Jɛrimaya 11:5 - Krio Fɔs Oli Baybul

⁵ so dat a go du wetin a bin dɔn swɛ to una fɔstɛmpapa dɛn se a go du fɔ dɛm, dat na fɔ gi dɛn wan land we gud fɔ plant ɛn fɔ mɛn animal we dɛn gɛt so.” Nain a ansa se, “PAPA GƆD, lɛ i bi so.”

Jɛrimaya 11:5 Referans Kwoze

Jɛrimaya 28:6

Jɛrimaya we na prɔfɛt mɔk am ɛn se, “Emɛn! Lɛ PAPA GƆD du am; lɛ PAPA GƆD mek wetin yu dɔn prɔfisay, bi, ɛn mek i briŋ ɔl di tin dɛn fɔ yuz na PAPA GƆD in os ɛn ɔl dɛn wan dɛn we dɛn kɛr go ɛgzayl na Babilɔn, kam bak na ya.

1 Kɔrint 14:16

Wɛn una tɛl Gɔd tɛnki wit una spirit nɔmɔ, aw pɔsin we kam chɔch, bɔt we nɔ sabi bɔt dɛn tin ya, go se “Emɛn” wɛn una dɔn dɔn? Aw i go sabi wetin una de tɔk bɔt?

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Ditarɔnɔmi 6:3

Mozis koks di Izrɛlayt dɛn fɔ obe di lɔ dɛn so dat dɛn go gɛt blɛsin jɛs lɛkɛ aw PAPA GƆD we na dɛn fɔstɛm-papa dɛn PAPA GƆD bin dɔn se, ɛn dɛn go bɔn bɔku bɔku pikin dɛn na di land we gud fɔ animal ɛn fɔ plant.

Lɛvitikɔs 20:24

Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Jɛrimaya 32:22

ɛn yu gi dɛm dis land, we yu bin swɛ to dɛm fɔstɛmpapa fɔ gi dɛm; land we gud fɔ plant ɛn fɔ mɛn animal;

2 Kronikuls 6:17

So duya PAPA GƆD we na Izrɛl dɛn Gɔd, kip da prɔmis we yu mek to yu wokman Devid.

Di Sam Dɛm 105:8

I go kip in Kɔvinant sote go, dɔn i nɔ go ɛva fɔgɛt di prɔmis dɛn we i mek to una.

Jɛrimaya 19:12

PAPA GƆD se, na so a go du na dis ples, ɛn to di pipul dɛm we tap de fɔ mek dis siti tan lɛkɛ Tɔfɛt.