Jɛrimaya 12:5 - Krio Fɔs Oli Baybul

⁵ “If yu dɔn rɔn res wit pipul dɛm, ɛn yu dɔn gens wit dɛm, aw yu go ebul rɔn res wit ɔs? Ɛn if yu fɔdɔm na land we sef, aw yu go du insay di jɔngul we de nia Riva Jɔdan?

Jɛrimaya 12:5 Referans Kwoze

Pita In Fɔs Lɛta 4:12

Mi padi dɛn we a lɛk, una nɔ fɔ wɔnda we big big waala de mit una lɛkɛ na tin dat we nɔba bi,

Prɔvabs 24:10

If yu giv ɔp di tɛm we prɔblɛm mit yu, wɛl, yu nɔto bɛtɛ pɔsin.

Jɛrimaya 50:44

“A de tɛl una, lɛkɛ we ship dɛn kin rɔn we layɔn kin kɔmɔt na bush nia Riva Jɔdan, fɔ kam atak dɛm, na so a go mek dɛn kɔmɔt to am we i nɔ mekɔp; A go pik ɛnibɔdi we mi lɛk fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad ebul tinap bifo mi?

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Di Sam Dɛm 42:7

PAPA GƆD mek aw di wata dɛn kin de splash, i tan lɛk se dɛn de tɔk to dɛnsɛf; a kin lɛk fɔ yɛri aw di wata de splash we i kin kɔmɔt na di mawnten dɛn go na di Riva Jɔdan.

Prɔvabs 3:11

Mi pikin, nɔ mek traŋayes we PAPA GƆD de kɔrɛkt yu, ɛn nɔ se yu vɛks we i pɔnish yu fɔ we yu du rɔŋ.

Jɔshwa 3:15

Di tɛm we ɔl dis bin de bi, na bin di tɛm we pipul kin avɛst, ɛn na datɛnde Riva Jɔdan kin ful te i ovaflo. Di man dɛn we de mek sakrifays fɔ pipul sin we tot di Kɔvinant bɔks put dɛn fut insay di wata.

Jɛrimaya 36:26

Bifo dat, di kiŋ ɔda Jɛrameɛl we nain di kiŋ in bɔypikin, ɛn Sɛraya we na Azriɛl in bɔypikin, ɛn Shɛlɛmaya we na Abdeɛl in bɔypikin, fɔ arɛst Baruch we na di sɛktri ɛn Jɛrimaya we na di prɔfɛt, bɔt PAPA GƆD bin ayd dɛm

Jɛrimaya 26:8

Ɛn wɛn Jɛrimaya dɔn tɔk ɔl wetin PAPA GƆD kɔmand am fɔ tɛl ɔl di pipul dɛm, nain di man dɛm we de mek sakrifays fɔ pipul sin ɛn di prɔfɛt dɛm, ɛn ɔl di pipul dɛm gɛda am, de tɔk se, “yu go day!

1 Kronikuls 12:15

Na di man dɛn dɛn wan ya we krɔs Riva Jɔdan insay di fɔs mɔnt we i bin rɔn oba kam na land, ɛn mek ɔl di wan dɛn we de na di ist ɛn wɛst say na di vali dɛn, rɔnawe.

Jɛrimaya 11:21

Na dis PAPA GƆD se bɔt di man dɛn na Anatɔt we wan kil yu ɛn de tɔk se, “We yu de prɔfisay, yu nɔ fɔ tɔk se na PAPA GƆD se, ɔ nɔso, wi go kil yu”–