Jɛrimaya 13:13 - Krio Fɔs Oli Baybul

¹³ Dɔn yu go tɛl dɛn se, ‘Na dis PAPA GƆD se: Biliv mi, a go mek ɔlman we tap na land drɔŋɔ: Di kiŋ dɛm we sidɔm na Devid in tron, di man dɛm we de mek sakrifays fɔ pipul sin, di prɔfɛt dɛm, ɛn ɔlman we tap na di Jerusɛlɛm go drɔŋɔ.

Jɛrimaya 13:13 Referans Kwoze

Ayzaya 63:6

A mas mas difrɛn difrɛn pipul dɛn wit wamat, A nyakanyaka dɛn we a vɛks, ɛn a trowe dɛn blɔd we de gi dɛn layf, na grɔn.”

Ayzaya 51:17

Gɛda yusɛf, gɛda yusɛf, tinap, yu Jerusɛlɛm, yu we bin dɔn drink na PAPA GƆD in an, di kɔp we in vɛksteshɔn de, yu we dɔn drink te rich di kɛtɛ kɛtɛ na di bol we de mek pɔsin staga.

Di Sam Dɛm 75:8

PAPA GƆD gɛt wan kɔp we nainsay de i de put ɔl di vɛks we i dɔn vɛks, dis kɔp ya nain jɔjmɛnt. Di vɛks we i dɔn vɛks na di wayn insay di kɔp, i de gi di pɔsin we de du bad di wayn fɔ drink; i go mek i drink ɔl di kɛtɛkɛmu makoloŋ.

Di Sam Dɛm 60:3

Yu dɔn mek wi we na yu pipul sɔfa bɔku; yu dɔn gi wi wayn fɔ drink we mek wi de staga.

Abakɔk 2:16

Na so tin go bad fɔ dɛnsɛf. Pipul go trit dɛn bad we go mek dɛnsɛf staga lɛk udat drɔnk. PAPA GƆD go mɔs mek dɛn sɔfa ɛn dɛn gres go tɔn to gras.

Jɛrimaya 51:7

Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Jɛrimaya 25:27

“Dɔn yu go tɛl dɛm se, ‘Na dis PAPA GƆD Ɔlmayti, we na Izrɛl dɛn Gɔd se: Una drink, mek una drɔnk ɛn vɔmit. Una fɔdɔm ɛn nɔ grap igen, fɔseka di wa we a de sɛn pan una.’

Ayzaya 49:26

A go mek dɛn wan we aras yu, it dɛn yon flɛsh, ɛn dɛn go drɔnk wit dɛn yon blɔd lɛk se na wayn. Na datɛnde ɔl mɔtalman go no se, na Mi na PAPA GƆD we na una seviɔ, ɛn una Ridima, Jekɔb in Mayti Wan.”

Jɛrimaya 51:57

A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Ayzaya 51:21

Fɔseka dat una yɛri dis, una di wan dɛn we de sɔfa, we drɔnk bɔt nɔ drink wayn.

Ayzaya 29:9

Drink bɔku rɔm ɛn mek unasɛf styupid, blɛn yusɛf ɛn mek unasɛf blɛn! Drɔnk we nɔto wayn una drink; staga we nɔto traŋa rɔm mek una staga.

Jɛrimaya 13:12

PAPA GƆD tɛl Jɛrimaya fɔ tɛl di pipul dɛn se ‘Na dis PAPA GƆD we na Izrɛl dɛn Gɔd se, “Ɔl dɛn jɔg dɛn go ful wit wayn.” PAPA GƆD se, ‘Dɔn dɛn go aks yu se, ‘Na tru se wi nɔ bin no se ɔl dɛn jɔg dɛn go ful wit wayn?’

Jɛrimaya 25:29

Bikɔs, a bigin fɔ du bad na di siti we gɛt mi nem, so na una fɔ go fri? Una nɔ go go fri, bikɔs a de sɛn kɔl wan sɔd agens ɔl di wan dɛm we tap na di wɔl. Na so PAPA GƆD Ɔlmayti se.