Jɛrimaya 13:17 - Krio Fɔs Oli Baybul

¹⁷ Bɔt if una nɔ gri lisin, mi sol go kray sikrit wan fɔ di prawd we una de mek; mi yay dɛn go kray bita bita wan, ɛn de rɔn wata bikɔs dɛn dɔn kɛr PAPA GƆD in ship dɛn go mek slev.

Jɛrimaya 13:17 Referans Kwoze

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.

Jɛrimaya 14:17

“Yu go tɛl dɛm se: ‘Lɛ wata rɔn mi yay de ɛn nɛt, ɛn lɛ dɛn nɔ tap, bikɔs dɛn dɔn wund mi pipul dɛn gyal pikin we na vajin bad bad wan we dɛn wap am at at wan.

Jɛrimaya 9:1

If nɔmɔ mi ed na bin wata, ɛn mi yay dɛm na fawnten we de pul wata na yay, so dat a go kray de ɛn nɛt fɔ di kil we dɛn kil mi pipul dɛn gyal pikin!

Di Sam Dɛm 80:1

Yu we dɔn de mɛn Izrɛl, lɛk aw yu de mɛn ship, yɛri wi, na yu dɔn de lid wi we na Josɛf in jɛnareshɔn lɛkɛ ship; yu na di wan we sidɔm midul di chɛryubim dɛn de rul as Kiŋ,

Izikɛl 34:31

Ɛn una na mi ship, di ship we de na mi ples we gɛt rich gras, ɛn na mi na una PAPA GƆD, PAPA GƆD tɔk se.

Lamɛnteshɔn 2:18

Ala lawd lawd wan to PAPA GƆD yu Jerusɛlɛm in gyal pikin! Lɛ wata kɔmɔt na yu yay lɛk we big ren de kam ol de ɛn ol nɛt! Nɔ blo atɔl, nɔ gi yu yay nɔn blo blo!

Lamɛnteshɔn 1:16

“Na dɛn tin ya mek a de kray; wata de rɔn mi yay; nɔbɔdi nɔ de we de koks mi atɔl, pɔsin we go gi mi kɔrej bak; mi pikin dɛn nɔ gɛt nɔbɔdi bikɔs mi ɛnimi dɔn nak mi dɔŋ.”

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

1 Samiɛl 15:35

Te Samiɛl day, i nɔ go fɛn Sɔl igen bɔt i bin sɔri fɔ am. PAPA GƆD fil am bad we i mek Sɔl bi kiŋ na Izrɛl.

Izikɛl 36:38

Lɛk di bɔku ship fɔ sakrifays dɛm, lɛk di bɔku ship na Jerusɛlɛm we kin de, wɛn dɛn gɛt dɛn fist de dɛn, we dɛn bin dɔn chuz; so dat di big siti dɛm we bin yuslɛs, go ful wit bɔku bɔku mɔtalman dɛn lɛk bɔku bɔku ship. Na datɛnde dɛn go no se na mi na Papa Gɔd.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Jɛrimaya 23:1

“PAPA GƆD se, swɛ go mit dɛn shɛpad dɛn we de pwɛl ɛn skata mi ship dɛm.

Jɛrimaya 22:5

PAPA GƆD se, Bɔt if una nɔ lisin dɛn wɔd ya, A swɛ bay misɛf, dis os go tɔn ples we nɔbɔdi nɔ de.

Jɛrimaya 17:16

A fos yu fɔ sɛn ivil ɛn a nɔ want di de fɔ dizasta fɔ kam, yu no; wetin kɔmɔt na mi mɔt na bifo yu a tɔk am.

Ayzaya 63:11

Naim I mɛmba di lɔntɛm we Mozis na bin in wokman, We di pɔsin we pul di ship dɛn shɛpad dɛn kɔmɔt insay di si? We di wan we put in oli Spirit pan dɛm,

1 Samiɛl 15:11

“A fil am bad we a mek Sɔl kiŋ bikɔs i nɔ bisin fɔ du wetin a se igen” Dat mek Samiɛl in at pwɛl ɛn in nɔ slip ol nɛt, i de pre to PAPA GƆD nɔmɔ.

Jɛrimaya 15:17

A nɔ bin sidɔm wit pipul dɛn we lɛk ɛnjɔymɛnt; ɛn a nɔ bin gladi; A bin sidɔm mi wangren bikɔs na so yu se a fɔ du, bikɔs yu bin dɔn mek a vɛks.

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Lamɛnteshɔn 1:9

Di dɔti we i dɔti na PAPA GƆD in yay bin de insay in skat; i nɔ bin tink se in go fɔdɔm wande; so i fɔdɔm bad bad wan, ɛn nɔbɔdi nɔ luk am. “E PAPA GƆD, luk we a de sɔfa, dɔn di ɛnimi in de gladi se in dɔn win!”

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Izikɛl 24:16

Mɔtalman, lisin, a dɔn rɛdi fɔ tek di tin we yu lɛk kɔmɔt na yu an bifo jako kɔt yay; pan ɔl dat, yu nɔ go munin ɔ kray ɔ mek wata rɔn dɔŋ yu yay.

Lamɛnteshɔn 3:48

Bɔku bɔku wata de kɔmɔt na mi yay we a de kray bikɔs dɛn dɔn nyakanyaka mi pipul dɛn gyal pikin.