Jɛrimaya 13:11 - Krio Fɔs Oli Baybul

¹¹ Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Jɛrimaya 13:11 Referans Kwoze

Jɛrimaya 33:9

Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Ayzaya 43:21

“we na di pipul dɛn we a dɔn mek fɔ misɛf so dat dɛn go prez mi.

Di Sam Dɛm 81:11

“Bɔt o ya! Mi pipul nɔ gri lisin to mi; Izrɛl nɔ gri fɔ put insɛf dɔŋ fɔ du wetin a se.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Jɛrimaya 32:20

In we dɔn sho sayn ɛn wɔnda na Ijipt, ɛn te tide i de du am na Izrɛl ɛn to ɔlman na di wɔl, ɛn dat mek dɛn no yu ɔlsay jɛs lɛk tide.

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Jɛrimaya 6:17

A put pɔsin fɔ de wach una, ɛn tɛl una se, ‘Una lisin fɔ di trɔmpɛt!’ Bɔt dɛn se, ‘wi nɔ go lisin.’

Ayzaya 62:12

Ɛn dɛn go kɔl dɛm Di oli pipul, Di wan dɛn we PAPA GƆD dɔn pe fɔ; ɛn dɛn go kɔl yu, Di wan we dɛn de luk fɔ, siti we dɛn nɔ lɛf to insɛf.

Di Sam Dɛm 147:20

I nɔ du am fɔ ɛni ɔda neshɔn; dɛn nɔ no in lɔ dɛn. Una lɛ wi prez PAPA GƆD!

Di Sam Dɛm 135:4

Na PAPA GƆD dɔn pik Jekɔb fɔ bi in yon, ɛn in jɛnareshɔn dɛn fɔ bi in prayvet prɔpati.

Ditarɔnɔmi 26:18

PAPA GƆD insɛf dɔn gri se dɛn nain yon pipul dɛn lɛkɛ we i bin dɔn prɔmis dɛn se, in go du, ɛn i dɔn tɛl dɛn traŋa wan se, dɛn fɔ du ɔl wetin i dɔn se dɛn fɔ de du.

Ditarɔnɔmi 4:7

Mozis tɔk se nɔn ɔda pipul dɛn nɔ de we dɛn gɔd de nia dɛn lɛkɛ aw PAPA GƆD we na dɛn PAPA GƆD de nia dɛn ɛn de ansa dɛn ɛnitɛm we dɛn pre to am.

Lyuk 10:11

‘Wi de wep di dɔti sɛf we wi mas na una tɔŋ kɔmɔt ɔnda wi fut fɔ sho una se una dɔn du bad. Ɛniwe, una nɔ fɔgɛt se Gɔd in rul dɔn kam klos!’

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Jɛrimaya 7:23

Bɔt, na dis kɔmand a bin gi dɛm se, ‘Obe mi vɔys, ɛn a go bi una Gɔd ɛn una go bi mi pipul dɛm; una liv aw a se una fɔ liv, so dat una go ɛnjɔy una layf.’

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Jɛrimaya 13:1

Na dis PAPA GƆD tɛl mi, “Go bay wan linin skintayt, wɛr am, ɛn nɔ dɔk am na wata”

Jɛrimaya 13:12

PAPA GƆD tɛl Jɛrimaya fɔ tɛl di pipul dɛn se ‘Na dis PAPA GƆD we na Izrɛl dɛn Gɔd se, “Ɔl dɛn jɔg dɛn go ful wit wayn.” PAPA GƆD se, ‘Dɔn dɛn go aks yu se, ‘Na tru se wi nɔ bin no se ɔl dɛn jɔg dɛn go ful wit wayn?’

Emɔs 3:1

Una dɛn Izrɛlayt dɛn, una lisin gud o wetin PAPA GƆD tɔk bɔt una! Una we na una i pul kɔmɔt na Ijipt:

Ditarɔnɔmi 26:19

Mozis tɛl dɛn se, PAPA GƆD dɔn prɔmis dɛn se, in go mek Izrɛl shayn na di wanol wɔl; i go mek dɛn gɛt pawa pas ɔl ɔda neshɔn dɛn na di wɔl, dɛn go yɛri bɔt dɛn, tɔk dɛn gud nem, ɛn rɛspɛkt dɛn ɔlsay na di wɔl.

Jɛrimaya 19:15

“Na dis PAPA GƆD Ɔlmayti we na Izrɛl dɛn Gɔd se, A de briŋ ɔl di bad bad tin dɛn we a bin dɔn se go apin, pan dis siti ɛn ɔl in tɔŋ dɛm, bikɔs dɛn dɔn traŋayes bad bad wan ɛn nɔ gri yɛri mi wɔd.”