Jɛrimaya 12:9 - Krio Fɔs Oli Baybul

⁹ Mi pipul dɛn we a klɛk dɔn tɔn to mi lɛk da spɔt spɔt bɔd we dɛn kin ɔntin fɔ it? Ɔl dɛn bɔd dɛn we dɛn de ɔntin fɔ it, de atak ɔlɔbɔt? Go, go gɛda ɔl dɛn wayl animal dɛn; briŋ dɛm lɛ dɛn kam it.

Jɛrimaya 12:9 Referans Kwoze

Ayzaya 56:9

Una ɔl dɛn bist dɛn na bush, una kam it – una ɔl di bist dɛn na fɔrɛst.

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

2 Kiŋ 24:2

PAPA GƆD sɛn di Babilonian dɛn, di Moabayt dɛn ɛn di Amonayt dɛn fɔ atak Juda ɛn pwɛl di siti. Ɔl dis bi fɔ lɛ wetin PAPA GƆD in prɔfɛt dɛn bin dɔn tɔk bi.

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Jɛrimaya 15:3

“PAPA GƆD se, a go pik fo kayn tin dɛn we go nyakanyaka dɛm; sɔd fɔ kil dɛm, dɔg dɛn fɔ chɛr chɛr dɛm, ɛn di bɔd dɛm na di skay, ɛn di wayl animal dɛn na wɔl fɔ it dɛm ɛn nyakanyaka dɛm.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Jɛrimaya 34:20

ɛn a go mek dɛn ɛnimi dɛm ɛn dɛn wan dɛm we wan kil dɛm, kapchɔ dɛm. Na dɛn bɔd we de flay ɔp klawd ɛn dɛn animal dɛn go it dɛn dedebɔdi.

Lamɛnteshɔn 1:17

Zayɔn kɔl fɔ lɛ dɛn ɛp am bɔt nɔbɔdi nɔ ɛp am; Na PAPA GƆD dɔn tɔk agens Jekɔb se, in neba dɛn go bi in ɛnimi dɛm; Jerusɛlɛm dɔn tɔn dɔti ɛn smɛl tin to in neba dɛm.

Ayzaya 2:11

Di kak we mɔtalman de kak, go brok kan dɔŋ, ɛn prawd pɔsin in fɛda go brok kan dɔŋ; ɛn da de de, na PAPA GƆD wangren dɛn go es ɔp.

Ayzaya 2:12

PAPA GƆD Ɔlmayti gɛt in yon de fɔ dil wit ɔl dɛn prawd wan dɛn ɛn dɛn wan we tink tumɔs bɔt dɛnsɛf, ɛn ɔl di wan dɛn we de es dɛnsɛf ɔp ɛn de kak;

Izikɛl 34:5

So dɛn bin skata skata bikɔs nɔn shɛpad nɔ bin de; ɛn dɛn bin kam bi it fɔ dɛn wayl bist dɛn.