Jɛrimaya 13:22 - Krio Fɔs Oli Baybul

²² Ɛn if una tɔk na una at se, ‘Wetindu dɛn tin dɛn ya dɔn apin to wi?’ Na bikɔs una sin dɛm dɔn bɔku nain mek dɛn dɔn es una skat dɛn ɔp, ɛn rep una.

Jɛrimaya 13:22 Referans Kwoze

Neum 3:5

PAPA GƆD we pas ɔl ɔda gɔd vɛks pan dɛn. I se in go mɔs pɔnish dɛn. I se in go trip dɛn nekɛd frɔnt di ɔda neshɔn dɛn, dɔn ɔlman go si dɛn disgres wan.

Jɛrimaya 5:19

Ɛn we una pipul dɛm go se, ‘wetin mek PAPA GƆD we na wi Gɔd dɔn du ɔl dɛn kayn tin ya to wi?’ Una go tɛl dɛm se, ‘Lɛk we una fɔsek mi go sav fɔrin gɔd dɛm na una land, na semweso una go sav trenja dɛm na land we nɔto una yon.’”

Ozie 2:10

Na naw a go trip am nekɛd frɔnt in man dɛn we i bin de kip ɛn nɔbɔdi nɔ go ebul pul am na mi an

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Jɛrimaya 13:26

Na misɛf sɛf go es una skat kɔba una fes, ɛn una go disgres.

Ditarɔnɔmi 7:17

Mozis se lɛ dɛn at nɔ tɛl dɛn se bikɔs di ɔda neshɔn dɛn plɛnti pas dɛn, di ɔda neshɔn dɛn go ebul bit dɛn.

Ayzaya 3:17

PAPA GƆD go put siknɛs pan Zayɔn in gyal pikin dɛn ed, ɛn PAPA GƆD go mek dɛn nekɛd.

Zɛfinaya 1:12

I se da tɛm de i go tek lamp fɔ luk insay Jerusɛlɛm so dat i go pɔnish dɛn man we bikɔs dɛn satisfay wit di lili ɛn natin we dɛn gɛt, nɔ bisin bɔt PAPA GƆD. Dɛn de tɔk na dɛn at se PAPA GƆD nɔ gɛt dɛn tɛm sɛf.

Ozie 12:8

Ifrem in de blɔf se dat dɔn mek i jɛntri bɔt ɔl wetin i dɔn gɛda fɔ insɛf nɔ du fɔ pe fɔ di bad nem we i dɔn gɛt.

Ozie 2:3

Ɔ nɔ so a go trip am nekɛd lɛ ɔlman si am aw in mami bɔn am, so dat nɔn man nɔ go want am we i si am, ɛn a go mek i tan lɛk land we wata nɔ de, ɛn day wit tɔsti.

Ayzaya 47:8

Fɔseka dat, lisin, yu we lɛk ɛnjɔymɛnt, we sidɔm sef wan, de tɔk na yu at se, “na Mi, ɛn nɔbɔdi nɔ de we bɛtɛ pas mi; A nɔ go sidɔm lɛk unam we in man dɔn day ɔ we no wetin i min fɔ bɛr pikin.”

Ayzaya 20:4

na so di kiŋ na Asiria go kɛr di Ijipshian dɛn we dɛn kech go as slev ɛn di Itiopian dɛn go ɛgzayl; yɔŋ wan o, ol wan o, nekɛd ɛn biafut wit ɛmtiwes, we na shem to Ijipt.

Ditarɔnɔmi 18:21

Mozis tɛl dɛn se sɔntɛnde dɛn go de wɔnda na dɛn at se aw dɛn go no se na PAPA GƆD se wetin di prɔfɛt dɛn de se.

Ditarɔnɔmi 8:17

Mozis wɔn dɛn lɛ dɛn nɔ kak dɛn fɛda se na bay dɛn yon swɛt dɛn bin tek gɛntri.

Jɛrimaya 14:16

Ɛn dɛn go trowe di pipul dɛm we dɛn de prɔfisay to, midul trit na Jerusɛlɛm. Na aŋri ɛn wa go kil dɛm ɛn nɔbɔdi nɔ go bɛr dɛm– nɔbɔdi nɔ go de fɔ bɛr dɛm – dɛm, dɛn wɛf dɛm, dɛn bɔypikin dɛm ɛn dɛn gyal pikin dɛm. Bikɔs a go gi dɛn di pe fɔ dɛn wikɛdnɛs.

Izikɛl 23:26

Pantap dat, dɛn go tek ɔl una klos dɛn, ɛn ɔl una juɛl dɛm.

Ozie 2:5

Dɛn mama na bin rare gyal ɛn na wit da kayn shem de i bɔn dɛn. I se in go fala di man dɛn na we de gi mi it, klos, linin, pafyum ɛn rɔm.