Jɛrimaya 12:14 - Krio Fɔs Oli Baybul

¹⁴ Na dis PAPA GƆD se bɔt ɔl mi bad bad neba dɛm we put an pan di prɔpati we a dɔn gi Izrɛl we na mi pipul dɛm, as dɛn yon prɔpati: “A de tɛl yu, a go rut dɛm kɔmɔt na dɛn land, ɛn a go rut Juda kɔmɔt pan dɛm.

Jɛrimaya 12:14 Referans Kwoze

Zɛkaraya 2:8

So Papa GƆD we na PAPA GƆD Ɔlmayti gi am dis mɛsej fɔ ɔl dɛn neshɔn we bin de ambɔg dɛn: I se if ɛnibɔdi ambɔg dɛn, nain dɛn ambɔg bikɔs dɛn nain bɔlyay.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Jɛrimaya 49:7

Dis na bɔt Idɔm, na dis PAPA GƆD Ɔlmayti se: Sɛnsman dɛn nɔ de na Idɔm igen? Di Advaysa dɛn nɔ ebul advays igen? Sɛnsman dɛn dɔn dɔn?

Jɛrimaya 2:3

Izrɛl bin oli to PAPA GƆD, dɛn na bin di fɔs frut dɛn na di avɛst. Ɔl di wan dɛn we it pan am bin gilti stret; bad bad tin bin mit dɛm, na so PAPA GƆD se.

Di Sam Dɛm 106:47

E PAPA GƆD wi PAPA GƆD, kɛr wi go bak usay wi fɔ de so dat we go tɛl yu tɛnki ɛn blɔf we wi de prez yu oli nem.

Ditarɔnɔmi 30:3

datɛnde, PAPA GƆD we na dɛn PAPA GƆD go sɔri fɔ dɛn ɛn si dɛn lɛkɛ in yon pipul dɛn bak. PAPA GƆD go gɛda dɛn kɔmɔt na ɔl di kɔntri dɛn we i bin skata dɛn, ɛn mek dɛn gɛt ɔl dɛn jɛntri bak.

Zɛkaraya 1:15

Ɛn i vɛks bad wit dɛn kɔntri we nɔ bisin; bikɔs we i bin vɛks smɔl pan dɛn, dɛn tek am mek paspot fɔ du mɔ bad.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

Izikɛl 37:21

dɛn tɛl dɛn se, na dis Papa Gɔd we na Gɔd se: una lisin, a go tek di Izrɛl pipul kɔmɔt na di neshɔn dɛm we dɛn dɔn go, ɛn a go gɛda dɛm kɔmɔt ɔlsay, ɛn briŋ dɛm kam na dɛn yon kɔntri;

Izikɛl 36:24

Fɔ a go tek una kɔmɔt pan di neshɔn dɛm ɛn gɛda una kɔmɔt pan ɔl di kɔntri dɛm ɛn briŋ una kam insay una yon kɔntri.

Izikɛl 28:25

“PAPA GƆD se: wɛn a gɛda Izrɛl kɔmɔt to di difrɛn pipul usay dɛn skata, ɛn sho dɛm mi olinɛs bifo di neshɔn dɛn yay, na da tɛm de, dɛn go tap na dɛn yon kɔntri we a bin gi Jekɔb we na mi wokman.

Jɛrimaya 48:1

PAPA GƆD tɔk bɔt Moab. Na dis PAPA GƆD Ɔlmayti we na Izrɛl dɛn Gɔd se: “Swɛ dɔn kech Nɛbo, bikɔs i nɔ gud fɔ natin igen! Kiriataim dɔn shem bikɔs dɛn dɔn kapchɔ am; dɛn dɔn nyakanyaka dɛn barik ɛn dɛn dɔn shem;

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Di Sam Dɛm 105:15

I kin se “Nɔ tɔch di Kiŋ ɔ di prɔfɛt we a pik fɔ tɔk fɔ mi; nɔ du bad to ɛniwan pan dɛn.”

Ditarɔnɔmi 28:63

Mozis tɛl di Izrɛlayt dɛn se, lɛkɛ aw PAPA GƆD bin gladi fɔ mek dɛn jɛntri ɛn bɔn bɔku bɔku pikin dɛn, na semweso i go gladi fɔ du dɛn tin dɛn we go mek dɛn alaki ɛn day day na di land we i dɔn rɛdi fɔ gi dɛn.

Jɛrimaya 48:47

Pan ɔl dat, a go gi Moab in jɛntri bak leta. Na so PAPA GƆD se.” Na so di Jɔjmɛnt fɔ Moab tap fɔs.

Jɛrimaya 49:1

Dis na bɔt di Amonayt dɛm, na dis PAPA GƆD se: “Izrɛl nɔ gɛt bɔypikin? I nɔ gɛt pɔsin we go tek in ples? Wɛl wetindu Milkɔm dɔn tek Gad lɛk nainyon, ɛn in pipul dɛn go sɛtul na dɛn siti dɛm?

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Izikɛl 28:26

Ɛn dɛn go tap de wit kolat, ɛn dɛn go bil os dɛm ɛn mek greps fam dɛm. Dɛn go de sef wan, wɛn a kɛri awt jɔjmɛnt dɛn pan ɔl dɛn neba we bin de luk dɔŋ pan dɛm. Na da tɛm de, dɛn go no se na mi na PAPA GƆD we na dɛn Gɔd.”

Izikɛl 36:5

fɔseka dat, na dis PAPA GƆD se; a de tɔk pan mi bad bad jɛlɔs we a gɛt pan di balans neshɔn dɛm ɛn pan ɔl Idɔm, we gi mi kɔntri to dɛnsɛf fɔ dɛn yon, ɛn gladi wit ɔl dɛn at, ɛn nɔ gɛt rɛspɛkt at ɔl, so dat dɛn go tek am fɔ dɛn yon ɛn pwɛl am pata pata.