Jɛrimaya 11:22 - Krio Fɔs Oli Baybul

²² so, na dis PAPA GƆD Ɔlmayti se fɔseka dat: “Biliv mi, a go pɔnish dɛm; di yɔŋbɔy dɛm go day na wa; dɛn bɔypikin dɛm ɛn dɛn gyal pikin go day wit aŋri;

Jɛrimaya 11:22 Referans Kwoze

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

2 Kronikuls 36:17

Fɔ seka dat i mek di Babilonian dɛn kiŋ kam fɛt dɛm. I kil dɛn yɔŋman dɛm wit sɔd insay dɛn oli ples. Ɛn i nɔ gɛt sɔri pan yɔŋ wan, ɔ vajin olpa i put dɛn ɔl nain an.

Lamɛnteshɔn 2:21

Yɔŋ ɛn ol pipul dɛn lidɔm na di dɔst na trit; dɛn dɔn kil mi yɔŋgyal ɛn yɔŋman dɛn; na di de we yu vɛks yu kil dɛn, yu kil yu nɔ luk biɛn.

Jɛrimaya 9:21

Bikɔs, day dɔn pas na wi winda dɛm, kam insay wi kiŋ os dɛm, i dɔn mek wi pikin nɔ de go na trit ɛn mek di yɔŋbɔy dɛm nɔ de go midul tɔŋ igen

Jɛrimaya 21:14

PAPA GƆD se, A go pɔnish una bay wetin una du; A go layt faya insay in fɔrɛst, ɛn i go bɔn ɔl wetin de rawnd am.”

Jɛrimaya 44:13

A go pɔnish dɛn wan we tap na Ijipt lɛkɛ aw a dɔn pɔnish di wan dɛm na Jerusɛlɛm, wit wa, bad bad aŋri ɛn wit siknɛs,

Jɛrimaya 49:26

Fɔseka dat, in yɔŋman dɛm go day na dɛn opin ples dɛm, ɛn dɛn go kil ɔl dɛn sojaman dɛm da de de. Na so PAPA GƆD Ɔlmayti se.

Emɔs 4:10

“A sɛn bɔku bɔku waala pan una lɛk aw a bin du na Ijipt. A mek una yɔŋman dɛn day na wa ɛn mek dɛn kapchɔ una ɔs dɛn. Dɔn a mek una kamp dɛn de smɛl wit soso dedebɔdi. Pan ɔl dat, una nɔ klɔk mi.