Jɛrimaya 13:27 - Krio Fɔs Oli Baybul

²⁷ A dɔn si di kayn ambishɔn we una gɛt, una adɔltri dɛm ɛn di mek we una de mek lɛk ɔs, ɛn una lo lo rare layf, na dɛn il dɛm ɛn dɛn fam. Swɛ go mit yu, Yu Jerusɛlɛm! Aw lɔŋ yu go de bifo yu go klin na Gɔd yay?

Jɛrimaya 13:27 Referans Kwoze

Ozie 8:5

I se in nɔ want di kaw pikin we dɛn mek na Sameria. Dat go mek i de vɛks mɔ ɛn mɔ. I aks se if Izrɛl go jɛs de pan da kayn layf de nɔmɔ.

Izikɛl 24:13

Di rɔsti na yu dɔti dɔti rudnɛs. Bikɔs a bin fɔ dɔn klin yu, ɛn bikɔs yu nɔ bin klin kɔmɔt pan yu dɔti we yu dɔti, yu nɔ go ɛva klin igen te a dɔn satisfay mi vɛksteshɔn pan yu.

Izikɛl 6:13

Una go no se mi na PAPA GƆD, wɛn di wan dɛm we dɔn day pan dɛn go lidɔn nia dɛn laylay gɔd dɛm, rawnd dɛn ɔlta dɛm, ɔp ɔl dɛn il dɛm, pantap ɔl dɛn mawnten dɛm, ɔnda ɔl dɛn grin tik dɛn, ɛn ɔnda dɛn kɔtintri dɛm we gɛt plɛnti lif, usay dɛn bin dɔn bɔn tin dɛm we de pul fayn fayn sɛnt to ɔl dɛn laylay gɔd dɛm.

Ayzaya 65:7

dɛn sin ɛn dɛn papa dɛn sin togɛda, bikɔs dɛn bɔn insɛns na dɛn mawnten ɛn fityay mi na dɛn il, A go mɛnshɔ di pe fɔ di tin dɛn we dɛn bin dɔn du put na dɛn buzɔm. Na so PAPA GƆD se.

Ozie 4:2

dɛn de swɛ, dɛn de lay, dɛn de kil, dɛn de tif ɛn dɛn de kip dɛnsɛf gbay.

Izikɛl 36:37

“Na dis PAPA GƆD se: na dis sɛf a go mek di Izrɛl pipul aks mi fɔ du fɔ dɛm: fɔ mek a ad mɔ ɛn mɔ to dɛn mɔtalman dɛn lɛk bɔku bɔku ship.

Prɔvabs 1:22

“Fulish pipul! Aw lɔŋ una go de pan fulishnɛs? Aw lɔŋ una nɔ go de tek natin mek natin? Una nɔ de lan sɛns?

Rɛvɛleshɔn 8:13

A luk bak, na de a yɛri wan igul we de flay tɔk lawd wan se, “Woyo, woy! Big big waala gɛt fɔ fɔdɔm pan dɛn pipul we de na wɔl wɛn di tri enjɛl dɛn we lɛf, blo di trɔmpɛt dɛn we dɛn fɔ blo!”

Jems 4:4

Una tan lɛkɛ uman we nɔ tret wit in man! Una nɔ no se wɛn una lɛk dɛn tin we de na wɔl, dat go mek una nɔ lɛk Gɔd? Ɛnibɔdi we want dɛn tin na wɔl dɔn bi pɔsin we nɔ lɛk Gɔd.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Matyu 11:21

I se, “Bad tin go mit una ɔl we de na Kora zin ɛn Bɛtsayda. If pɔsin bin du dɛn wɔndaful wok we a bin du na una ples, na Taya ɛn Saydɔn, di pipul dɛn we lib de bin fɔ dɔn lɛf fɔ du bad lɔntɛm, ɛn dɛn bin fɔ wɛr bag ɛn rɔb asis pan dɛnsɛf, fɔ sho se dɛn dɔn lɛf fɔ du bad!

Zɛfinaya 3:1

Trɔbul go mit di pɔsin we de mek lɛk rebɛl ɛn nɔ klin na PAPA GƆD in yay, di siti we de ɔprɛs pipul.

Ozie 1:2

Wɛn PAPA GƆD bin tɔk to Ozie di fɔs tɛm, PAPA GƆD tɛl am se mek i go fɛn wan rare gyal, mared am ɛn bɔn pikin wit am bikɔs na so Izrɛl de biev we dɛn lɛf PAPA GƆD ɛn nɔ bisin bɔt am.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Izikɛl 24:6

“Fɔseka dat, na dis Papa Gɔd we na Gɔd se: Swɛ go fɔdɔm pan da siti we dɛn de kil kil pipul, da siti we insay in pɔt rɔsti, ɛn di rɔsti nɔ kɔmɔt pan am yet! Jis pul am pis bay pis kɔmɔt insay de bɔt nɔ pik ɛn chus.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Izikɛl 2:10

ɛn i opin am bifo mi; ɛn dɛn rayt biɛn ɛn bifo, ɛn na sɔri sɔri tin dɛn, tin dɛn bɔt bɛrin ɛn swɛ.

Ayzaya 57:7

Na pantap di ay ay mawnten yu dɔn mek yu bad; 2 ɛn na de yu bin go mek yu sakrifays.

Di Sam Dɛm 94:4

Dɛn de mek gbiŋbin; dɛn de blɔf bɔt dɛn bad.

Jɛrimaya 3:6

PAPA GƆD tɛl mi dyurin di tɛm we Josaya na bin kiŋ, se, “Yu dɔn si wetin i du, dawande we nɔ gɛt feth, we nem Izrɛl, aw i bin go ɔp ɔl dɛn ay il ɛn ɔnda ɔl dɛn grin tik, de biev lɛk rare gyal?

Di Sam Dɛm 94:8

Una bikiaful, una we de mek lɛk ɔdɔyɔ. Ustɛm una go gɛt sɛns?

Jɛrimaya 11:15

Us rayt di wan we a lɔv gɛt insay mi os we dɛn dɔn ple dɔti gem? Na vaw dɛn we i go mek ɔ we i sakrifays flɛsh go ebul mek i nɔ alaki? Yu go gladi afta dat?

Izikɛl 16:23

“Ɛn afta ɔl di bad bad tin we una dɔn du, (swɛ, swɛ go fɔdɔm pan una, na so Papa Gɔd we na Gɔd se),

Izikɛl 24:12

A dɔn yagba misɛf fɔ natin; faya nɔ ebul pul di rɔsti we dɔn tik pan am kɔmɔt.