Jɛrimaya 11:8 - Krio Fɔs Oli Baybul

⁸ Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

Jɛrimaya 11:8 Referans Kwoze

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.

Izikɛl 20:8

Bɔt dɛn bin tɔn dɛn bak pan mi ɛn nɔ gri lisin to mi; dɛn ɔl nɔ bin gri trowe di tin dɛn we a et bad bad wan we dɛn at bin de pan, ɛn dɛn nɔ bin gri kɔmɔt biɛn Ijipt dɛn laylay gɔd dɛn. Dɛn a bin tink se a fɔ put mi vɛksteshɔn pan dɛn ɛn put mi krɔs pan dɛn na Ijipt.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Jɛrimaya 44:17

Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

Nɛimaya 9:26

“Bɔt dɛn nɔ bin de du wetin yu want ɛn dɛn tɔn rebɛl pan yu; dɛn nɔ bin bisin bɔt wetin yu lɔ se. Dɛn kil yu prɔfɛt dɛn we bin de tɛl dɛn wetin yu want, we bin de advays dɛn fɔ mek dɛn tek yu siriɔs. Dɛn tɔk bɔku bad bad tin dɛn bɔt yu.

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Jɛrimaya 38:20

Nain Jɛrimaya se, “Dɛn nɔ go an yu oba to dɛm. Du wetin a tɛl yu se PAPA GƆD se, wantɛm wantɛm, ɛn i go bi wɛl wit yu ɛn dɛn go spia yu layf.

Jɛrimaya 44:5

Bɔt dɛn nɔ lisin ɔ ivin pe atɛnshɔn fɔ mek dɛn go lɛf dɛn bad bad tin dɛn de ɛn nɔ de bɔn insɛns to ɔda gɔd dɛm igen.

Jɛrimaya 44:16

“As fɔ wetin yu dɔn tɛl wi se PAPA GƆD se fɔ tɛl wi, wi nɔ go lisin to yu.

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Jɛrimaya 34:14

‘Afta siks ia, ɔlman fɔ fri in kɔmpin Ibru we dɛn bin dɔn sɛl gi am, we dɔn sav fɔ siks ia; yu fɔ fri am lɛ i lɛf fɔ wok fɔ yu.’ Bɔt una fɔstɛmpapa dɛn nɔ lisin to mi ɔ ivin pe atɛnshɔn to wetin a se.

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.