Jɛrimaya 13:16 - Krio Fɔs Oli Baybul

¹⁶ Una glɔrifay PAPA GƆD we na una Gɔd bifo di ples dak, bifo una bɔk una fut, na dɛn mawnten dɛn na nɛt, ɛn wɛn yu de luk se layt de kam i mek di ples dak lilibit, ɛn mek i dak bad bad wan.

Jɛrimaya 13:16 Referans Kwoze

Ayzaya 59:9

Fɔseka dat, jɔstis nɔ de nia wi, ɛn fɔ waka tret na PAPA GƆD in yay, nɔ de rich wi; we luk fɔ layt, bɔt na daknɛs wi si, ɛn fɔ braytnɛs, bɔt na dak wi de waka.

Ayzaya 8:22

ɛn dɛn go luk na grɔn, bɔt na pwɛl at ɛn daknɛs dɛn go si, we na bad bad pen; we go put dɛn insay tik tik daknɛs.

Ayzaya 60:2

Bikɔs, daknɛs go kɔba di wanol wɔl, ɛn tik daknɛs go kɔba di neshɔn dɛm; bɔt PAPA GƆD go kam pan yu, ɛn dɛn go si in glori pan yu.

Ayzaya 5:30

Dɛn go ala ala fɔ am da de de, lɛk we si rɔf. Ɛn as yu si di land so, na daknɛs ɛn brok at yu go si, ɛn klawd dɛn mek di layt dak.

Prɔvabs 4:19

Di rod we bad pɔsin de waka tan lɛkɛ daknɛt; dɛn de fɔdɔm ɛn nɔ no wetin dɛn fɔdɔm pan.

Jɔshwa 7:19

Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Jɛrimaya 23:12

Fɔseka dat, dɛn wanol layf go tan lɛkɛ slipul rod na dak ples, we na de dɛn go push dɛn go fɔdɔm; bikɔs a go mek bad bad tin mit dɛm we di tɛm kam fɔ dɛn fɔ gɛt dɛn pɔnishmɛnt, na so PAPA GƆD se.

Jɛrimaya 4:23

A luk di dunia, eya, i bin ɛmti ɛn yuslɛs; ɛn we a luk di klawd dɛm, dɛn nɔ bin gɛt nɔn layt.

Di Sam Dɛm 44:19

Yu dɔn lɛf wi mek wayl animal atak wi ɛn lɛf wi fɔ day.

1 Samiɛl 6:5

Dɛn se na fɔ mek dɛn tin de we de sho di bɔmp na dɛn bɔdi ɛn di arata dɛn we dɔn de kil di pipul dɛn ɛn pwɛl di kɔntri. Dɛn se dat go sho Izrɛl dɛn PAPA GƆD se dɛn biliv se in pawaful ɛn sɔntɛm dat go mek i lɛf fɔ pɔnish dɛn, dɛn land ɛn dɛn gɔd dɛn.

Ɛksodɔs 10:21

Afta dat PAPA GƆD tɛl Mozis se, “Es yu an ɔp to di skay ɛn di kɔntri go dak bad bad wan we go mek pipul dɛn fred.”

Pita In Fɔs Lɛta 2:8

Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Lamɛnteshɔn 4:17

Wi taya fɔ de luk ɔltɛm fɔ natin se pipul dɛn go kam ɛp wi; we wi bin de wet de abop pan kɔntri we nɔ ebul ɛp wi.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Jɛrimaya 8:15

Wi luk fɔ kol at, bɔt nɔn gud nɔ kɔmɔt bien, wi luk fɔ tɛm fɔ mɛn wisɛf, bɔt na tin dɛn we mek wi fred apin.

Ɛkliziastis 11:8

Pipul dɛn we gɛt lɔŋ layf fɔ ɛnjɔy dɛnsɛf ɔltɛm; bɔt lɛ dɛn mɛmba se di bita de dɛn go plɛnti. Ɔl dɛn tɛm dɛn de na fɔ natin.

Job 3:5

Lɛ da de de tɔn to daknɛt. Lɛ klawd kɔba am; lɛ di dak we i dak mek pipul fred am.

Di Sam Dɛm 107:10

Sɔm man dɛn bin de na siriɔs trɔbul, sɔm na bin jelman dɛn we dɛn chen,

Di Sam Dɛm 107:14

I pul dɛn kɔmɔt pan di siriɔs trɔbul we dɛn bin de pan ɛn brok di chen we bin de pan dɛn lɛkɛ jelman.

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Jɛrimaya 6:21

Fɔseka dat na dis PAPA GƆD se: “A de tɛl una, A go put blɔk we de mek pɔsin fɔdɔm bifo dɛn pipul ya, blɔk we de mek pɔsin fɔdɔm we dɛn go bɔk dɛn fut pan; di papa dɛm ɛn di bɔypikin dɛm togɛda, neba ɛn padi go day.”

Jɛrimaya 50:6

“Mi pipul dɛm dɔn bi lɛkɛ ship dɛn we dɔn lɔs; dɛn shɛpad dɛn dɔn mek dɛn go astre, we dɛn bin mek dɛn go na dɛn mawnten; dɛn dɔn kɔmɔt na wan mawten go na ɔda il, dɛn dɔn fɔgɛt usay dɛn kɔmɔt.

Izikɛl 21:15

so dat dɛn at dɛn go pwɛl, ɛn bɔku go day na ɔl dɛn get dɛm. A dɔn gi di sɔd we de shayn; o ya, dɛn dɔn mek am lɛk laytin, dɛn dɔn pɔlish am fɔ kil.

Izikɛl 34:12

Lɛk we shɛpad kin luk ɔlsay fɔ in ship dɛn we sɔm kin dɔn skata ɔlsay, na so a go luk ɔlsay fɔ mi ship dɛm; ɛn a go sev dɛm pan ɔl di ples dɛm we dɛn bin dɔn skata go, insay wande, we go gɛt klawd dɛn ɛn tik daknɛs.

Izikɛl 36:15

ɛn a nɔ go mek una yɛri igen igen di neshɔn dɛn kɔmplen, kɔmplen; ɛn una nɔ go bia di pipul dɛn disgres igen igen, ɛn nɔ mek una neshɔn bɔk in fut igen igen, PAPA GƆD tɔk se.

Emɔs 4:13

Di wan we mek dɛn mawnten ɛn di briz. Di wan we de sho wetin de nain bɛlɛ to mɔtalman; we de tɔn de to nɛt, we de rul di wanol wɔl. Nain nem PAPA GƆD, PAPA GƆD Ɔlmayti!

Emɔs 5:18

Alaki go mit una we de wet fɔ PAPA GƆD in jɔjmɛnt! Una de wet fɔ da de de bɔt us gud i go du una? Na daknɛs nɔmɔ go kɔba una, layt nɔ gɛt fɔ de.

Di Sam Dɛm 29:2

Una gi PAPA GƆD di prez we i fit fɔ gɛt; bikɔs in na big PAPA GƆD; mek una wɔship PAPA GƆD piɔ wan lɛkɛ insɛf.

Ayzaya 59:10

Wi de fil fil di wɔl dɛn lɛk blɛn yay, waka de fil fil lɛk dɛn wan we nɔ gɛt yay; we de bɔkfut sansan tɛm lɛk aw dɛn de bɔk fut na nɛt, we wi de wit dɛn wan we get ɛnaji, wi kin tan lɛk dayman.

Joɛl 2:2

na de we ɔltin go dak ɛn luk sɔri, i mek di ples dak bad bad wan Lɛk aw di ples go blak na di mawnten na so di pipul go bɔku ɛn pawaful; i go at fɔ si dɛn kayn, we nɔ bin ɛva bi bifo ɛn i nɔ go ɛva bi igen na ɔl di jɛnareshɔn.

Malakay 2:2

I se, if dɛn nɔ lisin to wetin in de se, ɛn nɔ want gi am glori, in PAPA GƆD Ɔlmayti go swɛ dɛn. I nɔ go blɛs dɛn. Di blɛsin we dɛn bin dɔn gɛt sɛf go tɔn swɛ. A dɔn swɛ dɛn ɔlrɛdi bikɔs dɛn nɔ siriɔs pan wetin dɛn de du.