Jɛrimaya 11:4 - Krio Fɔs Oli Baybul

⁴ we a bin kɔmand una fɔstɛmpapa dɛn fɔ du, we a bin briŋ dɛm kɔmɔt Ijipt, kɔmɔt na di ayɛn fayasay, de tɛl dɛn se, Una lisin mi ɛn du ɔl wetin a kɔmand una fɔ du. Na dat go mek una bi mi pipul dɛn ɛn mi go bi una Gɔd,

Jɛrimaya 11:4 Referans Kwoze

Ditarɔnɔmi 4:20

Mozis se PAPA GƆD bin dɔn mek Izrɛl in yon pipul dɛn nain mek i bin pul dɛn kɔmɔt pan di trɔbul we dɛn bin de pan na Ijipt da tɛm de.

Lɛvitikɔs 26:12

I se in go de midul dɛn ɔltɛm ɛn i go kɔntinyu fɔ bi dɛn PAPA GƆD, ɛn dɛn go bi in pipul.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Zɛkaraya 8:8

ɛn i go mek dɛn kam tap insay Jerusɛlɛm; da tɛm de, in go lɛ dɛn no se dɛn nain pipul ɛn in na dɛn PAPA GƆD. Ɛn i go sho dɛn aw i fethful ɛn de du tin tret wan.

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

1 Kiŋ 8:51

bikɔs dɛn na yu pipul dɛn we yu pul kɔmɔt na Ijipt pan ɔt ɔt faya.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Izikɛl 37:23

Dɛn nɔ go dɔti dɛnsɛf igen igen wit dɛn lay lay gɔd dɛm, ɛn dɛn etful tin dɛn, ɔ wit ɛni pan dɛn wikɛd bad bad tin dɛn; bɔt a go sev dɛm pan ɔl dɛn bad tin we dɛn bin go bak to ɛn we mek dɛn sin, ɛn a go was dɛn klin; ɛn dɛn go bi mi pipul ɛn mi go bi dɛn PAPA GƆD.

Izikɛl 36:28

Una go tap na di kɔntri we a bin dɔn gi una dadi dɛm, ɛn una go bi mi pipul, ɛn a go bi una PAPA GƆD.

Izikɛl 14:11

so dat Izrɛl nɔ go go astre kɔmɔt nia mi, ɛn nɔ dɔti dɛnsɛf igen igen wit ɔl dɛn sin dɛn we dɛn de kɔmit. Bɔt dɛn go bi mi pipul dɛn ɛn mi go bi dɛn Gɔd, na so Papa Gɔd we na Gɔd se.

Izikɛl 11:20

so dat dɛn go de du wetin mi lɔ dɛn se, ɛn obe mi ɔda dɛm; ɛn dɛn go bi mi pipul, ɛn mi go bi dɛn Gɔd.

Jɛrimaya 30:22

Ɛn una go bi mi pipul, ɛn mi go bi una Gɔd.”

Jɛrimaya 26:13

So fɔseka dat, una chenj una we ɛn di tin dɛn we una de du, ɛn du wetin PAPA GƆD we na una Gɔd se, dɔn PAPA GƆD nɔ go du di bad tin dɛn we i dɔn tɔk se i go du una.

Ditarɔnɔmi 11:27

I se dɛn go gɛt di blɛsin dɛn if dɛn du ɔl wetin PAPA GƆD se dɛn fɔ du,

Lɛvitikɔs 26:3

Mozis se if dɛn obe di lɔ dɛn ɛn du ɔl wetin i se fɔ du,

Jɛnɛsis 17:8

Dis land we yu de so naw lɛkɛ trenja go blant yu ɛn yu jɛnareshɔn dɛn. A go gi yu jɛnareshɔn dɛn dis wanol Kenan. I go bi dɛn yon sote go, ɛn a go bi dɛn PAPA GƆD.”

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Zɛkaraya 6:15

Pipul we de fawe, dɛn ɔl go kam ɛp fɔ bil PAPA GƆD in os dɔn na da tɛm de dɛn go biliv se na PAPA GƆD bin sɛn am. Dɛn, na da tɛm de, dɛn go wan du wetin PAPA GƆD se.

Izikɛl 37:27

Mi os we a tap go de wit dɛm; ɛn mi go bi dɛm PAPA GƆD, ɛn dɛn go bi mi pipul.

Jɛrimaya 32:28

Fɔsɛka dat, na dis PAPA GƆD se: Biliv mi, a de gi dis siti to di Babilonian dɛm ɛn to Nɛbyukadnɛza we na kiŋ na Babilɔn, ɛn i go kapchɔ am.

Ayzaya 48:10

Luk, a dɔn klin yu fayn, bɔt nɔto lɛk silva; A dɔn tɛst yu na di fɔnes ɔf aflikshɔn.

1 Samiɛl 15:22

Nain Samiɛl se “PAPA GƆD want yu fɔ bɔn sakrifays to am ɔ i want yu fɔ du wetin go mek i gladi? No se fɔ du wetin PAPA GƆD se fɔ du, bɛtɛ pas di sakrifays we yu de mek to am.

Ɛksodɔs 20:6

bɔt a kin sho gudnɛs to tawzin, tawzin jɛnareshɔn dɛn we lɛk mi ɛn go akɔdin to mi kɔmandmɛnt.

Ayzaya 30:6

Wetin PAPA GƆD se bɔt di bist dɛn na di ɛmti ples we pipul nɔ go ebul tap na di sawt. Dɛn pas insay land we trɔbul ɛn pen de, usay di uman layɔn ɛn man layɔn kɔmɔt, usay di vaypa ɛn snek we de flay, dɛn put dɛn jɛntri na dɔŋki dɛn bak ɛn dɛn dia dia tin dɛn na kamɛl ɔmbak, kɛr go gi pipul dɛn we nɔ gɛt fɔ prɔfit dɛm.

Jɛrimaya 11:7

Bikɔs a bin wɔn una fɔstɛmpapa dɛn siriɔs siriɔs wan we a bin pul dɛn kɔmɔt Ijipt, ɛn a bin de wɔn dɛm ɔltɛm, ivin to tide, Una de du wetin a se una fɔ de du.

Jɛrimaya 38:20

Nain Jɛrimaya se, “Dɛn nɔ go an yu oba to dɛm. Du wetin a tɛl yu se PAPA GƆD se, wantɛm wantɛm, ɛn i go bi wɛl wit yu ɛn dɛn go spia yu layf.

Daniɛl 3:26

Nain Nɛbyukadnɛza kam nia di domɔt na di big big ovin we faya bin de kech bad bad wan ɛn se, “Shedrak, Mishak ɛn Abɛdnigo, PAPA GƆD we ay pas ɔl, in wokman dɛn, una kɔmɔt na di faya, ɛn kam na ya!” Nain Shedrak, Mishak ɛn Abɛdnigo kɔmɔt insay di faya ɛn kam na do.

Ditarɔnɔmi 5:6

nain PAPA GƆD we na dɛn PAPA GƆD, we pul dɛn kɔmɔt na Ijipt usay dɛn bin tek dɛn mek slev ɛn dɛn bin de sɔfa bad bad wan.

2 Kiŋ 18:6

I bin de wit PAPA GƆD tigi tigi wan; i bin de fala di lɔ we PAPA GƆD gi Mozis;