Jɛrimaya 12:16 - Krio Fɔs Oli Baybul

¹⁶ Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Jɛrimaya 12:16 Referans Kwoze

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Zɛfinaya 1:5

Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

Jɔshwa 23:7

so dat dɛn nɔ go miks dɛnsɛf wit da neshɔn we lɛf wit dɛn. Dɛn nɔ fɔ wɔship dɛn gɔd dɛn ɔ tek dɛn nem fɔ swɛ ɔ ivin kɔl dɛn nem na dɛn mɔt,

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Jɛrimaya 5:2

Ɔlwe dɛn kin swɛ se, “Wans PAPA GƆD de,” dɛn stil kin lay.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Ayzaya 65:16

So dat ɛnibɔdi we blɛs insɛf na di land go tek di Gɔd we de waka tret, blɛs insɛf ɛn ɛnibɔdi we de swɛ na di land go swɛ to di Gɔd we de waka tret; bikɔs a dɔn fɔgɛt di trɔbul dɛn we dɔn pas ɛn dɛn dɔn ayd pan mi.

Ayzaya 49:6

I se: “Na smɔl tin fɔ mek yu bi mi wokman fɔ gɛda Jekɔb in difrɛn fambul dɛn ɛn fɔ briŋ di wan dɛn pan Izrɛl we a kip, kam bak; A go mek yu lɛk layt to di neshɔn dɛm, lɛ mi salveshɔn go rich usay di wɔl tap.”

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

Lɛta Fɔ Rom 14:11

Dɛn rayt na Gɔd in Buk se, “Di Masta se, wans nɔmɔ a gɛt layf, a prɔmis se ɔlman go nil dɔŋ bifo mi, ɛn ɔlman go tɔk ɔlɔbɔt se, mi na Gɔd.”

Sɔlɔmɔn In Siŋ Dɛm 1:8

If yu nɔ sabi Uman we fayn pas ɔl uman, fala di ship dɛn mak ɛn fid yu yɔŋ got dɛn nia di shɛpad dɛn tɛnt dɛn.

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Ruth 3:13

I tɛl Ruth se mek i slip de da nɛt de, dɔn na mɔnin, in go go aks di man if i go gri fɔ mared Ruth. I se mek i mared am. Bɔt if i se nɔ, i prɔmis bifo PAPA GƆD se in di Boaz go mared Ruth.

Ayzaya 42:6

Na mi na PAPA GƆD, A dɔn kɔl una fɔ waka tret na mi yay, A dɔn ol una an ɛn kip una; A dɔn gi una as Kɔvinant to di pipul dɛm, ɛn layt to di neshɔn dɛm,

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Jɛrimaya 6:16

Na dis PAPA GƆD se, “Una go tinap na forod ɛn wach, una aks fɔ dɛn ol rod, usay di gud rod de; ɛn una waka de, ɛn fɛn kolat fɔ una sol. Bɔt dɛn se, ‘we nɔ go waka de.’

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 18:8

ɛn if da neshɔn de we a de tɔk bɔt chenj ɛn lɛf fɔ du bad, a go ripɛnt fɔseka di bad we a bin de plan fɔ du to dɛm.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.

Ayzaya 2:3

Bɔku pipul go kam ɛn tɔk se: ‘Kam, lɛ we go ɔp PAPA GƆD in mawnten, na Jekɔb in Gɔd in os; mek i go tich wi in we so wisɛf go waka aw i want wi fɔ waka.” Bikɔs na zayɔn di lɔ go kɔmɔt, ɛn PAPA GƆD in wɔd go kɔmɔt Jerusɛlɛm.