Jɛrimaya 14:12 - Krio Fɔs Oli Baybul

¹² Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 14:12 Referans Kwoze

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Jɛrimaya 11:11

Fɔseka dat, na dis PAPA GƆD se, A de briŋ ivul tin pan dɛm we dɛn nɔ go ebul pul dɛn ed kɔmɔt; ɔl we dɛn go kray to mi, A nɔ go lisin dɛm.

Jɛrimaya 6:20

Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Prɔvabs 1:28

A go de yɛri we una de kɔl so, bɔt a nɔ go ansa; una go de fɛn fɛn mi, bɔt una nɔ go si mi.

Zɛkaraya 7:13

I se we in tɔk, di pipul dɛn nɔ de yɛri, so, we dɛnsɛf pre to am, i nɔ go yɛri.

Mayka 3:4

Dɛn go pre to PAPA GƆD bɔt i nɔ go ansa dɛn. I nɔ go lisin to dɛnsɛf bikɔs dɛn dɔn du bad.

Izikɛl 14:21

“Bikɔs Papa Gɔd we na Gɔd se, if na mi fo bad bad jɔjmɛnt akshɔn dɛn a sɛn naw, dat na wa, bad bad aŋri, ivul bist ɛn bad bad sik fɔ kil ɔl di pipul dɛn ɛn ɔl di animal dɛn!

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Ayzaya 58:3

“Wetin mek wi dɔn fast, ɛn yu mek lɛk yu nɔ no? Wetin mek wi dɔn ɔmbul wisɛf ɛn yu mek lɛk yu nɔ no bɔt dat?” Luk, di tɛm we una kin de fast una kin de fala una yon ɛnjɔymɛnt; ɛn aras ɔl una wokman dɛn.

Prɔvabs 28:9

Udat nɔ obe PAPA GƆD in lɔ, PAPA GƆD et in prea ɛn nɔ go ansa dɛnsɛf we i de pre.

Prɔvabs 21:27

PAPA GƆD nɔ lɛk di sakrifays we bad pɔsin kin kɛr to am; i et am mɔ wɛn di pɔsin kin de du am fɔ lɛ i go du mɔ bad.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Job 27:9

PAPA GƆD go lisin am we i kray to am we trɔbul mit am?

Jɛrimaya 8:13

PAPA GƆD se, “Wɛn a go gɛda dɛm, nɔn greps nɔ de na di greps tik, ɛn nɔn fignɔt na de na di fig tik; ivin di lif dɛm dɔn wida, ɛn wetin a bin gi dɛm nɔ de pan dɛn igen”

Jɛrimaya 21:6

Ɛn a go kil ɔl dɛn wan dɛm we tap na dis siti, dat na mɔtalman ɛn animal; na ebi ebi siknɛs go kil dɛm.

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Izikɛl 14:19

Ɔ if a sɛn wan bad bad sik pan di land, ɛn put mi bad bad vɛksteshɔn pan am we blɔd go kɔmɔt, fɔ kil ɔl di mɔtalman dɛn ɛn ɔl di animal dɛn we de de,

Ozie 5:6

Dɛn go tek dɛn animal dɛn se dɛn de go mek sakrifays to PAPA GƆD bɔt dɛn nɔ go fɛn am bikɔs i dɔn lɛf dɛn to dɛnsɛf.

Emɔs 5:21

“A et wetin una de du! A nɔ wan si di rɔbish we una de pan se una de wɔship mi.

Malakay 1:10

I se in bin de op se sɔmbɔdi go de we go tɛl dɛn nɔ fɔ wes dɛn tɛm bikɔs in nɔ go tek dɛn sakrifays as i nɔ gladi.

Malakay 2:13

Ɔda tin we dɛn kin du, na we dɛn de put dɛn kray wata ɛn sho se dɛn sɔri we dɛn de na PAPA GƆD in ɔlta bikɔs i nɔ de tek dɛn prɛzɛnt ɔ sakrifays igen as i nɔ gladi wit dɛn.

Jɛrimaya 11:14

Fɔseka dat, nɔ pre fɔ dɛn pipul dɛn ya, ɔ kray to mi, ɔ pre fɔ beg fɔ dɛm, bikɔs a nɔ go lisin we dɛn kɔl mi we trɔbul mit dɛm.

Jɛrimaya 15:1

Nain PAPA GƆD tɛl mi se, ‘Ɔlwe Mozis ɛn Samiɛl bin tinap bifo mi, mi at stil nɔ bin tek dɛn pipul ya. Drɛb dɛn kɔmɔt bifo mi lɛ dɛn go!