Jɛrimaya 13:21 - Krio Fɔs Oli Baybul

²¹ Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Jɛrimaya 13:21 Referans Kwoze

Ayzaya 13:8

ɛn dɛn at go pwɛl. Dɛn go de fil ɔlkayn pen; dɛn go de fil pen lɛk we uman de sɔfa fɔ bɔn. Dɛn go lɛf mɔt de luk dɛn kɔmpin. Dɛn fes go rɛd lɛk we yu layt faya.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Jɛrimaya 38:22

A si dɛn de kɛr ɔl di uman dɛn we lɛf na di kiŋ na Juda in os go to di bigman dɛn na Babilɔn de se, Yu padi dɛn we yu bin biliv dɔn ple yu tampale, ɛn dɔn gɛt yu aw dɛn want yu; naw we una fut dɔn sink insay pɔtɔpɔtɔ dɛn dɔn kɔmɔt biɛn yu.’

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ayzaya 10:3

Wetin una go du di de we a go pɔnish una, we dombolo go kɔmɔt fawe kam? Udat una go rɔn go to fɔ ɛp una ɛn usay una go lɛf una jɛntri?

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Izikɛl 28:9

Yu go stil se, ‘mi na wan gɔd,’ bifo ɔl dɛn wan dɛn we kil yu, Ivin do yu na natin bɔt wan mɔtalman, ɛn nɔto nɔn gɔd, na dɛn wan dɛn an we wund yu?

Jɛrimaya 48:41

Dɛn go kapchɔ di siti, ɛn siz ɔl dɛn ples dɛn fɔ ayd. Da de de, di sojaman dɛn na Moab dɛn at, go tan lɛkɛ uman we de bɔn, in at;

Jɛrimaya 30:6

Aks naw, ɛn no, if man go ebul bɔn pikin? Wɛl wetindu a de si ɔl dɛn man dɛn de put dɛn an na dɛn wes lɛkɛ uman we de in lebɔ? Wetindu ɔlman fes pel so?

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Jɛrimaya 6:24

Wi dɔn yɛri bɔt dat, wi an dɛm dɔn wik; pen dɔn ol wi da pen we uman de fil we i de bɔn.

Ayzaya 21:3

Dat mek na so so wes pen a de gɛt; pen dɔn ol mi, lɛk di pen we uman de fil we i de pan pen fɔ bɔn; A dɔn so bɛn dat a nɔ de yɛri, mi at so pwɛl dat a nɔ ebul si.

2 Kiŋ 16:7

Eaz sɛn mɛsej to Kiŋ Tiglat Pilɛsa na Asiria se in nain bɔbɔ ɛn i no se i de fɔ am, so in de beg am lɛ i kam ɛp am fɔ fɛt di kiŋ dɛn na Siria ɛn Izrɛl we dɔn atak am.

Matyu 24:8

Ɔl dɛn bad tin de na di fɔs waala dɛn we go fɔdɔm. Wɔs wan dɛn go de biɛn.

Jɛrimaya 2:25

Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

Jɛrimaya 4:30

Ɛn yu, yu we lɛf ɛmti wan, wetin yu min we yu drɛs wit brayt brayt rɛd, we yu dɛkɔret yusɛf wit ɔlkayn gold chen, riŋ ɛn baŋuls, ɛn prɛd yu yay dɛm wit pent? Yu de mek yusɛf fayn fayn fɔ natin. Yu lɔva dɛn nɔ want yu igen; dɛn de tray fɔ kil yu.