Jɛrimaya 12:15 - Krio Fɔs Oli Baybul

¹⁵ Ɛn afta a dɔn rut dɛm kɔmɔt, a go sɔri fɔ dɛm, ɛn a go briŋ dɛn ɔl kam bak, ich to in pipul dɛn, ɛn ich wan, to dɛn land.

Jɛrimaya 12:15 Referans Kwoze

Jɛrimaya 49:6

PAPA GƆD se, “Bɔt afta dat, a go gi di Amonayt dɛm, dɛn jɛntri bak.”

Jɛrimaya 48:47

Pan ɔl dat, a go gi Moab in jɛntri bak leta. Na so PAPA GƆD se.” Na so di Jɔjmɛnt fɔ Moab tap fɔs.

Jɛrimaya 49:39

PAPA GƆD se, “bɔt leta, a go gi Ilam dɛn jɛntri bak. Na so PAPA GƆD se.

Emɔs 9:14

A go briŋ mi pipul kam bak na dɛn land, dɛn go bil dɛn siti bak ɛn tap de; dɛn go plant vayn ɛn drink in wayn, dɛn go plant ɛn it wetin dɛn plant.

Ditarɔnɔmi 30:3

datɛnde, PAPA GƆD we na dɛn PAPA GƆD go sɔri fɔ dɛn ɛn si dɛn lɛkɛ in yon pipul dɛn bak. PAPA GƆD go gɛda dɛn kɔmɔt na ɔl di kɔntri dɛn we i bin skata dɛn, ɛn mek dɛn gɛt ɔl dɛn jɛntri bak.

Ditarɔnɔmi 3:20

sote PAPA GƆD mek dɛn pul dɛn ɛnimi dɛn kɔmɔt na di land kpatakpata lɛk aw i bin bi fɔ dɛnsɛf. Dɔn dɛn go tek di land we PAPA GƆD we na dɛn PAPA GƆD dɔn gi dɛn biɛn Riva Jɔdan. Da tɛm de, ɔlman go go bak nain land we i bin dɔn pɔynt dɛn se na dɛn yon.

Di Nɔmba Dɛm 32:18

Dɛn se dɛn nɔ go tɔn bak te ɔl di Izrɛlayt dɛn dɔn gɛt ples we na dɛn yon.

Apɔsul Dɛn Wok 15:16

‘Gɔd se, Wɛn dɛn tin ya dɔn bi, a go kam bak ɛn bil Devid in os we bin dɔn fɔdɔm. Pan ɔl we i bin dɔn pwɛl ɔltogɛda, a go bil am bak.

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Jɛrimaya 24:6

A go gyad dɛm sote go, ɛn a go briŋ dɛm kam bak na dis land. Nɔto brok a go brok dɛm, na bil a go bil dɛm; nɔto rut a go rut am, na plant a go plant am.

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Daniɛl 11:4

Wɛn i go dɔn gɛt pawa gud gud wan, in kindɔm go skata ɛn go sheb to di fo say we briz de blo kɔmɔt ɛvin, bɔt nɔto to nɔn pan in jɛnareshɔn, ɛn nɔto bay di kayn pawa we i bin de tek rul; bikɔs dɛn go jɔg di kindɔm nain an ɛn i go go to ɔda pipul dɛn we nɔ blant in jɛnareshɔn.

Jɛrimaya 16:15

bɔt dɛn go se, ‘Wans PAPA GƆD de, PAPA GƆD we pul di Izrɛlayt dɛn kɔmɔt na di nɔt kɔntri, ɛn ɔl dɛn difrɛn kɔntri we in bin dɔn drɛb dɛn go.’ Bikɔs a go briŋ dɛm kam bak na dɛn yon land we a bin dɔn gi dɛn fɔstɛmpapa dɛm.