Jɛrimaya 13:24 - Krio Fɔs Oli Baybul

²⁴ A go skata una lɛk chaf chaf we briz we kɔmɔt na ɛmti ples we pɔsin nɔ go ebul tap, de blo.

Jɛrimaya 13:24 Referans Kwoze

Di Sam Dɛm 1:4

Noto so i go bi fɔ di bad man o! Di bad man in tan lɛkɛ chaf chaf we briz kin blo ɔlɔbɔt.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Ozie 13:3

So dɛn go tan lɛk aw daknɛs kin lɔs ɔ dyu we fɔdɔm kin dray we do klin. Lɛk aw briz kin kɛr chaf chaf go we dɛn de fana ɔ smok kin lɔs afta i pas na winda.

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.

Izikɛl 5:2

Sheb di ia tri pat ɛn bɔn wan pat na faya midul di siti di de afta di blɔked dɔn; yu go tek di ɔda pat pan di tri pat ɛn nak nak am wit sɔd rawnd di siti; dɔn yu go skata di las wan na briz ɛn mi go pul di sɔd kɔmɔt nain kes de biɛn dɛm.

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Zɛfinaya 2:2

bifo i drɛb dɛn, lɛk chaf chaf we briz de blo bifo PAPA GƆD in vɛksteshɔn kam pan una di de we PAPA GƆD go vɛks.

Izikɛl 17:21

Ɛn ɔl in spɛshal ami man dɛn go day; ɛn di wan dɛn we nɔ day go skata ɔlsay na wɔl; ɛn una go no se na mi PAPA GƆD dɔn tɔk.

Izikɛl 6:8

“Bɔt stil, a go lɛf sɔm fɔ una. Wɛn una go gɛt sɔm pan una we nɔ day, ɛn wɛn una dɔn skata na difrɛn difrɛn kɔntri dɛn,

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Ayzaya 17:13

Di neshɔn dɛn de mek nɔys lɛk we bɔku bɔku wata de rɔn, bɔt i go tɔk pan dɛn, ɛn dɛn go rɔnawe go fawe; dɛn go ches dɛn lɛk we briz de blo chaf chaf na dɛn mawnten ɛn lɛk dɔti we de tɔn rawnd wit spid ɛn grap we tinada de blo.

Ditarɔnɔmi 32:26

A bin fɔ dɔn kil dɛn ɔl lɔntɛm so nɔbɔdi nɔ go mɛmba dɛn.

Ditarɔnɔmi 28:64

I tɛl dɛn se PAPA GƆD go skata dɛn ɔlsay na di wɔl, ɛn na de dɛn go wɔship dɛn tik ɛn ston gɔd dɛn, we dɛn ɛn dɛn fɔstɛm-papa dɛn nɔ ɛva no.

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Jɛrimaya 9:16

A go skata dɛm na difrɛn difrɛn neshɔn dɛn we dɛm o, dɛn fɔstɛmpapa dɛm o, nɔ no wande; ɛn a go de kil kil dɛm, te a kil dɛn dɔn.”

Jɛrimaya 18:17

A go skata dɛm lɛkɛ di briz we de blo kɔmɔt na di ist bifo dɛn ɛnimi dɛn. A go sho dɛm mi bak, nɔto mi fes, da de we dɛn kalamiti go mit dɛm.”

Lamɛnteshɔn 1:15

PAPA GƆD nɔ tek ɔl mi ebi ebi sojaman dɛn mek natin, man dɛn we de wit mi; i gɛda man dɛn agens mi fɔ kil mi yɔŋman dɛn; PAPA GƆD dɔn nyakanyaka di vajingyal dɛn na Juda lɛk we dɛn kin mas mas greps usay dɛn de mek wayn.