Jɛrimaya 14:10 - Krio Fɔs Oli Baybul

¹⁰ Na dis PAPA GƆD se kɔnsanin dɛn pipul ya: “Na so dɛn dɔn lɛk fɔ de rɔnawe pan mi, dɛn nɔ de kɔntrol dɛn fut; fɔseka dat, PAPA GƆD nɔ go aksɛpt dɛm, naw, i go mɛmba dɛn sin dɛm ɛn pɔnish dɛm fɔseka dɛn sin dɛm.”

Jɛrimaya 14:10 Referans Kwoze

Ozie 9:9

I se dɛn so dɔn du bad i tan lɛk aw di pipul na Gibia bin biev. I se PAPA GƆD go mɛmba di sin we dɛn de sin ɛn i go pɔnish dɛn fɔ dat.

Ozie 8:13

Dɛn lɛk fɔ mek sakrifays. Dɛn kin mek sakrifays ɛn it am bak bɔt PAPA GƆD nɔ bisin bɔt dɛn sakrifays. I go mɛmba di bad we dɛn dɔn du ɛn pɔnish dɛn fɔ dat ɛn mek dɛn go bak pan di slev layf we dɛn bin yuz na Ijipt.

Di Sam Dɛm 119:101

A mek shɔ se a nɔ de go usay bad pipul de, so dat a go obe yu wɔd.

Emɔs 5:22

Una grap mek animal sakrifays ɛn sid sakrifays to mi. A nɔ want am. I lɛk una briŋ dɛn fat fat animal fɔ mek sakrifays to mi, a nɔ go luk una sɛf.

Jɛrimaya 6:20

Wetin mek insɛns de kɔmɔt Shiba kam fɔ mi, ɔ wetindu shuga ken de kɔmɔt fawe kam fɔ mi? Una sakrifays dɛn we una de bɔn na faya, nɔ gud fɔ mi fɔ gri fɔ, jɛs lɛk we una sakrifays dɛn nɔ kin pliz mi.

Di Ibru Pipul Dɛn 8:12

A go sɔri fɔ dɛn ɛn a go padin dɛn fɔ ɔl di sin we dɛn dɔn sin, a nɔ go mɛmba dɛn sin igen.”

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Ozie 11:9

I se i nɔ go gri lɛ i vɛks te i du wetin i nɔ go lɛk fɔ du. I nɔ go mek i vɛks pan Ifrem te i dɔnawe wit am; In na PAPA GƆD, in nɔto mɔtalman ɛn i de midul dɛn as di wan we oli, so nɔto dat i de fɔ.

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

1 Kiŋ 17:18

Na de i aks Ilayja se, “Prɔfɛt, duya, uskayn bad a dɔn du so? Tinkya yu kam fɔ tɛl mi aw a tan ɛn kil mi pikin?”

1 Samiɛl 15:2

I se na wetin PAPA GƆD Ɔlmayti se, nain i de tɛl am. I tɛl am se PAPA GƆD se in de kam pɔnish di Amalɛkayt dɛn fɔ we dɛn bin atak di Izrɛlayt dɛn, di tɛm we dɛn bin de kɔmɔt insay Ijipt.

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Izikɛl 29:16

Ɛn in go nɛva ɛva bi di Izrɛl pipul dɛn abop igen, ɛn dɛn de mɛmba dɛn bad bad wikɛdnɛs fɔ wɛn dɛn kiŋ tɔn to am fɔ ep dɛm. Na datɛnde dɛn go no se na mi na PAPA GƆD.

Ozie 7:2

Dɛn nɔ bin fil se i de mɛmba ɔl di bad we dɛn dɔn du. Naw na soso dɛn bad i de si.

Ozie 7:13

I se dɛn dɔn alaki bikɔs dɛn lɛf fɔ fala am. Dɛn dɔn pwɛl dɛnsɛf kpatakpata bikɔs dɛn tɔn dɛn bak pan am. I se pan ɔl we i de tray fɔ pul dɛn pan trɔbul, dɛn de lay pan am.

Emɔs 3:2

“Na una a pik pan ɔl dɛn pipul na di wɔl, so a go pɔnish una gud fashin fɔ wetin una du.”

Ɛksodɔs 32:34

PAPA GƆD tɛl am se lɛ i lid di pipul dɛn go na di ples we i dɔn tɛl am fɔ go. I se in enjɛl go de bifo am fɔ de gayd am. I se di tɛm we in go rɛdi fɔ dɛn i go pɔnish dɛn fɔ dɛn sin.

Di Sam Dɛm 95:10

A bin vɛks wit da jɛnareshɔn de fɔ fɔti ia a se, Dɛn pipul ya, dɛn at nɔ de to mi ɛn dɛn nɔ de obe mi.”