Jɛrimaya 12:7 - Krio Fɔs Oli Baybul

⁷ “A dɔn fɔsek mi os, A dɔn abandɔn Izrɛl; A dɔn giwe di wande lɛk insay mi sol to in ɛnimi dɛm.

Jɛrimaya 12:7 Referans Kwoze

Ayzaya 2:6

Bikɔs yu dɔn pul an pan yu pipul, we na Jekɔb in os, bikɔs pan dɛn na mɛrɛsinman dɛm we kɔmɔt na di ist ɛn luk grɔn man dɛn, jɛs lɛk di Filistin dɛm, ɛn dɛn de mek padi wit fɔrina dɛm.

Jɛrimaya 11:15

Us rayt di wan we a lɔv gɛt insay mi os we dɛn dɔn ple dɔti gem? Na vaw dɛn we i go mek ɔ we i sakrifays flɛsh go ebul mek i nɔ alaki? Yu go gladi afta dat?

Ozie 9:15

PAPA GƆD se we dɛn bin de Gilgal, na de dɛn bigin du bad so na frɔm da tɛm de dɛn dɔn mek i et dɛn biznɛs. I se bikɔs ɔf di bad we dɛn de du, in go drɛb dɛn kɔmɔt nain os. I se in nɔ go lɛk dɛn igen ɛn dɛn pikin dɛn ɔl de mek rebɛl pan am.

Lyuk 21:24

Dɛn go tek sɔd kil sɔm, dɛn go tek sɔm lɛkɛ prizina kɛr dɛn go ɔlsay. Dɛn pipul we nɔ sabi Gɔd, go pwɛl Jerusɛlɛm ɔltogɛda, te dɛn kɔmɔt na pawa.

Joɛl 3:2

in go gɛda di neshɔn dɛn ɛn kɛr dɛn go na di Vali ɔf Jɔjmɛnt. I se na de i go jɔj dɛn fɔ wetin dɛn du to di Izrɛlayt dɛn, we nain pipul. I se dɛn skata in pipul ɔlɔbɔt ɛn sheb in land, dɔn dɛn

Joɛl 2:15

Blo di trɔmpɛt na Zayɔn; mek lɛ ɔlman fast; I se fɔ lɛ dɛn ɔl gɛda wan ples fɔ pre,

Izikɛl 24:21

‘Tɛl di Izrɛlayt dɛn se na dis Papa Gɔd we na Gɔd se: una lisin; a nɔ go rɛspɛkt mi ples we una de pre to mi igen, we na de una prayd in pawa de, we de mek una yay dɛn gladi ɛn we de mek una sol want am bad bad; ɛn na wa una bɔy ɛn gyal pikin dɛm we una lɛf biɛn, go day.

Jɛrimaya 51:5

Bikɔs Izrɛl ɛn Juda dɛn Gɔd we na PAPA GƆD Ɔlmayti, nɔ fɔsek dɛm; bɔt di Babilonian dɛm gilti bad bad wan to di Oli wan na Izrɛl.

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Jɛrimaya 7:14

a go du di os, we dɛn de kɔl wit mi nem, ɛn we we na pan am una abop, ɛn di ples we a gi una ɛn una fɔstɛm-papa dɛm, di sem tin we a bin du Shilɔ.

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Jɛrimaya 17:4

Una go pul an pan di land we a bin gi una, ɛn a go mek una sav una ɛnimi dɛm na land we una nɔ no, bikɔs we a vɛks, faya kin layt we go kech sote go.

Jɛrimaya 23:33

Wɛn wan pan dɛn pipul ya, ɔ prɔfɛt, ɔ man we de mek sakrifays fɔ pipul sin, aks yu se, ‘Wetin na PAPA GƆD in lod? Yu fɔ tɛl dɛn se, ‘Na yu na di Lod’ ɛn a go trowe yu. Na so PAPA GƆD se.’

Jɛrimaya 23:39

fɔseka dat, fɔ tru tru, a go es una ɛn trowe una kɔmɔt bifo mi, una ɛn di siti we a gi una ɛn una fɔstɛmpapa dɛm.

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.

Ditarɔnɔmi 33:12

I tɔk bɔt di Bɛnjamin fambul dɛn se, dɛn na di fambul dɛn we PAPA GƆD lɛk pas ɔl; PAPA GƆD de kɔba dɛn ɔltɛm mek natin nɔ du dɛn, ɛn na wit dɛn i tap.

2 Kiŋ 21:14

I se di wan dɛn we nɔ day in go mek dɛn ɛnimi dɛn kech dɛn ɛn tek ɔl wetin dɛn gɛt,

Di Sam Dɛm 78:62

I mek dɛn kil in pipul pan wa. I vɛks bad pan di pipul we i tek fɔ bi in yon.

Di Sam Dɛm 106:40

Dis mek PAPA GƆD vɛks pan in pipul ɛn nɔ want fɔ gɛt natin fɔ du wit dɛn.

Jɛrimaya 22:5

PAPA GƆD se, Bɔt if una nɔ lisin dɛn wɔd ya, A swɛ bay misɛf, dis os go tɔn ples we nɔbɔdi nɔ de.