Jɛrimaya 13:25 - Krio Fɔs Oli Baybul

²⁵ PAPA GƆD se na so i fɔ bi to una, dis na una pɔshɔn we a dɔn mɛnshɔ fɔ una, bikɔs yu dɔn fɔgɛt bɔt mi, ɛn de biliv pan lay lay.

Jɛrimaya 13:25 Referans Kwoze

Job 20:29

Na so PAPA GƆD kin trit wikɛd pɔsin, na so i dɔn se fɔ trit dɛn.

Matyu 24:51

Di masta go pɔnish am bad wan, ɛn i go put am na di ples we dɛn ipokrit pipul de kray bita wan ɛn bɛt dɛn tɔŋ; insɛf go kray bita wan ɛn bɛt in tɔŋ.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Di Sam Dɛm 11:6

I go mek faya ɛn sɔlfa we de bɔn ɛn smɛl fɔdɔm pan udat bad, lɛk we ren de fɔdɔm, dɔn ɔt, ɔt, briz go blo we go mek ɔltin dray.

Di Sam Dɛm 9:17

Di bad man go day ɛn ɔl di neshɔn dɛn wan we nɔ tek PAPA GƆD mek natin, dɛnsɛf go day.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Jɛrimaya 10:14

Ɔl mɔtalman styupid ɛn nɔ gɛt sɛns; ɔl dɛn goldsmit dɛn go shem fɔ dɛn lay lay gɔd dɛm; bikɔs dɛn lay lay gɔd dɛn na lay lay, ɛn dɛn nɔ gɛt layf.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Ayzaya 28:15

Bɔkɔs una dɔn tɔk se, “wi dɔn mek Kɔvinant wit day, ɛn wi gɛt agrimɛnt wit Ɛl; we di pasmak pɔnishmɛnt go de pas na ya i nɔ go mit wi; bikɔs na lay wi abop pan fɔ kɔba wi ɛn nainsay bɛn bɛn wi dɔn ayd”;

Ayzaya 17:4

Da de de, Jekɔb in rɛspɛkt go kam dɔŋ, di fat we de nain flɛsh go ridyus.

Lɛta Fɔ Rom 1:25

Dɛn pipul ya nɔ gri fɔ biliv di tru wɔd bɔt Gɔd, dɛn biliv wetin nɔ tru; dɛn de pre to dɛn tin we Gɔd mek ɛn rɛspɛkt dɛn, bɔt dɛn nɔ de pre to Gɔd we mek ɔltin ɛn rɛspɛkt am, ɛn na Gɔd wi fɔ prez sote go! Emɛn.

Ayzaya 34:17

I dɔn ib days fɔ dɛm, in an dɔn sheb am gi dɛm wit di layn; i go bi dɛn yon sote go, dɛn go de de frɔm jɛnareshɔn to jɛnareshɔn.

Ayzaya 65:7

dɛn sin ɛn dɛn papa dɛn sin togɛda, bikɔs dɛn bɔn insɛns na dɛn mawnten ɛn fityay mi na dɛn il, A go mɛnshɔ di pe fɔ di tin dɛn we dɛn bin dɔn du put na dɛn buzɔm. Na so PAPA GƆD se.

Jɛrimaya 3:21

Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Zɛfinaya 3:2

I nɔ de yɛri nɔbɔdi, i nɔ de tek kɔrɛkshɔn. I nɔ abop pan PAPA GƆD, i nɔ de go nia PAPA GƆD.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Izikɛl 23:35

Fɔseka dat, na dis Papa Gɔd we na Gɔd se: Bikɔs una dɔn fɔgɛt bɔt mi ɛn dɔn trowe mi, una lisin wetin go apin to una fɔseka una rudnɛs ɛn rare layf.”