Jɛrimaya 13:14 - Krio Fɔs Oli Baybul

¹⁴ PAPA GƆD se, “A go kech tu pɔsin baŋ dɛn pan dɛnsɛf; a go baŋ papa ɛn pikin. A nɔ go fil am fɔ nɔbɔdi, ɔ nɔ go lɛf nɔbɔdi ɔ a sɔri fɔ ɛnibɔdi, we go mek a nɔ dɔnawe wit am.”

Jɛrimaya 13:14 Referans Kwoze

Ditarɔnɔmi 29:20

PAPA GƆD nɔ go fɔgiv da pɔsin de. Bifo dat, PAPA GƆD go put in vɛksteshɔn ɛn in jɛlɔs pan am, ɛn go put ɔl di swɛ dɛn we rayt na dis buk pan am, ɛn PAPA GƆD go mek i day ɛn nɔn pan in pikin dɛn nɔ go de fɔ tek mɛmba am.

Di Sam Dɛm 2:9

PAPA GƆD tɛl am se, i go mek i ol dɛn wit traŋa an ɛn nyamanyama dɛn lɛkɛ we kle pɔt skata.

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 6:21

Fɔseka dat na dis PAPA GƆD se: “A de tɛl una, A go put blɔk we de mek pɔsin fɔdɔm bifo dɛn pipul ya, blɔk we de mek pɔsin fɔdɔm we dɛn go bɔk dɛn fut pan; di papa dɛm ɛn di bɔypikin dɛm togɛda, neba ɛn padi go day.”

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Mak 13:12

Brɔda go an brɔda oba gi pipul fɔ mek dɛn kil am, semwe, papa go an in pikin gi pipul fɔ mek dɛn kil am. Pikin go fɛt in papa ɛn mama, ɛn i go mek pipul kil dɛn.

Matyu 10:21

“Brɔda go mek dɛn kil in brɔda, dadi go mek dɛn kil in pikin, ɛn pikin go mek dɛn kil in mami ɛn dadi.

Izikɛl 24:14

Na mi PAPA GƆD dɔn tɔk so: ɛn i go bi, A go du am; A nɔ go chenj mi maynd, ɛn A nɔ go sɔri fɔ ɛnibɔdi, A nɔ go rigrɛt; A go jɔj una bay aw una de biev ɛn bay wetin una du. Na so Papa Gɔd we na Gɔd se.

Izikɛl 9:10

As fɔ mi, mi safyay nɔ go luk sɛf ɛn a nɔ go sɔri at ɔl, a go mek dɛn pe bak fɔ ɔl di bad tin dɛn we dɛn dɔn du.”

Izikɛl 9:5

A yɛri we i tɛl di ɔdawan dɛn se, “Una go ɔlsay di siti biɛn am, ɛn kil; una saf yay nɔ fɔ luk dɛnsɛf ɛn una nɔ fɔ sɔri at ɔl;

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Izikɛl 7:9

Ɛn mi saf yay nɔ go luk una sɛf, ɛn a nɔ go sɔri fɔ una atɔl, a go pɔnish una bay aw una de biev, we una de du dɛn bad bad tin dɛn we a et. Dɛn una gɔ no se na mi na di PAPA GƆD we de kil.

Izikɛl 7:4

Ɛn mi saf yay nɔ go luk una sɛf, ɛn a nɔ go sɔri fɔ una atɔl; bɔt a go pɔnish una fɔ aw una de biev we una de du dɛn bad bad tin dɛn we a et. Na datɛnde una go no se, na mi na PAPA GƆD.

Jɛrimaya 48:12

PAPA GƆD se, “Fɔseka dat, a de wɔn una, di de de kam we a go sɛn pipul dɛn we de tɔn tin oba we go tɔn am oba, ɛn ɛmpti in bɔtul dɛm ɛn brok in jɔg dɛm pis pis.

Jɛrimaya 47:3

We in ɔs dɛn go de stamp dɛn fut, ɛn di chariɔt dɛm go de kam wit spid, ɛn dɛn wil dɛn go de mek ebi nɔys, papa nɔ go luk fɔ dɛn pikin dɛm we dɛn de rɔn, bikɔs dɛn an dɛm go wik,

Jɛrimaya 16:5

“Bikɔs na dis PAPA GƆD se: Una nɔ go insay ɛni os we bɛrin de, ɔ go kray fɔ ɛnibɔdi ɔ sɔri wit dɛm; bikɔs a dɔn tek mi pis kɔmɔt pan dɛn pipul dɛn ya, mi lɛk we a lɛk dɛm we nɔ de shek ɛn mi masi. Na so PAPA GƆD se.

2 Kronikuls 20:23

Di man dɛn na Amɔn ɛn Moab bigin fɛt di wan dɛn we tap na Idɔm ɛn kil dɛn ɔl. We dɛn dɔn kil ɔl di pipul dɛn na Idɔm, dɛn ɔl bigin kil dɛn kɔmpin.

1 Samiɛl 14:16

Di man dɛn we bin de wach fɔ Sɔl na Gibia insay Bɛnjamin si we di Filistin dɛn de rɔn ɔlɔbɔt.

Job 27:22

I nɔ sɔri fɔ am we i de tot am; i tray fɔ rɔnawe.

Jɛrimaya 15:5

Udat go sɔri fɔ yu, Yu Jerusɛlɛm, ɔ udat go kray nain at fɔ yu? Udat go lɛf wetin i de du fɔ aks bɔt yu?

Lamɛnteshɔn 2:21

Yɔŋ ɛn ol pipul dɛn lidɔm na di dɔst na trit; dɛn dɔn kil mi yɔŋgyal ɛn yɔŋman dɛn; na di de we yu vɛks yu kil dɛn, yu kil yu nɔ luk biɛn.

Ozie 2:4

A nɔ go sɔri fɔ di pikin dɛn bikɔs na pan di rare wok i bɔn dɛn.

Zɛkaraya 11:6

PAPA GƆD se, in nɔ go sɔri fɔ di pipul dɛn we tap na di land igen I go mek dɛn bigman dɛn trit dɛn bad ɛn dɛn kiŋ dɛn nɔ go du natin bɛtɛ. Dɛn go nyamanyama di wɔl ɛn i nɔ go pul dɛn kɔmɔt de.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Jɛrimaya 25:16

Dɛn go drink ɛn staga ɛn lɔs kɔntrol fɔseka di wa we a de sɛn wa pan dɛm.”

Izikɛl 7:3

Naw di tɛm dɔn dɔn fɔ una, ɛn a go lɛgo mi vɛksteshɔn pan una, ɛn a go jɔj una bay aw una de biev; ɛn a go pɔnish una fɔ ɔl di bad bad tin dɛm we una de du we a et.