Jɛrimaya 12:12 - Krio Fɔs Oli Baybul

¹² Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.

Jɛrimaya 12:12 Referans Kwoze

Emɔs 9:4

If dɛn ɛnimi dɛn kech dɛn ɛn kɛr dɛn go as rɛfyuji, a go mek dɛn kil dɛn ɔl. A dɔn mekɔp mi maynd fɔ dɔnawe wit dɛn kpatakpata. A nɔ go sev dɛn.”

Jɛrimaya 47:6

Ey, PAPA GƆD in sɔd! Awlɔŋ yu go de kil pipul? Put yusɛf insay yu kes, ɛn blo kwayɛt wan!

Izikɛl 14:17

“Ɔ if a briŋ fɛt kan na di land, ɛn se lɛ di fɛt de ɔlsay na di land; ɛn mek nɔn mɔtalman ɔ animal nɔ tap de;

Ayzaya 34:6

PAPA GƆD gɛt wan sɔd; na soso lod de pan am, i fulɔp wit fat, wit ship pikin ɛn got blɔd, wit di kidni fat pan manship. Bikɔs PAPA GƆD gɛt sakrifays na Bozra, bɔku bɔku kil kil na Idɔm.

Rɛvɛleshɔn 6:4

Wan ɔda ɔs kɔmɔt, na bin rɛd ɔs. Dɛn gi di wan we bin de rayd am pawa fɔ briŋ wa kam na wɔl so dat mɔtalman kin de kil dɛn kɔmpin; dɛn gi am sɔd fɔ ol nain an.

Zɛfinaya 2:12

Di pipul dɛn na Ithiopia dɛnsɛf go day na wa.

Izikɛl 5:2

Sheb di ia tri pat ɛn bɔn wan pat na faya midul di siti di de afta di blɔked dɔn; yu go tek di ɔda pat pan di tri pat ɛn nak nak am wit sɔd rawnd di siti; dɔn yu go skata di las wan na briz ɛn mi go pul di sɔd kɔmɔt nain kes de biɛn dɛm.

Jɛrimaya 48:2

Di no we ɔlman bin no bɔt Moab, nɔ de igen. Na Ɛshbɔn dɛn plan bad fɔ am: ‘Kam, lɛ wi mek i nɔ bi neshɔn igen!’ Una sɛf, Una dɛn kresman dɛm, dɛn go mek una mɔt sɛt; wa go mit una ɔltɛm.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.

Jɛrimaya 15:2

Ɛn wɛn dɛn aks yu se, ‘usay wi fɔ go?’ Yu fɔ tɛl dɛm se, ‘Na dis PAPA GƆD se: Dɛn wan dɛn we fɔ day bay siknɛs, go day bay siknɛs, ɛn dɛn wan dɛn we fɔ day na wa, go day na wa; dɛn wan dɛn fɔ day we bay bad bad aŋri, go day bay bad bad aŋri, ɛn di wan dɛn we na fɔ kech kɛr go mek slev, go go as slev.”

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Ayzaya 57:21

Mi Gɔd se, Pis nɔ de fɔ wikɛd pipul.”

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Ditarɔnɔmi 32:42

A go mek mi aro drɔnk wit blɔd, ɛn min sɔd go it flɛsh blɔd we kɔmɔt pan di wan dɛn we dɛn kil ɛn di wan dɛn we dɛn kapchɔ, flɛsh we kɔmɔt pan mi ɛnimi dɛn we gɛt lɔŋ ia na dɛn ed.

Jɛrimaya 3:21

Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Jɛrimaya 4:27

Bikɔs na dis PAPA GƆD se, “Di wanol land go lɛf ɛmti bɔt a nɔ go pwɛl am kpatakpata.

Jɛrimaya 16:5

“Bikɔs na dis PAPA GƆD se: Una nɔ go insay ɛni os we bɛrin de, ɔ go kray fɔ ɛnibɔdi ɔ sɔri wit dɛm; bikɔs a dɔn tek mi pis kɔmɔt pan dɛn pipul dɛn ya, mi lɛk we a lɛk dɛm we nɔ de shek ɛn mi masi. Na so PAPA GƆD se.

Jɛrimaya 25:11

Dis wanol land go tɔn to broko broko ɛn gud fɔ natin ples, ɛn dɛn neshɔn dɛn ya go sav di kiŋ na Babilɔn fɔ sɛvinti ia.

Jɛrimaya 30:5

“Na dis PAPA GƆD se: Wi dɔn yɛri di fred fred ala, bad bad fred fred, ɛn nɔn kolat nɔ de.

Jɛrimaya 46:10

Da de de, na PAPA GƆD Ɔlmayti in de, na de fɔ rivɛnj, fɔ rivɛnj fɔ insɛf pan in ɛnimi dɛm, Di sɔd go kil te i bɛlful, ɛn drink dɛn blɔd te i bɛlful. Bikɔs PAPA GƆD Ɔlmayti go mek sakrifays na di nɔt kɔntri nia riva Yufretis.

Lamɛnteshɔn 3:17

Dɛn dɔn mek a nɔ gɛt wan pis, A dɔn fɔgɛt wetin gladi gladi min;

Izikɛl 21:4

Bikɔs a go kil di wan dɛn we tret wit mi ɛn di wan we nɔ de waka tret, na dat mek mi sɔd go kɔmɔt nain kes pan ɔlman, frɔm sawt to nɔt,

Izikɛl 21:28

“Ɛn yu mɔtalman, prɔfisay se, na dis Papa Gɔd we na Gɔd se bɔt di Amonayt dɛn, ɛn bɔt dɛn disgres; tɛl dɛn se, wan sɔd, wan sɔd dɔn kɔmɔt nain kes fɔ kil, dɛn pɔlish am te i de glita ɛn de flash lɛk laytin -

Jɛrimaya 8:15

Wi luk fɔ kol at, bɔt nɔn gud nɔ kɔmɔt bien, wi luk fɔ tɛm fɔ mɛn wisɛf, bɔt na tin dɛn we mek wi fred apin.

Izikɛl 21:8

Nain PAPA GƆD in wɔd kam to mi se:

Izikɛl 21:9

“Mɔtalman, prɔfisay se, na dis PAPA GƆD se: wan sɔd, dɛn dɔn shap wan sɔd ɛn de pɔlish am,