we de mek se in na prɔfɛt, in mama ɛn papa we bɔn am go tɛl am se i nɔ wan lɔŋ layf as na lay i de lay se i de tɔk fɔ PAPA GƆD; dɔn we i lay, in mama ɛn papa go chuk am fɔ di lay we i de lay.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.

Izikɛl 13:23

so una nɔ go si laylay vishɔn, ɔ praktis laylay prɔfisi igen; a go pul mi pipul dɛn kɔmɔt na una an. Na datɛnde, una go no se na mi na di PAPA GƆD.

Jɛrimaya 37:19

We una prɔfɛt dɛm we bin prɔfisay to una se, ‘Di kiŋ na Babilɔn nɔ go atak yu ɛn agens dis land?

Jɛrimaya 29:21

‘Na dis PAPA GƆD Ɔlmayti we na Izrɛl dɛn Gɔd, se bɔt Eab we na kolaya in bɔypikin, ɛn Zɛdikaya we na Maasɛya in bɔypikin we de yuz mi nem gi una lay lay prɔfisi: A de tɛl una, A go mek Nɛbyukadnɛza we na kiŋ na Babilɔn, kech dɛm ɛn kil dɛm bifo una.

Jɛrimaya 28:15

Nain Jɛrimaya we na prɔfɛt tɛl Prɔfɛt Ananaya se “Lisin, Ananaya, PAPA GƆD nɔ sɛn yu, ɛn yu dɔn mek dɛn pipul ya dɔn biliv pan lay lay.

Jɛrimaya 28:13

I se, “Go, tɛl Ananaya se:, ‘Na dis PAPA GƆD se: Yu dɔn brok di bod yok, bɔt instɛ ɔf bod yok, a go mek ayɛn yok.

Ayzaya 9:15

di ɛlda ɛn di man we dɛn rɛspɛkt na di ed, ɛn di prɔfɛt we de tich di pipul dɛn fɔ lay, na di tel;

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Ditarɔnɔmi 18:20

bɔt ɛni prɔfɛt we tɛl di pipul dɛn wetin PAPA GƆD nɔ bin tɛl am fɔ tɔk, ɔ de tɔk fɔ ɔda gɔd dɛn, di pipul dɛn fɔ kil da prɔfɛt de.

Ayzaya 56:10

In wachman dɛn blɛn, dɛn ɔl nɔ sabi natin; dɛn ɔl na mumu lɛk dɔg, dɛn nɔ ebul bak; dɛn jɛs de lidɔm, drim, ɛn dɛn lɛk fɔ slip.

Jɛrimaya 8:11

Dɛn dɔn mɛn mi pipul dɛn wund layt wan, we dɛn de se, ‘kol at, kol at,’ we kol at nɔ de.

Jɛrimaya 20:6

Ɛn yu, Pashɔ, ɛn ɔl udat tap na yu os, go go bi slev; na Babilɔn yu go go, ɛn na de yu go day, ɛn na de dɛn go bɛr, yu ɛn ɔl yu padi dɛm we yu bin gi lay lay prɔfisi.”

Jɛrimaya 28:11

Nain Ananaya tɔk bifo ɔl di pipul dɛn se, “Na dis PAPA GƆD se: Na semweso a go brok Nɛbyukadnɛza we na kiŋ na Babilɔn in yok kɔmɔt na ɔl di neshɔn dɛn nɛk, insay tu ia.” Bɔt Jɛrimaya we na prɔfɛt bin go in we.

Lamɛnteshɔn 2:9

Di get dɛn dɔn sink go insay di grɔn; di ba dɛn ɔl dɔn brok brok; di kiŋ ɛn bigman dɛm ɔl de wit di ɔda pipul dɛn; lɔ nɔ de igen ɛn di prɔfɛt dɛn nɔ de gɛt vishɔn to PAPA GƆD igen.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Izikɛl 13:2

“Mɔtalman, prɔfisay agens di prɔfɛt dɛn na Izrɛl, prɔfisay ɛn tɛl di wan dɛn we de prɔfisay wetin dɛn yon maynd se: una yɛri PAPA GƆD in wɔd!